Amós 2:10 - La'aqtaqa Ñim Lo'onatac 'Enauacna 2013

¹⁰ Qataq aỹem, qami' ñeqateeguesopa co'ollaxa ye Egipto, nache cuarenta vi'iye da qami' sauecta'agueta co'ollaq qoquiitalec ye toolec 'alhua, da yaqto' qami' sanema ye na'alhua na amorreopi.

Toba del Oeste

¹⁰ Qa'a ami jachiyoĝoteda'ña ca'li di'me Egipto, nataq'aen ami jetelalo nalo'taguet cuarenta gaa'me 'uoidi da'me ovitaue di'me aleua jo'ne totapega't, qaedi ami janema jenjo' aleua jo'ne loĝo't ca'li joga'me amorreopi.

Amós 2:10 Referans Kwoze

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Amós 3:1

Qami' Israel le'ecpi, ña qana'axaỹaxañiỹa da la'aqtac Ñim Nataxala', da 'enapega nam nhuo' le'ecpi maye nqateeguesop co'ollaxa ye Egipto, 'eeta':

Hechos 13:18

Ñim Lo'onatac 'Enauacna ỹataqta ntela'a somayepi co'ollaq quetalec so toolec 'alhua se'esoua cuarenta vi'iye.

Hechos 7:42

Huaña, nache Ñim Lo'onatac 'Enauacna ca'ai somayepi, nache hua'aqta'a da yaqto' natamnot ana huaqaañipi maye neto'ot na piguem. Cha'aye nachera dam 'eetec da nanettañi la'aqtac Ñim Lo'onatac 'Enauacna maye huetalec ana lere so la'aqtaxanaxanecpi, maye 'eeta': Qami' Israel le'ecpi, co'ollaq qoquiitalec so toolec 'alhua se'esoua cuarenta vi'iye, qaq ¿peta'a co'ollaq qaualauacheetac na shiguiỹacpi da qauauo'oi qarachetaqtaxanaqche, qaq peta'a Nachaỹem da Aỹem qaỹa'añiitacot?

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Amós 9:7

Qaq Ñim Nataxala', 'eeta': «Qami' Israel le'ecpi, da qami' selota'alo nache ỹataqta qoñeeta'am na etiopepi. Qaq cha'aye co'ollaq qami' sachegoxota'alo ye Egipto, qaq nache 'eeta'am na filisteopi da sachegoxota'a ye Creta, qataq na arameopi da sachegoxota'a ye Quir.»

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Ezequiel 20:10

Qaq Aỹem nache ñeqateeguesop co'ollaxa ye Egipto nache sauega ye toolec 'alhua;

Salmos 95:10

Qaq ivi' soua cuarenta vi'iye da salematatega se'eso shiỹaxauapi, nache shenapec co'ollaxa: ‹Ne'ena shiỹaxauapi ỹataqta isomtapigui', qataq saishet da ỹalaxagueta naua ỹamaxasoxonaxaco›.

Nehemías 9:21

Qataq ivittrec soua cuarenta vi'iye da 'auquia'axaatac, qataq saishet da huo'o ca iueetaique 'anqa'en co'ollaq huetalec so toolec 'alhua. Nataqa'en saishet da ltoi' soua alogo, qataq saishet da ivira'a da nalaua't naua lapia'ate.

Deuteronómio 1:39

Qaq na ñaq qapio'olec qaỹa'alquipi maye qaupi'itaxañeetega da deuotaxanec na qampa'aguenaxauaipi qataq ana qaramoxouaipi, namayepi nachenata da inoxoneua'a qome yi'iye 'alhua qataq sami' da yaqto' lalamaxat.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Números 21:25

Huaña, nache so Israel le'ecpi ỹacona nache naigui 'enauac so huaqta'a't nỹecpi maye ỹotta'a't naua nañalo maye lalamaxat se'eso amorreopi, maye naña ye Jesbón, qataq so laỹepi nỹecpiolec maye naugalo naua loiguiye yemaye.

Josué 13:4

yem pa'aỹa'ague da la'añaxa, qataq 'enauac yem na'alhua na Canaán le'ecpi, maye chegoqchiguiña ye huaqta'a't nỹecpi maye lalamaxat ye sidoniopi, nache ivitta'a ye Afec, maye loga't ye na'alhua ye amorreopi.

Números 13:32

Nache soomaye qauem na ỹa'axatem so Israel le'ecpi da ỹa'axattac yi'iye 'alhua maye qaimeenaxana co'ollaxa, 'eeta': Yi'iye 'alhua maye semeenaxanaxa, yemaye maiche ỹalauat 'enauac na netalecpi, qataq ye shiỹaxauapi maye semeenaqtac yemayepi ỹataqta lta'araicpi.

Números 32:13

Nache Ñim Nataxala' dalemataỹa co'ollaxa na Israel le'ecpi, nache choche coleeteguelec naqa'en ye toolec 'alhua soua cuarenta vi'iye, nache ivitta'a da nmichiguiñi so shiỹaxauapi maye sa ỹalaxaguet co'ollaxa Ñimaye.

Josué 24:8

nache ivitta'a da qami' ñauegalo ye na'alhua ye amorreopi maye pa'aỹa'ague da nala' lliguisheguem so Jordán. Qaq yemayepi qami' deloctagueto, qalaxaye aỹem, qami' sanema da qoroxoñiqui yemayepi, nache qanaviqui yemayepi, nache qauacoñiỹa yem 'alhuapi.

Jeremías 2:6

Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.