Amós 2:4 - La'aqtaqa Ñim Lo'onatac 'Enauacna 2013

⁴ Qaq Ñim Nataxala', 'eeta': Na Judá le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye sa ỹaconeguet nam lapaxaguenataxanaxacpi Ñim Nataxala', qataq sa ỹalaxagueta naua lqataxaco Ñimaye, nacherata da natameetacot nam ỹaqa'a atamnaxala'pi, maye natameetacot co'ollaxa so hua'au lta'alpi.

Toba del Oeste

⁴ Nach'e ena'am ya'uo da'me 'laqatac ñe'me Jaliaĝanec, enaac: «Da'me Judá laje'pi, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a 'yota'n ca'li da'me yapaĝaguenataĝanaĝac, nataq'aen ja yoqocha'alo daa'me yamajoĝonaĝaco. Nataq'aen netamenoto gaa'me qop'iyapegalo jo'ne ja ejoda, jo'ne nach'e ena'am netamenoto ca'li jodia'me let'al.

Amós 2:4 Referans Kwoze

Ezequiel 20:24

cha'aye saishet da ipaguelec nam ỹamaxasoxonaxacpi, qataq saỹaconeguet nam iqataxacpi, qataq ishepaxanaqchet ye na'a'q mataxaqui maye ỹalamaxat, nacherata da quetague' na lqolacpi so lta'alpi.

Ezequiel 20:16

cha'aye saỹaconeguet co'ollaxa na ỹamaxasoxonaxacpi, qataq saishet da ỹalaxaguet na iqataxacpi, qataq ishepaxanaqchet ye na'a'q mataxaqui maye ỹalamaxat, cha'aye da lquiyaqteỹaxac ca'attague' nam lqolacpi.

Ezequiel 20:13

Qalaxaye namayepi Aỹem dataỹa'aguet co'ollaq huaña ye toolec 'alhua, nache sa ỹalaxaguet na iqataxacpi, qataq saỹaconeguet nam ỹamaxasoxonaxacpi maye sanem co'ollaxa, da yaqto' da ipaqueelec namayepi nache huo'o da lca'alaxa, qataq ishepaxanaqchet co'ollaxa ye na'a'q mataxaqui maye ỹalamaxat. Qaq huaña co'ollaxa nache huo'o da iuennataxac da sematalec namayepi da ỹayeloxo, qataq da ñematchiguiñi da huaña ye toolec 'alhua,

Habacuc 2:18

Qaq ¿negue'tom cam naigui ca ne'enaqtac, da ime da qaỹo'ottac? Qataq ¿negue'tom cam naigui cam choche ne'enaqtac ye saq 'en? Cha'aye nam ne'enaqtacpi, ye saishet da detaqa, nache ¿cam 'eeteco' da pe'etega namayepi, cam shiỹaxaua maye maiche lo'onatac namayepi?

Oseas 12:2

Ñim Nataxala' dataỹa'aguet na Israel le'ecpi, qataq ỹauo'o qome ca nhuaxanaguec nam lauo' le'ecpi so Jacob, souaxat dam qauem lataxac namayepi, nache isheeteneguet, ipacchigui naqa'en da 'eetec nam ỹo'otpi namayepi.

Isaías 28:15

Qami' maye qoñiỹapec naxa: «Qomi' mashe ñaỹamaxataxai' co'ollaxa da nleuaxa, mashe ñaỹamaxataxai' co'ollaxa añi huachiqui, yaqto' qom ivita da anac cam ỹataqta qauem na'a'q, nache saishet qome da qomi' loxonqa, cha'aye she'eguenoqot da natenataxanaxac, qataq qomi' npaxattaleguete da ashepegaxanaxac.»

Romanos 1:25

Saishet da ỹo'oxoren Ñim Lo'onatac 'Enauacna maye ỹataqta 'eesa, nachaqrata da ỹo'oxoreetac nam ne'enaqtacpi maye saq 'en, ỹo'oxoreetac na choche lo'onatacpi Ñim Lo'onatac 'Enauacna, qamaq ỹo'oxorenctaxa Ñimaye maye lo'onatac 'enauac namayepi, maye taiguet da chochaq tatec da qaỹo'oxoreetac. Aja' nache 'eetec.

Amós 3:2

«Nache qamiite' da qami' lleca'aua'alo, co'ollaq lleca'agui nam nhuo' le'ecpi ana 'alhua. Qaq ỹoqo'oye sauo'o qome ca qanhuaxanaguiiqui, souaxat nam qauemsat maye qauo'oche».

