Amós 1:5 - La'aqtaqa Ñim Lo'onatac 'Enauacna 2013

⁵ Qataq senoxotaua'a qome da sacagaxat na nasompi ye Damasco, qataq selaxachigui qome na nta'alpi ye ca'amapega't 'alhua ye Avén, qataq cam nta'a maye ilotague' ye Bet Edén, qataq noxonecpi qome na siiriopi, nache qaỹauega ye Quir. Qaq 'era da la'aqtac Ñim Nataxala'.

Toba del Oeste

⁵ Nataq'aen 'ñaĝa't qomle gaa'me najo'mi di'me noic Damasco, qaedi qaya'te yaqanatet ta'le de'uolegue. Nach'e ena'am ñolaĝachidiñe qomle gaa'me jo'ne yelolo'te ga'me laje'pi di'me Bicat-avén, choqoga'me yelolegue di'me noic jo'ne Bet-edén, qama'le yema ga'me Siria laje'pi male qoyaueguelo qomle di'me aleua jo'ne Quir.» Naq'aeta da'me 'laqatac ñe'me Jaliaĝanec.

Amós 1:5 Referans Kwoze

2 Reyes 16:9

Nache so nta'a ye Asiria, ỹasateguet de'era lỹaxanaxac somaye, nache taỹa da iloquiaxan ye Damasco, nache loxonec som netañapi yemaye, nache ỹauega ye Quir, qataq ỹalauat so Resín.

Amós 9:7

Qaq Ñim Nataxala', 'eeta': «Qami' Israel le'ecpi, da qami' selota'alo nache ỹataqta qoñeeta'am na etiopepi. Qaq cha'aye co'ollaq qami' sachegoxota'alo ye Egipto, qaq nache 'eeta'am na filisteopi da sachegoxota'a ye Creta, qataq na arameopi da sachegoxota'a ye Quir.»

Jeremías 51:30

Na alleppi ye Babilonia qalaq ỹaxaañi da l-loquiaxac, nache saishet da iraxan na lle'eguenaxaquipi, cha'aye imeuo da la'añaxac, nache ivitta'a da 'eeta'am na 'alpi. Yem lalamaxat huaqta'a't nỹecpi maye ỹotta'a't naua nañalo, qalaq qainoxotaua'a qataq qaỹavigaxat na lma'pi.

Lamentaciones 2:9

Som lasompi yemaye qalaq qaỹamaxauec, qataq qailaxachigui aso lvinaqtepi, nache 'enauac da huetaiya' somayepi. Som lta'a qataq som lataxala'pi somayepi qalaq ỹalectaigui nagui nam ỹaqa'a da la'amqaanataxanaxac, nache mashe qaica nam lqataxacpi Ñim Lo'onatac 'Enauacna. ¡Qaq ivira'a som la'aqtaxanaxanecpi da qaica cam lauanaqchec maye chegoqo'ot Ñim Nataxala'!

Nahúm 3:13

Qaq nam 'analleppi qalaq 'eeta'am qome na 'alpi, qaq nam ñegueuopi nam 'ana'alhua qalaq nauattaiguipi, da yaqto' pa'auo nam 'anpa'aguenaxauapi, cha'aye ca norec nlaxaañi qome na lpaqtaxat nam ñegueuopi.

Jeremías 50:36

¡Qanalaate' qome na ilaviigui ca lỹa, yaqto' ỹe'eguelaxa da huo'o aloic!

Isaías 43:14

Ñim Nataxala' maye Qui'itta Natamnaxala' na Israel le'ecpi, Ñim huesochiguiñi naqa'en namayepi, 'eeta': «Da yaqto' qami' ñeca'alaxatrec, nache samaxa qome ca alleppi ye Babilonia, nache so'ot da ỹauatoigui 'enauac na lasompi, qaq da lamaicỹaxac na caldeopi qalaq nmeneguet qome da nqui'ic.

Isaías 22:6

Qaq na Elam le'ecpi mashe ỹacona ana lchecnapi, qataq mashe netangui ana nnaigonapi, qataq netalec na lalo caipi, qaq na lma' ye Quir qalaq ỹacona ana lpaqtaxanaqtepi.

Ezequiel 27:23

Qataq 'am nmeetague' naxa ye Arán, Cane, Edén, qataq na nmenaxaicpi ye Sabá, Asiria qataq 'enauac ye Media,

2 Reyes 14:28

Qaq nam laỹepi na'aqtaguecpi so Jeroboán, qataq 'enauac nam ỹo'otpi, qataq da la'añaxac, qataq nam alaataxacpi maye ỹo'ot co'ollaxa, qataq co'ollaq loxonec ye Damasco, qataq ye Jamat da yaqto' qaltaq ỹe'eguelaxa da lalamaxat na Israel le'ecpi, nache nanettalec aso nere maye huetalec da na'aqtaguec so nta'alpi ye Israel.

Isaías 8:4

Cha'aye ye nogotolec qom saxanaxa da ỹaỹaten da 'eeta' ‹taxare› qataq da 'eeta' ‹chera›, nache ye Damasco qataq ye Samaria ỹataqta qanhuotta qome, nache da lsallaxa qaira'a qome ñi nta'a ye Asiria.»

Ezequiel 30:17

Qaq na nsoxoppi ye On qataq ye Bubastis qalaq ileuaigui qome ca alaataxac, qaq na laỹepi maye lma' yemaye qalaq qaỹauec qome da qaicoñe'.

Oseas 10:8

Qataq nlaguiñi qome na qauem natamnaqa'pi, maye huaña naxa da ỹo'ot na lasouaxashetpi na Israel le'ecpi. Qataq ana lca'atoxonaxalatepi ñaxaalec qome ana cotaquepi qataq ana 'epaqole maye huo'o ana le, nache namayepi 'enapega qome ana qasoxonaxapi, 'eeta': «¡Ña qomi' qauapoileguete!» Qataq 'enapega ana lcomaraxalatepi, 'eeta': «¡Ñaq qomi' qaupataqaiyiñi!»

Amós 5:5

Qaq saishet da qanqo'oñiỹa ye Betel, qataq saishet da qa'aiteua'a ye Gilgal, qataq saishet da qa'aitelec ye Berseba, cha'aye ye Gilgal, qaỹauega qome ca ỹaqa'a 'alhua, qataq ye Betel nlachiguiñi qome.»