Amós 3:10 - La'aqtaqa Ñim Lo'onatac 'Enauacna 2013

¹⁰ Qaq da la'aqtac Ñim Nataxala', 'eeta': «Namayepi sa ỹaỹaten da ỹo'ot ca ỹaỹamaqchiguiñi lataxac, qataq ỹoxotoiguilo naua nma'ate lta'araiqa na lcachaxatpi, maye ỹachegoxotaigui da qaica ca iren».

Toba del Oeste

¹⁰ Yataqata nenaĝategue jenjo' joñe'me Jaliaĝanec: «Naa'me naajo' ja yayate'n ta'le e'n chimaqachidiñe jogaa'me lelnataĝaco, qa'a yiyamaĝatetedac joga'me yauata jo'ne ch'e lecachaĝa't ca'li.»

Amós 3:10 Referans Kwoze

Sofonías 1:9

Qaq nataqa'en que'eca na'a'q sauo'o qome ca nhuaxanaguec nam parenaxaalec so nqauaxala', qataq nam nlaxatchigui da nayeloxo qataq da natenataxanaxac, na lma'pi na na'aco'pi.»

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Salmos 14:4

Qaica ca laỹaanataxanaxac na ỹo'ottac na qauem, nam chectac na ỹalamaxatpi, 'eeta'am naqa'en da chec ca nallec, nam saishet da nqouagaxaueetega da le'enaxat Ñim Nataxala'.

2 Pedro 3:5

Qaq ne'ena shiỹaxauapi saishet da taỹapigui lauel da soua qaỹoqteguelo vi'iye da Ñim Lo'onatac 'Enauacna, ỹo'ot co'ollaxa na piguem qataq ana 'alhua. Chegoqchigui so 'oonolec la'aqtac da ỹo'ot aso auaxai qataq na deqaqtelec 'alhua.

Amós 6:12

Qaq ¿isheto' peta'a na caipi da nqalgoqtalec na coma'pi? Qataq ¿isheto' peta'a na nauegaxanaxala' huacapi da na'ayisheguem na coma'pi? ¡Cha'aye da no'on lataxac nmeneguet qanqa'eñi dam lataxac maye qanlem! ¡Qataq da alaỹaxac da nalochiguiñi lataxac qalaq ỹataqta chem qanqa'eñi!

Amós 5:7

Qaq choxoraxaso' nam shiỹaxauapi maye nmeneguet naqa'en da ỹaỹamaqchiguiñi lataxac nam qauemsat, nache ỹasaxaiya' da nalochiguiñi lataxac.

Jeremías 5:4

Qaq aỹem seuennataxan, nache sheeta': 'Era da 'eetec na shiỹaxauapi da qaica ca ỹaỹaana'a, cha'aye saỹaỹaten cam 'eetapeguec Ñim Nataxala', qataq cam damaxasoxoolec Ñim Natamnaxala'.

Ezequiel 8:17

Qaq huaña nache Ñim Nataxala' aỹem 'enapega, 'eeta': «¿Peta'a 'aulota'a de'era? Na nhuo' le'ecpi na Judá, 'eeta'am da saq 'amaqtaq naqa'en nam ỹo'otpi maye ỹataqta qaiqaiga da huaña ne'ena, qataq nataqa'en nlaxalec naqa'en ne'ena 'alhua da loquiaxac. Nache nacalec lỹa da ỹo'ot da ỹayeloxo, qataq Aỹem iviro'ot na laita na lapiina.

Ezequiel 18:7

qataq saishet da saỹaỹamaxatapec ca lỹa, nacherata da ỹe'eguelaxatot cam lalamaxat ca lỹa maye qaipatano'ot co'ollaxa, qataq qaica ca decachiỹot, qataq ỹachet cam huo'o na lqouaxa qataq ỹanema caua alogo ca huetauec,

Ezequiel 22:29

Nam 'amaqtaqaicpi qalaq nalemaqte' da lcachaxac, qataq qaica ca iren, qataq nhuottalec na choxoraqpi qataq na huo'o da lhuenaxanaxa, qataq saiyacnapec nam ỹaqa'a ca chegaqa'ague, na'aictaxa da qaica ca ỹasouaxat.

Amós 6:3

Qaq qami' maye saishet da qauennacheetega cam qauem na'a'q, qalaxaye maiche qami' da qanaviquiila't nam qaica ca iyacnapec.

Amós 6:8

Qaq Ñim Nataxala' maye Lo'onatac 'Enauacna maye Qaica ca Ỹaqalanapec, maiche nañaala't da ỹan da la'aqtac, 'eeta': «Aỹem, ỹataqta sepitaxac da na'amqaanaxac na lauo' le'ecpi so Jacob, qataq sepitaxac na lma' lta'araicpi, ỹoqo'oye nam huaqta'a't nỹecpi, saneguet qome na npa'aguenaxauapi namayepi, nache lỹaueegue' 'enauac nam huetaigui namayepi.»

Miqueas 6:10

Naua lma'ate na yeloxoicpi qalaq nlaqchiguilo da nsallaxa maye chegaqaigui da lcachaxac, qataq anam naloqnaxanaqte maye saq 'en maye ỹataqta seqaiga.

Da na'aqtaguec so Job 20:21

nache qaica ca ỹetauec de'era lqopiche. Qaq ỹoqo'oye sa qaỹauec de'era laỹamaxa camaye.

Proverbios 1:13

Yaqto' ishet da ỹataqta qomi' sallaxanaqa, ỹataqta ñelaxataqchiguilo qome naua qarma'ate ca qarcachaxatpi.

Proverbios 11:16

Aca 'alo choxonnataxanaxai acamaye huo'o da ño'oxonnataguec, qaq ca ỹale 'onataxanaxaic qalaq huo'o da lsallaxa.

Proverbios 28:5

Na qauemaicpi qalaq saishet da ỹaỹaten da llec ca ỹaỹamaqchiguiñi lataxac, qaq na nmitaique Ñim Nataxala' qalaq ỹaỹaten 'enauac namayepi.

Eclesiastés 4:1

Qaq ime, nache qaltaq semeteetac da saqaiyacnapec na shiỹaxauapi maye huetalec ana 'alhua, nache selota'a nam saqaiyaqnapecpi da nỹeetac qalaq qaica ca ishet da ỹa'añaqchet namayepi, nam saiyacnapec namayepi qalaq ỹataqta sairen, qalaxaye qaica ca chochaq ỹa'añaqchet namayepi.

Oseas 7:1

Qaq co'ollaq ñatareetac na Israel le'ecpi, nache yo'oq da lle'etaxaloxo na Efraín, qataq nam lasouaxashetpi nam Samaria le'ecpi, cha'aye namayepi ỹo'ottac da natenataxanaxac, nache na'aictaxa da yo'oxoñi qalaq inoxotaua'a na nỹecpi, qataq decachiỹot nam quetague' na nqa'aicpi.

Amós 4:1

Ña qana'axaỹaxañiỹa de'era na'aqtac, qami' maye qoñeeta'am ana huacapi ye Basán, qami' 'alpi maye Samaria lashepi, maye huetaiya' naxa qanqa'eñi na choxoraqpi, qataq qaica ca nyacnataguec qanqa'eñi nam huo'o da lhuenaxanaxa, qataq qauamaqaitac naxa nam qarhuaipi, qoñiita': «Ña qandoiuo cam qaraquip lataxa».