Amós 1:8 - La'aqtaqa Ñim Lo'onatac 'Enauacna 2013

⁸ Qataq selaxachigui qome nam ilotague' ye Asdod, qataq nam ilotague' ye Ascalón. ¡Qataq serolec da ỹa'añaxac ye Ecrón, qataq ỹataqta nmichiguiñi ñaqa'en da ileu na filisteopi! Qaq 'era da la'aqtac Ñim Nataxala'.

Toba del Oeste

⁸ Japalaĝat qomle ñe'me lejaliaĝanec di'me Asdod nataq'aen ñe'me nejaliaĝatelegue di'me Ascalón. Nataq'aen jedolegue da'me yañoqotaĝanaĝac di'me Ecrón, qama'le yema ga'me filisteopi pa'l qomle: ¡qaya'te ta'le qonec'alaĝatetaye!» Naq'aeta da'me 'laqatac ñe'me Jaliaĝanec.

Amós 1:8 Referans Kwoze

Ezequiel 25:16

Qaq ỹoqo'oye Aỹem Nataxala' shenapec: Ñauaxaỹaxaasheguem qome na ihuaq da sataỹa'aguet na filisteopi, ñematchiguiñi qome na cretensepi, qataq selaxachigui nataqa'en cam no'onañipi maye hueto'ot na loigue aso auaxai.

Zacarías 9:6

Qaq ye Asdod, qalaq hueta'a qome na ỹalega't shiỹaxauapi, qataq nache tachiguiña ñaqa'en da ño'oxonnaxac na Filistea le'ecpi.

Isaías 20:1

Qaq huo'o so huaña, nache so nta'a Sargón maye lma' ye Asiria, ỹamaxa ye huaqta'a't nỹecpi Asdod som 'amaqtaqaic lataxala' so alleppi. Nache somaye iloquiaxan yemaye, nache loxonec.

Salmos 81:14

nache sasaỹaloxon taxa da selaxachigui ne'ena mpa'aguenaxauapi, qataq sauo'o da nhuaxanaguec nam ipa'agueetacpi namayepi!

2 Crónicas 26:6

Qaq so Uzías taỹa co'ollaxa so filisteopi da iloquiaxan, nache ilaxachigui so lpaqtaxatpi so huaqta'a't nỹecpi ye Gat, Jabnia qataq ye Asdod, ime nache no'oxoosheguem so huaqta'a't nỹecpi ye Asdod, maye huaigui ye na'alhua so filisteopi.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Amós 3:9

Ña qaua'aqtaxañi qome da huaña na nma' lta'araicpi ye Asdod, qataq da huaña na nma' lta'araicpi ye Egipto, qoñiita': «Qalapoñiỹa't qome huaña aye qasoxonaxapi ye Samaria, nache qaumichiñi da qaica ca laỹamqa' nam hueta'a yemaye, qataq da ỹataqta qaica ca qairen na hueta'a yemaye».

Isaías 1:25

Aỹem ñauaxaỹaxaasheguem qome na ihuaq da 'am sataỹa'aguet, nache ỹataqta ỹavicta ñaqa'en nam lasogoñi maye 'am huetaigui, qataq seỹouec 'enauac na 'arshepaxanaxa.

Jeremías 47:1

Qaq 'era da la'aqtac Ñim Nataxala' maye ỹanem so na'aqtaxanaxanec Jeremías, da ỹa'axata'a dam 'eetec qome na filisteopi, co'ollaq so faraón saxanaxa da iloquiaxan ye Gaza, 'eeta':

Joel 3:4

Qami' Tiro, Sidón qataq Filistea le'ecpi, ¿negue't ca qoñeetapeguec da sheeta? ¿Peta'a qansheetaique da aỹem qavi'iguelaxachiỹa'aguet? Qaq da nache qoñeetec de'era, nache aỹem sa ñaỹaloxon qome da qami' taleguete ñaqa'en ca qanhuaxanaguiiqui.

Amós 1:7

Qaq ỹoqo'oye sauo'o qome ca norec da ỹavic ñaqa'en na lpaqtaxanaxatpi ye Gaza, nache que'eca norec nlachiguiñi naqa'en na nma' lta'araicpi.

Abdías 1:18

Qaq nam chegoxoguetpi so Jacob, qalaq 'eeta'am qome ca norec, qataq nam llalaqpi so José, qalaq 'eeta'am na le'eraxa ca norec, qaq nam chegoxoguetpi so Esaú, qalaq 'eeta'am ca nca'atoxonaxat, da qaỹe'eraxatoigui nache ivitta'a da ỹataqta ỹavicta, nache qaica qome ca lca'alaxaicpi nam chegoxoguetpi so Esaú. Qaq 'era da la'aqtac Ñim Nataxala'.

Zacarías 9:5

Qaq yem huaqta'a't nỹecpi ye Ascalón qom ila'a de'era, nache ỹataqta nlaxagui da lli'iỹaxa. Ye Gaza nataqa'en qome lta'araic da nque'eenaxac, qaq da naquitaxac ye Ecrón ỹataqta huetaiya'. ¡Qaq ye Gaza qaica qome ca lta'a, qaq ye Ascalón ỹataqta toolec qome!

1 Samuel 6:17

Qaq se'esoua cinco ne'enaqtaqa na'agotaqtel maye chegoqraigui na oro, añi 'oonole soomaye nache lachetaqtaxanaqte ye Asdod, Gaza, Ascalón, Gat qataq ye Ecrón, maye som filisteopi ỹanoto Ñim Nataxala' da lachetaqtaxanaqtel da yaqto' vi'iiguet da lalemataic Ñimaye.