Amós 1:6 - La'aqtaqa Ñim Lo'onatac 'Enauacna 2013

⁶ Qaq Ñim Nataxala', 'eeta': na Gaza le'ecpi ỹataqta qalota na qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye ỹataqta imatta co'ollaxa da ỹauec na nhuo' le'ecpi, nache imenot na Edom le'ecpi da yaqto' l-latacpi.

Toba del Oeste

⁶ Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Gaza, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a e'n lelata'j yema ga'me noic jo'ne yalaqapi qaedi qoyauetegue di'me Edom.

Amós 1:6 Referans Kwoze

Amós 1:11

Qaq Ñim Nataxala', 'eeta': Na Edom le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da ỹataqta sa ichoxonnai' da irolec na lainec, co'ollaq icaatac na maiche lqaỹañecpi Israel le'ecpi. Qataq ỹataqta lta'araic da lalemataic, qataq da lquiỹaxa namayepi.

2 Crónicas 28:18

Qaq nataqa'en som filisteopi, da nhuotta co'ollaxa so huaqta'a't nỹecpi maye naña som nalochiguiñi 'alhua, qataq ye Néguev maye huaigui ye 'alhua ye Judá, qataq deuotaxanec ye Bet Semes, Ayalón qataq ye Gederot, nataqa'en ye Soco, Timná qataq ye Gimzo, caueegue' naqa'en nam lauoreuapi nma'piolec, qataq nache naigui somayepi.

Abdías 1:11

Cha'aye co'ollaq anac so npa'aguenaxauapi somaye, da deuotaxanec so lsallaxa maye huetaigui so huaqta'a't nỹecpi, qataq co'ollaq anac so chegaqauec alleppi da ỹacagaxat so lasompi ye Jerusalén nache 'am saishet da 'ampaxateguet somayepi, qaq co'ollaq qanallichigui so nogoxoshetpi, nache 'aue'enaxat da lataxac somayepi.

Amós 1:9

Qaq Ñim Nataxala', 'eeta': Na Tiro le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye so qalota nhuo' le'ecpi maye loxonecpi co'ollaxa imenot na Edom le'ecpi da yaqto' l-latacpi, qaq saq tagui lauel da naỹamaxataxac co'ollaq naỹamaxate' da 'eco' lqaỹañecpi somayepi.

1 Samuel 6:17

Qaq se'esoua cinco ne'enaqtaqa na'agotaqtel maye chegoqraigui na oro, añi 'oonole soomaye nache lachetaqtaxanaqte ye Asdod, Gaza, Ascalón, Gat qataq ye Ecrón, maye som filisteopi ỹanoto Ñim Nataxala' da lachetaqtaxanaqtel da yaqto' vi'iiguet da lalemataic Ñimaye.

Joel 3:6

qataq qaumiñi na Judá le'ecpi, qataq na Jerusalén le'ecpi, nache l-latacpi qanqa'eñi na griegopi nache ca'ai qanqa'aiñi na na'alhua.

Ezequiel 35:5

'Am chochaq tatec co'ollaxa da 'ampa'aguenaxaua na Israel le'ecpi, qataq 'auloquiaxaatac co'ollaxa namayepi, co'ollaq talec so pa'atec nhuaxanaguec souaxat na lasouaxashet.

Zacarías 9:5

Qaq yem huaqta'a't nỹecpi ye Ascalón qom ila'a de'era, nache ỹataqta nlaxagui da lli'iỹaxa. Ye Gaza nataqa'en qome lta'araic da nque'eenaxac, qaq da naquitaxac ye Ecrón ỹataqta huetaiya'. ¡Qaq ye Gaza qaica qome ca lta'a, qaq ye Ascalón ỹataqta toolec qome!

Amós 1:3

Da la'aqtac Ñim Nataxala', 'eeta': na Damasco le'ecpi ỹataqta ỹapacauec na lasouaxashetpi, qaq saishet qome da saxaañi da sauo'o na nhuaxanaguecpi, cha'aye namayepi ỹataqta ilaxachigui co'ollaxa na lma' ye Galaad, ỹauota'a ana namoxoỹaqtaxanaqte lcat.

Jeremías 47:1

Qaq 'era da la'aqtac Ñim Nataxala' maye ỹanem so na'aqtaxanaxanec Jeremías, da ỹa'axata'a dam 'eetec qome na filisteopi, co'ollaq so faraón saxanaxa da iloquiaxan ye Gaza, 'eeta':

Hechos 8:26

Qaq co'ollaq ime de'era, nache so lamaxashec piguem le'ec Ñim Qarataxala', somaye 'enapego' so Felipe, 'eeta': –Qoñisheguem, nache 'aigue da taguiñi, qoquegue so nqa'aic maye taalec ye toolec 'alhua chegaqasheguemec ye nỹecpi ye Jerusalén, taỹa'a ye Gaza.

Joel 3:4

Qami' Tiro, Sidón qataq Filistea le'ecpi, ¿negue't ca qoñeetapeguec da sheeta? ¿Peta'a qansheetaique da aỹem qavi'iguelaxachiỹa'aguet? Qaq da nache qoñeetec de'era, nache aỹem sa ñaỹaloxon qome da qami' taleguete ñaqa'en ca qanhuaxanaguiiqui.

Amós 1:7

Qaq ỹoqo'oye sauo'o qome ca norec da ỹavic ñaqa'en na lpaqtaxanaxatpi ye Gaza, nache que'eca norec nlachiguiñi naqa'en na nma' lta'araicpi.