Amós 1:4 - La'aqtaqa Ñim Lo'onatac 'Enauacna 2013

⁴ Qaq ỹoqo'oye serolec qome ca norec da savigaxat ñi lma' lta'araic so Jazael, qaq que'eca norec nataqa'en ỹavigaxat qome ñi lma' lta'araic so Ben Adad.

Toba del Oeste

⁴ Chane'eja jegoue qomle ga'me lejaliaĝaiqui ñe'me Hazael, choqogaa'me lejaliaĝaiqui' ñe'me c'oĝot lenaĝat Ben-hadad.

Amós 1:4 Referans Kwoze

Jeremías 49:27

Aỹem savigaxat qome na lpaqtaxanaxatpi ye Damasco, nache que'eca norec nlachiguiñi naqa'en qome, na nma' lta'araicpi ye Ben Adad.»

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

2 Reyes 13:25

Huaña, nache so Joás, som llalec so Joacaz, ñe'eguelaxaala't so huaqta'a't nỹecpi maye deuotaxanec co'ollaxa so Ben Adad co'ollaq nalattague' so Joacaz, som lta'a somaye. Nache so Joás, tres co'ollaxa da nauec so Ben Adad, huaña nache loxonec se'eso huaqta'a't nỹecpi maye maiche lalamaxat co'ollaxa so Israel le'ecpi.

2 Reyes 13:3

Qaq ỹoqo'oye ỹataqta 'eroigui da lalemataic Ñim Nataxala' da dalemataỹa so Israel le'ecpi, nache ỹataqta qaỹoqtec naqa'en da ỹaneguet da lhuaqỹaxac so Jazael, maye nta'a ye Siria, qataq so Ben Adad, maye llalec so Jazael.

2 Reyes 6:24

Qaq co'ollaq mashe qaỹoqtegue de'era, nache so Ben Adad maye nta'a ye Siria, somaye laỹona't co'ollaxa 'enauac so nalleppi, nache taỹa da coleesop ye Samaria da yaqto' iloquiaxan.

Amós 2:5

Qaq ỹoqo'oye sauo'o qome ca norec da ỹavic ñaqa'en ye Judá, nache que'eca norec nlachiguiñi naqa'en qome na nma' lta'araicpi ye Jerusalén.

Amós 2:2

Ỹoqo'oye sauo'o qome ca norec da ỹavic ñaqa'en yi'iye 'alhua Moab, nache que'eca norec nlachiguiñi naqa'en qome na nma' lta'araicpi ye Queriot, nache da na'alaxac da qaỹa'alaxalec da alaataxac qataq da l-lamaxa ana nasheerepi, qalaq nache huaigui qome da ileu na Moab le'ecpi.

Amós 1:14

Qaq ỹoqo'oye sauo'o qome ca norec da ỹavic ñaqa'en na lpaqtaxatpi ye Rabá, nache que'eca norec nlachiguiñi naqa'en qome ca nma' lta'araicpi, qaq que'eca na'a'q ỹataqta huo'o da na'alaxac da qaỹa'alaxalec ca alaataxac, qataq huo'o da l-llimiaxa na la'at que'eca na'a'q.

Amós 1:12

Qaq ỹoqo'oye sauo'o qome ca norec da ỹavic ñaqa'en ye Temán, nache que'eca norec nlachiguiñi naqa'en qome na nma' lta'araicpi ye Bosra.

Amós 1:10

Qaq ỹoqo'oye sauo'o qome ca norec da ỹavic ñaqa'en na lpaqtaxanaxatpi ye Tiro, nache que'eca norec ỹavigaxat qome na nma' lta'araicpi.

Amós 1:7

Qaq ỹoqo'oye sauo'o qome ca norec da ỹavic ñaqa'en na lpaqtaxanaxatpi ye Gaza, nache que'eca norec nlachiguiñi naqa'en na nma' lta'araicpi.

Oseas 8:14

Qaq nam Israel le'ecpi, no'oxoosheguem na lma' lta'araicpi, qalaxaye icoua'ai Ñim Lo'onatac da nachaalataxac. Qataq na Judá le'ecpi, qalota na no'oxoosheguem huaqta'a't nỹecpi maye huo'o na lpaqtaxatpi, qalaxaye aỹem, ñamaxa qome ca norec da yaqto' ỹavic ñaqa'en na lma' lta'araicpi.

Ezequiel 39:6

Aỹem, ñamaxa qome ca norec ye Magog, qataq yem ỹe'emaqtac maye netalec ye 'alhuapi maye hueto'ot na loigue aso auaxai. Qaq huaña qome nache ỹaỹaten da Aỹem nachaỹem Nataxala'.

Ezequiel 30:8

Qaq qom ivita da so'ot da ỹavic yi'iye 'alhua, qataq da dolachigui nam itauan yemaye, huaña nache ỹaỹaten da Aỹem nachaỹem Nataxala'.

2 Crónicas 16:2

Huaña nache so Asa, ỹacona aso oro qataq aso plata, ỹachegoxotaigui aso anom laỹe' maye netaigui aso atamnaxaqui maye lalamaqte Ñim Nataxala', qataq aso netaigui so nma' lta'araic, nache ỹamaxa so Ben Adad, maye nta'a ye Siria, maye netaña ye Damasco. Qataq nataqa'en ỹamaxa da la'aqtac, 'eeta':

1 Reyes 19:15

Nache Ñim Nataxala' 'enapego' somaye, 'eeta': «'Am, 'avi'eguelaq qome, nache 'avi'eguelaqtegue na nqa'aic maye taỹa'a ye toolec 'alhua maye huaigui ye Damasco. Qaq qom 'avi', nache 'aucorelec na lqaic so Jazael, da yaqto' 'aỹa'anagui da nta'a ye Siria,

Jueces 9:57

Nache Ñim Lo'onatac 'Enauacna nataqa'en talec naqa'en da nhuaxanaguec so shiỹaxauapi maye lma' ye Siquén, souaxat nam qauem ỹo'otpi. Qaq 'era da 'eetec da ipacchigui da talec na qauem, maye ỹasaxalec co'ollaxa so Yotán, som llalec so Yerubaal.