Ezequiel 20:18

Qaq nacherata co'ollaxa da shenapega som llalaqpi da saishet da ỹo'ot nam ỹamaxalecpi so lta'alpi, qataq nam lapaxaguenataxanaxacpi somayepi, qataq saishet da nshepaxanaqchet da lataxac somayepi souaxat na nqolacpi.

Jeremías 9:14

Nacherata da qaramchigui nache quetegueto naua maiche lhuennataxaco da lquiyaqteỹaxac, nache ỹo'oxoreetac nam saq 'en atamnaxala'pi, nache quetelec da lapaxaguenataxanaxac co'ollaxa som hua'au lta'alpi.

Jeremías 8:9

Qalaxaye ne'ena ỹaanaxanaxaicpi qaica qome ca la'amaqchec, qataq qaicolanaqchet, 'eeta'am ca shiguiỹac maye nqoishec. Qaq ¿hueta'ague cam laỹaanec, ye saishet da ỹaconegueta naua ỹa'aqtaqa?

Nehemías 1:7

Qomi' ỹataqta qauem na so'otaqpi, qataq saishet da salaxasoxoguet na 'aramaxasoxonaxacpi maye qomi' 'anema co'ollaxa, 'auachegoxotchigui so 'aramaxashec Moisés.

2 Reyes 17:19

Qalaxaye ñaqaiyeta se'eso nhuo' le'ecpi maye chegoxoguet so Judá, saishet da ỹalaxaguet nam lamaxasoxonaxacpi Ñim Nataxala' maye Natamnaxala', nacherata da quetalec da ỹo'ottac da lataxac maye lapaxañi co'ollaxa so Israel le'ecpi.

1 Pedro 1:18

Cha'aye Ñim Lo'onatac 'Enauacna qami' nca'alaxateeguesopa dam achaalataxac maye sa ỹaỹamaxañi, dam qami' ỹapaxagueneque som hua'au qarta'ailpi. Qataq qauaỹaañita da yaqto' qami' huesochiyiñi naqa'en, nache saishet da desheetenaxana cam ishet da qailaxachigui da 'eeta'am na lcat oro huo'otaq na lcat plata;

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.

Oseas 6:11

Qaq nataqa'en 'am Judá, mashe sauo'o ye laloxoqui ca 'anhuaxanaguec, qom ivita da ñe'eguelaxaala't nam ỹalamaxat nhuo' Israel le'ecpi.

Ezequiel 22:28

Na na'aqtaxanaxanecpi qalaq ỹoxooñi da 'eesa lataxac, 'eeta'am ca da'amnaxana ca lapagaxaic da ỹa'amen ca hueque, 'eetega huo'o na lauanaqchecpi, qataq ỹa'axattac nam saq'enpi. Namayepi 'eetega chegoqchigui naqa'en da ỹe'enaxat da da'aqtaxaatac, qamaq saishet da 'eesa da ña'aqtaxaatague'.

Ezequiel 22:8

Qataq qaica ca naigui naqa'en nam ỹalamaxat atamnaqa'pi, qataq ye na'a'q mataxaqui maye ỹalamaxat.

Ezequiel 20:30

Qaq qonapega qome na nhuo' Israel le'ecpi, qoneta': Da la'aqtac Ñim Nataxala', 'eeta': ¿Ta'ainco' qami' da qauoitaique da nshepaxan qanqa'eñi da qarataxaqui, da qoñeeta'am som hua'au qarta'ailpi? ¿Ta'ainco' da Aỹem sa qaualaqaiguet, nache qavio'oxoyiñiitac nam nqolacpi maye nqaigaxat?

Ezequiel 13:22

Qami' qauroilec da qaratenataxanaxaqui, da qaucolanaqchichi na no'on da lataxac, dam saishet da sauotaique da so'ot co'ollaxa, qataq qaua'añaqchichi nam qauemaicpi da queto'ot dam qauem lataxac da yaqto' saishet da sanem da lca'alaxa.

Jeremías 16:12

Qaq qami' qalaq ỹapactec da qanapacỹalec som hua'au qarta'ailpi, cha'aye ñi 'oonolec da qoñiita, quetagueto naua qauema lhuennataxaco dam lquiyaqteỹaxac nache saishet da aỹem ỹalaxaguet.

