Amós 1:2 - La'aqtaqa Ñim Lo'onatac 'Enauacna 2013

² Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Toba del Oeste

² Naq'aeta da'me 'laqataĝanaĝac ñe'me Amós ca'li: Ñe'me Jaliaĝanec Dios en qodomachiya da'me lajamaĝa jo'ne ena'am ta'le qajoĝonaĝa lajamaĝa, chimaqapi'ña di'me qajoĝonaĝa jo'ne Sión, jo'ne nach'edi di'me noic let'adaic Jerusalén. Qama'le daqaqa'y gaa'me 'nale'u gaa'me 'nanaĝate nouatoqo't, nataq'aen daqaqa qomle di'me p'ajeguem ga'me qajoĝonaĝa jo'ne lenaĝat Carmelo.

Amós 1:2 Referans Kwoze

Joel 3:16

Nache qom ivita da qaỹa'axaỹa ca lavilỹaxac Ñim Nataxala', da chemaqteguisheguema añi qasoxonaxa Sión, qataq da dellimigui da lavilỹaxac da huaña ye Jerusalén, nache na piguem qataq ana 'alhua cholaxa'n qome. Qalaxaye Ñim Nataxala', nacheñi ñim lle'eguenaxala' qataq npaxattalec nam Israel le'ecpi maye maiche lalamaxatpi.

Jeremías 25:30

'Am Jeremías, 'auachegoxotchigui qome da ỹe'enaxat da 'aua'axatem namayepi 'enauac de'era, qoneta': ‹Ñim Nataxala', qaỹa'axaỹa qome da lavillỹaxac dellimigui chemqot na pa'asheguem, chemaxaña yem ỹataqta qui'itta maye netaña Ñimaye. Cha'aye dataỹa'aguet ana lalopi qaguetapi qaq da la'alaxac Ñimaye qalaq 'eeta'am ca petapigui ana uva, qataq dataỹa'aguet 'enauac na netalec ana 'alhua.

Amós 9:3

Qaq da tasheguema ana lmilo añi qasoxonaxa Carmelo da nqañoxooñi, qalaq ñaqaiyeta sasheguema da ñimitaique nache saconeua'a, qaq da aỹem nqañoxotaisop da taña na ỹataqta pa'aguiñi aso auaxai, nache samaq aso 'araxanaq late'e da yaqto' inac.

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Isaías 42:13

Ñim Nataxala' qom inoxonec nache 'eeta'am ca alaataxaic, qaq qom deloqui nache 'eroigui da layeloxo 'eeta'am ca alaataxaic, qataq nlamaxaren qataq ỹa'alaqtalec da nalaataxac, nache nauec qome na npa'aguenaxauapi.

Nahúm 1:4

Qaq da ỹarenapega aso auaxai nache asomaye deqaxaỹañi, qataq deqaqa naqa'en 'enauac na talapi. Qaq na no'onaxapi ye Basán qataq añi qasoxonaxa Carmelo qalaq deqaqa, qataq deqaqa ana lauoxopi maye hualec na no'onaxapi ye Líbano.

Joel 2:11

Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Oseas 13:8

Qataq ñauaneguet qome namayepi da seloquiaxan, sheeta'am aca oso da deqa't caua llalqa, nache ỹataqta secolaxattac añi lquiyaqte, qaq huaña nache sheeta'am ca llon da sachec namayepi, huo'otaq ca huauec shiguiỹac da ỹataqta secolaxattac namayepi.

Jeremías 50:19

Nache na Israel le'ecpi so'ot qome da ỹe'eguelaxa ye maiche na'alhua, qaq huaña nache 'eeta'am ana qaguetapi da huetangui na aloq 'auaqpi da hueta'a ye Carmelo qataq ye Basán, qataq aye qasoxonaxapi maye huaña ye Efraín qataq ye Galad.

Jeremías 14:2

«Ye Judá nỹeetac souaxat da laquicoxo, na huaqta'a't nỹecpi maye ỹotta'a't naua nañalo qalaq qaica ca la'añaxac, na shiỹaxauapi qalaq huetaiya' hueta'aguet na 'alhua. Ye Jerusalén qalaq qaỹa'atega da la'alaxac souaxat da nqui'ic.

Isaías 35:2

qataq ñaxatec qome ana lauoxo 'eeta'am ana nañiguishe lirio, qataq nlaxagui qome da ntonaxac qataq da lamaicỹaxac. Cha'aye Ñim Lo'onatac 'Enauacna ỹo'otec qome da ỹataqta huo'o da lyac 'eeta'am ye Líbano, qataq ỹataqta no'on 'eeta'am ye Carmelo qataq ye ca'amegue ye Sarón. Qaq huaña qome nache 'enauac na shiỹaxauapi da ila'a da llo'oxoyec Ñim Nataxala' qataq da la'amaqchec Ñim Qanatamnaxala'.

Isaías 33:9

Ana 'alhua huasootac qataq daquicotac, ye Líbano qalaq huo'o da lcoxo nache deqaqa, qaq ye ca'amegue ye Sarón qalaq 'eeta'am ca toolec 'alhua, ye Basán qataq añi qasoxonaxa Carmelo qalaq deqat da lyac na huetalec.

Proverbios 20:2

Ca nta'a da denotac qalaq 'eeta'am ca quiyoc da desoqtac, qaq ca inogoqchet camaye, nache huetalec da lchec da nachaalataxac.

1 Samuel 25:2

Qaq ye Maón naña co'ollaxa so ỹale maye ỹataqta sallaxanec, qaq somaye huo'o so lalamaxat lma' naña ye Carmel, qaq aso lalo quetaqpi ivi' mil, qaq aso qaguetapi ivi' tres mil, nache somaye hueta'a co'ollaxa ye Carmel da npetectac aso lalopi qaguetapi.

Salmos 46:6

Qaq da da'axaỹaqtaxa'n naua la'aqtaqa Ñim Lo'onatac 'Enauacna nache cholaxan ana 'alhua, qataq ñi'i na ỹotta'a't shiỹaxauapi qataq ỹe'egora't na nta'alpi.

Jeremías 28:8

Som hua'au na'aqtaxanaxanecpi co'ollaq saxanaqca 'am qataq aỹem, somayepi ỹa'axatta'aguet co'ollaxa ca alaataxac, nqouaxa qataq ca napiina maye talec na qalota ỹotta'a't shiỹaxauapi, qataq nam nta'alpi maye 'añaxaicpi.

Oseas 11:10

Qaq namayepi qome, ca'attague' qome Ñim Nataxala', qaq Ñimaye desoqo qome, 'eeta'am ca llon. Qaq qom desoqo Ñimaye, nache na lalamaxatpi iviloxol qom anac, chegoqta'ague da nala' lliguisheguem.

Joel 1:19

Qaq aỹem 'am seỹaxanot 'Am Nataxala', cha'aye na norec mashe ỹavigaxatta na 'auaqpi maye hualec na toolec 'alhua, qataq nam le'eraxa namaye ỹataqta ỹavigaxatta ana qo'oipaqpi maye hualec na no'onaxa.

Salmos 29:4

Da lavilỹaxac Ñim Nataxala' ỹataqta lta'araic da la'añaxac. Da lavilỹaxac Ñim Nataxala' ỹataqta lta'araic da llo'oxoyec.