Amós 3:12 - La'aqtaqa Ñim Lo'onatac 'Enauacna 2013

¹² Qaq da la'aqtac Ñim Nataxala', 'eeta': «'Eeta'am ca qagueta lo'o da nhuo' ca llon da deuotaxaneque caua dos lapia'ate, huo'otaq caua ltela lsheeneqa aca qagueta, qaq nache 'eetec qome da qoỹet nam Israel le'ecpi maye netaña na Samaria, nam hua'aqtalec naxa nam na'axasoxola'pi maye ỹataqta no'on maye chegaqa'a ye Damasco.»

Toba del Oeste

¹² 'Laqatac joñe'me Jaliaĝanec: «Ena'am nale ga'me 'nanaĝate nouatoqo't jetaque nec'alaĝategue jaga'me 'nanaĝate nale jauaĝaic yipaĝata, qalaĝaja nach'edata da'me qodoĝotaĝaneque dojolqa naa'me lapia'te uotaĝa jaga'me lequetela, qama'le naq'aeta da'me te'me qonec'alaĝatedegue qomle ga'me Israel lec'oqo'tepi jo'ne 'lachaqa't di'me Samaria: nach'edata da'me qoyachi joga'me onolec nela' liche, uotaĝa joga'me lapiaĝala' lae.»

Amós 3:12 Referans Kwoze

Isaías 31:4

Ñim Nataxala' aỹem 'enapega, 'eeta': «Qaq 'eeta'am ca llon da desoqtalec aca lalaata qagueta, nache saishet da iquichoqchet camaye cam qalota qagueta lo'opi, na'aictaxa da 'enauac camayepi da laỹona't nache ỹa'alaqtalec da huotaique da iquichoqchet, qalaxaye saishet da ñi'i, qaq nache 'eetec qom anac Ñim Nataxala' maye Qaica ca Ỹaqalanapec da iueelec nam lalamaxat nhuo' le'ecpi qom huaña añi qasoxonaxa Sión.

2 Reyes 16:9

Nache so nta'a ye Asiria, ỹasateguet de'era lỹaxanaxac somaye, nache taỹa da iloquiaxan ye Damasco, nache loxonec som netañapi yemaye, nache ỹauega ye Quir, qataq ỹalauat so Resín.

1 Reyes 22:25

Nache so Micaía, 'eeta': Qomye maiche 'auaỹaten qom ivita ca na'a'q, da 'ateua'alo da 'anqañoxottapiguiñi.

1 Reyes 20:34

Nache so Ben Adad, 'enapeco': Aỹem, 'am she'eguelaxatot qome ye huaqta'a't nỹecpi maye so ita'a deuotaxanec co'ollaq nhuo' so 'arta'a. Qaq 'am, nache ishet da 'aỹa'anaña ye Damasco ca nmenaqa' na 'armenecpi, 'eeta'am da 'eetec so ita'a co'ollaq ỹanaña ye Samaria so nmenaqa' so lmenecpi. Nache so Ajab 'enapeco': Qaq souaxat da aỹem 'anaỹamaxate' nagui, nache aỹem, 'am saxanec da qojec. Qaq co'ollaq ime da naỹamaxate' somaye, nache ỹaxanec da jec.

1 Reyes 20:30

Qaq so laỹepi se'eso alleppi, nache datauec co'ollaxa taỹa ye Afec, qalaxaye so lpaqtaxat se'eso huaqta'a't nỹecpi, hua'axalec co'ollaxa se'eso veintisiete mil ỹalleppi maye datauecpi. Qaq so Ben Adad maye nataqa'en datauec co'ollaxa, nache ỹe'egueneua'a se'eso huaqta'a't nỹecpi, nache ỹataqta tateua'alo so nỹecpi da nqañoxottapiguiñi.

Amós 6:4

Qataq qaro'ochaxala'ai na mala' maye chegaqaigui na marfil, qataq qaua'aqaitalec nam ỹataqta no'on na'axasoxola', qataq qauo'ocheetac na nquia'axac, qolliquiitac na ỹataqta chaxaraic lapat na qagueta qataq na huaca llalec,

Isaías 8:4

Cha'aye ye nogotolec qom saxanaxa da ỹaỹaten da 'eeta' ‹taxare› qataq da 'eeta' ‹chera›, nache ye Damasco qataq ye Samaria ỹataqta qanhuotta qome, nache da lsallaxa qaira'a qome ñi nta'a ye Asiria.»

Ester 1:6

Qaq so qasoxoc, qalaq huo'o so ỹataqta no'on llo'oxoraxatpi hualoxolaỹipi maye lapagaxaic qataq malaxaraic da lo'oxoỹaxac, qaq somayepi huo'o so lquetpi chegaqaigui so lino maye naueralec da lo'oxoỹaxac, qaq somaye tachiviiguilo qanqa'en soua lauaco maye chegaqaigui so lcat plata, qataq nache ncoñettaua'alo soua nhuoqtel maye chegaqaigui so coma' mármol. Nataqa'en qaỹauo'o aso no'on so'onaxaquipi maye nda'a't oro, qataq so lcat plata, qataq so napiaxala' maye lo'oxonaxat so no'on coma' maye le'enaxat nácar, qataq so mármol maye lapagaxaic qataq so lairaxaic.

Ester 7:8

Qaq so nta'a co'ollaq ñe'eguelaxauo chegaqauga so nanaxanaqa', nache taua'a so huaña so nquia'axac, nache co'ollaq ila'a da so Amán ỹa'atto'oto naua l-llecte aso Ester, nache ỹa'alaxalec, 'eeta': ¿Peta'a 'auauotaique nataqa'en da 'avi'in ana nate'e, da sauaachigui 'anqa'en da huaña na ima'? Qaq co'ollaq nasaxauec de'era la'aqtac so nta'a, nache qaỹapolec na lashec so Amán.

Salmos 132:3

«Saishet qome da senoxonoigui ñi ima', qataq saishet qome da ñenaañi da ñematec.

Amós 9:8

Qaq Ñim Nataxala' imeteetac da qauem lo'onataxanaxac ne'ena shiỹaxauapi, ỹoqo'oye 'eeta': Ỹataqta pal ñaqa'en qome ne'ena shiỹaxauapi da huetalec ana 'alhua, qalaxaye saishet da imauec da pal ñaqa'en nam chegoxoguetpi so Jacob. Qaq 'era da ỹa'aqtac, Aỹem Nataxala'.

Isaías 17:7

Qaq que'eca na'a'q, cam shiỹaxaua ỹe'eguelaxa qome da ỹamato'ot Ñim Lo'onatac da nachaalataxac, Ñim Qui'itta Natamnaxala' na Israel le'ecpi.