Amós 1:3 - La'aqtaqa Ñim Lo'onatac 'Enauacna 2013

³ Da la'aqtac Ñim Nataxala', 'eeta': na Damasco le'ecpi ỹataqta ỹapacauec na lasouaxashetpi, qaq saishet qome da saxaañi da sauo'o na nhuaxanaguecpi, cha'aye namayepi ỹataqta ilaxachigui co'ollaxa na lma' ye Galaad, ỹauota'a ana namoxoỹaqtaxanaqte lcat.

Toba del Oeste

³ Naq'aeta ca'li da'me 'laqatac ñe'me Jaliaĝanec Dios, enaac: «Jogaa'me neteda'ña di'me Damasco, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yataqata yapalaĝa't ca'li gaa'me Galaad laje', ena'am nale qoye'uaĝanec ga'me trigo joga'me lajoyiñe lo'o qaedi qonaqat jaga'me jala.

Amós 1:3 Referans Kwoze

Amós 2:6

Qaq Ñim Nataxala', 'eeta': Na Israel le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye imen co'ollaxa nam no'on da lataxac nache ỹataqta saq 'amaqtaq ana lasheue plata, qataq da imen na choxoraqpi, qalaq 'eeta'am da lashiichiỹaxac ca pela'.

Amós 1:9

Qaq Ñim Nataxala', 'eeta': Na Tiro le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye so qalota nhuo' le'ecpi maye loxonecpi co'ollaxa imenot na Edom le'ecpi da yaqto' l-latacpi, qaq saq tagui lauel da naỹamaxataxac co'ollaq naỹamaxate' da 'eco' lqaỹañecpi somayepi.

Isaías 8:4

Cha'aye ye nogotolec qom saxanaxa da ỹaỹaten da 'eeta' ‹taxare› qataq da 'eeta' ‹chera›, nache ye Damasco qataq ye Samaria ỹataqta qanhuotta qome, nache da lsallaxa qaira'a qome ñi nta'a ye Asiria.»

2 Reyes 8:12

Nache so Jazael, inat somaye, 'eeta': ¿Ta'ainco' ye 'anỹeetac? nache so Eliseo, 'enapeco': Cha'aye saỹaten da 'auo'otec qome ca qauem na Israel le'ecpi, cha'aye 'auavigaxat qome na lle'eguenaxaquipi, qataq 'aurolec na ỹeelonec da 'aualauat na nsoxoppi, qataq 'aualauat nam ñaqpiolec maye llalaqpi namayepi, qataq 'aupeleca'ague ana da'am ana hualaxaipi.

Amós 2:4

Qaq Ñim Nataxala', 'eeta': Na Judá le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye sa ỹaconeguet nam lapaxaguenataxanaxacpi Ñim Nataxala', qataq sa ỹalaxagueta naua lqataxaco Ñimaye, nacherata da natameetacot nam ỹaqa'a atamnaxala'pi, maye natameetacot co'ollaxa so hua'au lta'alpi.

Amós 2:1

Qaq Ñim Nataxala', 'eeta': Na Moab le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye namayepi ỹavigaxa't co'ollaxa soua lpi'ineqa so nta'a ye Edom, nache ivitta'a naqa'en da nañigui alo.

Amós 1:13

Qaq Ñim Nataxala', 'eeta': Na Amón le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da nshetaique da nquigaxatec na na'alhuapi, nache namayepi ipeleca'ague ana da'am ana hualaxaipi maye lma' ye 'alhua Galaad.

Amós 1:6

Qaq Ñim Nataxala', 'eeta': na Gaza le'ecpi ỹataqta qalota na qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye ỹataqta imatta co'ollaxa da ỹauec na nhuo' le'ecpi, nache imenot na Edom le'ecpi da yaqto' l-latacpi.

Zacarías 9:1

Qaq 'era da la'aqtac Ñim Nataxala', da yaqto' dataỹa'aguet ye 'alhua Jadrac, qataq ye huaqta'a't nỹecpi ye Damasco. «Ye huaqta'a't nỹecpi ye Siria lalamaxat Ñim Nataxala', qataq 'enauac na nhuo' Israel le'ecpi.