Jeremías 8:2

nache huetaiya' qanqa'en hueta'aguet na le'eraxa añi nala', qataq ñi ca'agoxoic, qataq 'enauac ana huaqaañipi, maye lauotaqte qataq do'onataxaatacot qataq ca'attague', qataq inatto'ot naxa, qataq ỹo'oxoreetac. Qaq qaica qome ca laỹona't da ilayiñi, nache laguelec na 'alhua 'eeta'am na shiguiỹac la'atec.

Jeremías 6:19

'Am 'alhua, ñaq Aỹem 'ana'axaỹaxana: Aỹem ñanacot qome ca qauem da talec ñaqa'en ne'ena nhuo' le'ecpi, maye naigui nam qauempi maye lapaxañi, cha'aye sa ỹalaxagueta naua ỹa'aqtaqa, nacherata da ỹo'ota'n naua iqataxaco.

Isaías 44:20

Qaq damaye ỹataqta 'eesa da 'eeta'am da qanallectac ca alo, qaq damaye naigui da qanañanegueta naua nhuennataxaco maye saq'e'n. Qaq ne'ena shiỹaxauapi saishet qome da nca'alec, cha'aye sa ỹaỹaten da na huetaigui na lhuaq aloiguishec, nda'a't da natenataxanaxac.

Nehemías 9:26

Qalaxaye somayepi saishet da 'am ỹalaxaguet, nda'a't da 'am dataỹa'aguet, qataq sa ỹaconeguet na 'arqataxacpi, qataq ỹalauat so 'ara'aqtaxanaxanecpi maye 'eetega naxa somayepi da 'am ỹe'egueloqot, qalaxaye somayepi ỹataqta 'am inogoqchet.

2 Crónicas 30:7

Saishet qome da qavi'inaxache so hua'au qarta'ailpi, qataq so qarqaỹaipi, da somayepi sa ỹalaxaguet Ñim Nataxala' maye Natamnaxala' so hua'au lta'alpi, ỹoqo'oye Ñimaye ỹaneguet da qailaxachigui somayepi, dam qauauañiichigui nagui.

Jueces 10:6

Qaq so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala', souaxat da ỹo'oxoreetac so ỹotta'a't ne'enaqtac lqui'ipi so Baal qataq aso Astarté, nataqa'en so natamnaxala'pi so siiriopi, Sidón le'ecpi, moabiitapi, 'amoniitapi qataq so filisteopi. Nache ca'ai Ñim Nataxala', qataq ỹaxaañi da natameetacot Ñimaye.

Jeremías 16:11

Nache 'am 'auasateguet qome, qoneta': Ñim nataxala' 'eeta' da la'aqtac: De'era huo'o souaxat da som hua'au qarta'ailpi Aỹem ỹalat, nache ca'ategue na laỹepi atamnaxala'pi, da yaqto' ỹo'oxoren qataq natamnot, qaq Aỹem qalaq aỹem ca'ai somayepi, qataq sa ipaguelec nam ỹapaxaguenataxanaxacpi maye sanem co'ollaxa.

Amós 1:3

Da la'aqtac Ñim Nataxala', 'eeta': na Damasco le'ecpi ỹataqta ỹapacauec na lasouaxashetpi, qaq saishet qome da saxaañi da sauo'o na nhuaxanaguecpi, cha'aye namayepi ỹataqta ilaxachigui co'ollaxa na lma' ye Galaad, ỹauota'a ana namoxoỹaqtaxanaqte lcat.

Miqueas 6:12

Qaq na sallaxanecpi maye lma' ne'ena huaqta'a't nỹecpi ỹataqta qauemaicpi, qataq 'enauac namayepi ỹataqta tenataxanaxaicpi.

2 Crónicas 25:14

Qaq so Amasías co'ollaq ime da nmatchiguiñi da ỹalauat so Edom le'ecpi nache ỹe'eguelaq, ỹache so ne'enaqtacpi maye natamnaxala' som llalaqpi so Seír, nache ỹauo'o natamnaxala' somayepi, nache ỹataqta ỹo'oxoreetac, qataq ỹavigaxat so lchenaxanaxat da ỹanot somayepi.

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

Oseas 12:3

Qaq nache chegoqta'a co'ollaq ñaq taỹa'a da ñiguiñi so Jacob, nache npa'axaalec da lañoxoc so lqaỹa, qaq co'ollaq mashe ỹe somaye nache nalaqaatague' som lamaxashec Ñim Lo'onatac 'Enauacna.