Amós 1:7 - La'aqtaqa Ñim Lo'onatac 'Enauacna 2013

⁷ Qaq ỹoqo'oye sauo'o qome ca norec da ỹavic ñaqa'en na lpaqtaxanaxatpi ye Gaza, nache que'eca norec nlachiguiñi naqa'en na nma' lta'araicpi.

Toba del Oeste

⁷ Chane'eja jegouelo qomle gaa'me lequepaĝanaqa'te di'me noic jo'ne Gaza, nataq'aen jen yavi'j gaa'me lejaliaĝaiqui'.

Amós 1:7 Referans Kwoze

Sofonías 2:4

Qaq cha'aye yem huaqta'a't nỹecpi ye Gaza ỹataqta toolec qome, qataq nataqa'en ye Ascalón ỹataqta nlachiguiñi qome, qaq na lma' ye Asdod qaỹamaqauec qome huaigui ca na'a'q laiñi, qaq nam hueta'a ye Ecrón qalaq qaỹasaxauec qome.

Jeremías 47:1

Qaq 'era da la'aqtac Ñim Nataxala' maye ỹanem so na'aqtaxanaxanec Jeremías, da ỹa'axata'a dam 'eetec qome na filisteopi, co'ollaq so faraón saxanaxa da iloquiaxan ye Gaza, 'eeta':

2 Reyes 18:8

Qataq nataqa'en loxonec co'ollaxa so filisteopi, nache ivitta'a ye Gaza, qataq som loga'tpi yemaye, nache chegoqchiguiña aso nalloxolatepi, nache ivitta'a so huaqta'a't nỹecpi maye ỹataqta qanpaxatteua'a.

Romanos 12:19

Qami' ỹaqaỹarolqa, saisheto' qome da qavi'enaxachiỹa'aguet ca qauem maye qami' qaỹo'oteque. Nachaqrato' qome da qauaqaita'a da Ñim Lo'onatac 'Enauacna maiche huapegue' da ỹauo'o ca nhuaxanaguec nam qauemaicpi. Cha'aye ana nere maye huetalec na la'aqtacpi Ñimaye nanettalec da la'aqtac, 'eeta': «Aỹem maye Nachaỹem so'ot ca nhuaxanaguec ca shiỹaxaua, Nachaỹem maye sami' cam 'itchiguiñi nhuaxanaguec ñi 'oonolec.»

Amós 1:4

Qaq ỹoqo'oye serolec qome ca norec da savigaxat ñi lma' lta'araic so Jazael, qaq que'eca norec nataqa'en ỹavigaxat qome ñi lma' lta'araic so Ben Adad.

2 Crónicas 26:6

Qaq so Uzías taỹa co'ollaxa so filisteopi da iloquiaxan, nache ilaxachigui so lpaqtaxatpi so huaqta'a't nỹecpi ye Gat, Jabnia qataq ye Asdod, ime nache no'oxoosheguem so huaqta'a't nỹecpi ye Asdod, maye huaigui ye na'alhua so filisteopi.

Deuteronómio 32:35

Yaqto' lleuotta'a ca na'a'q da sepalaique ivi', nache sauo'o ca nhuaxanaguec, da ivita ca laloqo' da huañi namayepi. Qaq mashe yaqta'a da nlachiguiñi, ¡mashe sa qaỹapeque ye laloqo' namayepi!

Jeremías 47:5

Na shiỹaxauapi ye Gaza qalaq namare'c qome naua lqaigo, na shiỹaxauapi ye Ascalón qalaq qaicaua qome naua la'aqtaqa. Qaq qami' maye qapa'aitec som togoshec shiỹaxauapi logoraicpi, ¿chaq laguio' qaq qaỹa'axañiiñi da qampelequiitala't souaxat da qanqui'iqui?

Ezequiel 30:8

Qaq qom ivita da so'ot da ỹavic yi'iye 'alhua, qataq da dolachigui nam itauan yemaye, huaña nache ỹaỹaten da Aỹem nachaỹem Nataxala'.

Ezequiel 39:6

Aỹem, ñamaxa qome ca norec ye Magog, qataq yem ỹe'emaqtac maye netalec ye 'alhuapi maye hueto'ot na loigue aso auaxai. Qaq huaña qome nache ỹaỹaten da Aỹem nachaỹem Nataxala'.

Amós 1:6

Qaq Ñim Nataxala', 'eeta': na Gaza le'ecpi ỹataqta qalota na qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye ỹataqta imatta co'ollaxa da ỹauec na nhuo' le'ecpi, nache imenot na Edom le'ecpi da yaqto' l-latacpi.

Amós 1:8

Qataq selaxachigui qome nam ilotague' ye Asdod, qataq nam ilotague' ye Ascalón. ¡Qataq serolec da ỹa'añaxac ye Ecrón, qataq ỹataqta nmichiguiñi ñaqa'en da ileu na filisteopi! Qaq 'era da la'aqtac Ñim Nataxala'.