Amós 1:11

Qaq Ñim Nataxala', 'eeta': Na Edom le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da ỹataqta sa ichoxonnai' da irolec na lainec, co'ollaq icaatac na maiche lqaỹañecpi Israel le'ecpi. Qataq ỹataqta lta'araic da lalemataic, qataq da lquiỹaxa namayepi.

Isaías 41:15

'Am so'otec qome da qoneta'am aca nchegaxanaqte, maye dalaxaale qataq ỹataqta ỹaxarai naua lhue, nache 'anlaxaañi ana qasoxonaxapi nache nda'a't na lsoche 'anqa'en, qaq ana lcomaraxalatepi qalaq 'eeta'am 'anqa'en ca 'auaqpi deqaqta.

Isaías 7:8

Ye nỹecpi ye Damasco nacheye ye netaña na nta'alpi ye Siria, qaq so Resín, nacheso so nta'a ye Damasco, qalaxaye qom inoxoorec caua sesenta y cinco vi'iye, nache na Efraín nlachiguiñi qome, nache ivitta'a da toolec.

Eclesiastés 11:2

Cam 'am hueto'ot, 'aỹa'anoiguilo caua siete huo'otaq caua ocho, cha'aye sa 'auaỹaten negue't cam qauem maye ishet da nvira ana 'alhua.

Proverbios 6:16

Huo'oi naua seis lataxaco maye saishetegueta Ñim Nataxala', qataq siete naua ỹataqta sa ihuoonegueta Ñimaye:

Da na'aqtaguec so Job 19:3

Qataq qavi'iguelaxacheetalec da aỹem qaunoxoqchichiitac, ¿Qalaq qaica ca qara'aloqoi da aỹem qoñiita'ac de'era?

Da na'aqtaguec so Job 5:19

Qaq ỹataqta ỹe'eguelaqtalec da 'am nca'alaxateeguesop da lchecỹaxac, qaq que'eca pa'atec nache ỹoqta 'am sa ỹasheneguet na qauemsat.

2 Reyes 13:7

Qaq so Joacaz, nachesota so cincuenta nalleppi maye netalec naxa na caaỹo da no'onañi, qataq aso diez naigonapi maye nalaataxaquipi, qataq so diez mil nalleppi maye petañepi, cha'aye so nta'a ye Siria, nmatchiguiñi so laỹepi nalleppi somaye, qataq ỹataqta dolachigui naqa'en.

2 Reyes 13:3

Qaq ỹoqo'oye ỹataqta 'eroigui da lalemataic Ñim Nataxala' da dalemataỹa so Israel le'ecpi, nache ỹataqta qaỹoqtec naqa'en da ỹaneguet da lhuaqỹaxac so Jazael, maye nta'a ye Siria, qataq so Ben Adad, maye llalec so Jazael.

1 Reyes 19:17

Yaqto' cam ỹet ca lainec so Jazael, nache so Jehú ỹalauat camaye, qaq cam ỹet ca lainec so Jehú, nache so Eliseo ỹalauat qome camaye.

2 Reyes 16:9

Nache so nta'a ye Asiria, ỹasateguet de'era lỹaxanaxac somaye, nache taỹa da iloquiaxan ye Damasco, nache loxonec som netañapi yemaye, nache ỹauega ye Quir, qataq ỹalauat so Resín.

Isaías 7:16

Cha'aye que'eca nogotolec qom saxanaxa da ỹaỹaten da lca'aua'a ca no'on, qataq da sa ỹaconeguet ca qauem, nache yi'iye 'alhua maye lalamaxat se'esoua dos nta'al maye 'añe'etegalo yemaye qanayeca'ai qome.

Isaías 28:27

Cha'aye na eneldo saishet da qairota'a aca nchegoxosoxonaqte da qaichegoq, qataq na comino saishet da pelec qanqa'en aca lasaxanna aca naigona, nacherata da qairota'a ca 'epaq da qaichegoq na eneldo qataq na comino.

Zacarías 9:2

Nataqa'en Ñimaye, lalamaxat ye Hamat, maye lauoreua yi'iye nỹecpi, qataq ye Tiro qataq ye Sidón na'aictaxa da ỹaguec da ỹaanaxanaxaicpi yemayepi.