Amós 2:9 - La'aqtaqa Ñim Lo'onatac 'Enauacna 2013

⁹ Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.

Toba del Oeste

⁹ Qalaĝaja da'me jayem jetaque jo'ouategue ca'li ga'me adadiqui, qama'le japalaĝa't gaa'me amorreopi, yataqata je'n qayaua joca'li, mate mane'e da'me yataqata locayaqa jogaa'me, ena'am jaga'me epaq jo'ne cedro, nataq'aen da'me yataqata 'uañaĝayaqa, ena'am jaga'me epaq jo'ne roble.

Amós 2:9 Referans Kwoze

Malaquías 4:1

Ñim Nataxala' maye Qaica ca Ỹaqalanapec da la'aqtac, 'eeta': «Mashe nayeetai' ca na'a'q, maye ỹataqta 'eroigui 'eeta'am aca nqatelaxanaxaqui, cam huaigui qome 'enauac na ño'oxonnaxaicpi qataq nam qauemaicpi da ỹataqta ỹavicta. Que'eca na'a'q maye anac qome, ỹataqta ỹavigaxatta qome namayepi, nache qaica ca no'onañi.

Da na'aqtaguec so Job 18:16

Qataq 'eeta'am ana qo'oipaq da daqaqte' naua lpa'aye, nache 'enauac ana lcouepi qalaq deqaqa.

Deuteronómio 3:11

Qaq se'eso nta'a Og, somaye nacheso so pa'atec som logoraicpi, so lmala' lcat qalaq ivi' cuatro metros ye lalogaxa, qaq ye lcategue qalaq ivi' dos metros. Qaq se'eso mala' ñaq 'eetalec nagui da qaimeteetac huetaña ye Rabá maye lma' so amoniitapi.

Éxodo 34:11

Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.

Génesis 15:16

Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»

Ezequiel 17:9

Qaq 'am qonapega qome, qoneta': 'Era da la'aqtac Ñim Nataxala', 'eeta': Asa'aso uva lcheyec saishet qome da 'onaxaic da llecỹaxac. So hua'auchiguiñi vi'ic napogoyeshegue'm qome naua lpa'aye asomaye, qataq naañi naqa'en ana alapi, qalaxaye qaica qome ca na'añaxataxac, qataq sa iuen ca qalota shiỹaxauapi da napogoyeshegue'm naua lpa'aye, qaq huaña nache deqaqa ana dalaxai llaxataxapi.

Josué 10:12

Qaq co'ollaq mashe ime da Ñim Nataxala' ỹaneguet da lhuaqỹaxac so Israel le'ecpi se'eso amorreopi, nache so Josué 'enapega Ñim Nataxala', hua'aqchigui naqa'en so nhuo' le'ecpi, 'eeta': «'Am nala', 'avi'iiguet qom huaña ye Gabaón. 'Am ca'agoxoic, 'avi'iiguet qom huaña ye ca'amegue ye Ayalón.»

Josué 3:10

Maye 'eeta': «'Era da la'anaxat da Ñim Lo'onatac 'Enauacna maye nca'altauec ỹataqta qami' hueta'agueta, qaq nache de'era qa'aita'ague qauauañiichigui naqa'en da ỹo'orauec qome ye Canaán le'ecpi, hitiitapi, heveopi, ferezeopi, gergeseopi, amorreopi, qataq na Jebuseopi.

Deuteronómio 1:28

Qaq nagui, ¿hua'ago' ca sataxague? Cha'aye soua qaramaxa'ashe ỹa'axattrac da na lma' yi'iye 'alhua ỹataqta 'añaxaicpi qataq logoraicpi, qataq na huaqta'a't nỹecpi ỹataqta lta'al qataq qaỹoqotcheguemec na lpaqtaxat. Qataq ỹataqta huo'o da qarcolanaxa cha'aye qomi' qaỹa'aqtaxanema da yi'iye 'alhua lma' na chegoxoguet so shiỹaxaua logoraic maye le'enaxat Anac.›

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Isaías 5:24

Qaq ỹoqo'oye 'eeta'am qome ca norec da ỹavicta naqa'en ca 'auaqpi deqaqta, qataq na le'eraxa camaye da chepchiguiñi naqa'en ana deqaqta laue ana qo'oipaq, qaq nache 'eetec qome namayepi da imeuo, 'eeta'am aca qo'oipaq da lto na lpa'a'pi, qataq ana lauoxo nlaguiñi nache nañigui namoxoỹaxa, cha'aye sa ỹalaxagueta naua lapaxaguenataxanaxaco qataq naua lamaxasoxonaxaco Ñim Nataxala' maye Qaica ca Ỹaqalanapec, Ñim Qui'itta Natamnaxala' na Israel le'ecpi.

Isaías 10:33

Ña qauloỹa, Ñim Nataxala' maye Qaica ca Ỹaqalanapec, ỹa'axasoxooñi ana qo'oipaqpi irolec da la'añaxac maye huo'o da lchec, ana logorai qo'oipaqpi qalaq hua'axañi ana qaỹoqotcheguemec qalaq naañi.

Números 32:13

Nache Ñim Nataxala' dalemataỹa co'ollaxa na Israel le'ecpi, nache choche coleeteguelec naqa'en ye toolec 'alhua soua cuarenta vi'iye, nache ivitta'a da nmichiguiñi so shiỹaxauapi maye sa ỹalaxaguet co'ollaxa Ñimaye.

1 Crónicas 1:14

Qaq so Canaán nacheso som chegoxoguet co'ollaxa so jebuseopi, amorreopi, gergeseopi,