Amós 1:13 - La'aqtaqa Ñim Lo'onatac 'Enauacna 2013

¹³ Qaq Ñim Nataxala', 'eeta': Na Amón le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da nshetaique da nquigaxatec na na'alhuapi, nache namayepi ipeleca'ague ana da'am ana hualaxaipi maye lma' ye 'alhua Galaad.

Toba del Oeste

¹³ Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Amón, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yalateque gaa'me daĝanaqa'te gaa'me Galaad lajel jo'ne qo'uaĝael, da'me jetaque e'n nichigaĝatedegue di'me mach'e 'naleua'.

Amós 1:13 Referans Kwoze

Oseas 13:16

Qaq na nhuo' le'ecpi ye Samaria qalaq talec qome ca nhuaxanaguec, souaxat da dataỹa'aguet Ñim Natamnaxala'. Qataq qairolec ca ỹeelonec da qaỹalauat, na llalaqpi qalaq qaiuaxaneguet qome na 'alhua da qaỹalauat, qataq ana hualaxaipi qaipeleca'ague qome ana da'am.

Ezequiel 35:10

'Am qonapec co'ollaxa: Na 'alhua ye Israel qataq naua dos nta'al yeemaye ỹalamaqa'ate qome, aỹem nachaỹem da ỹalamaqa'ate qome. Qaq na'aictaxa da Aỹem Nataxala' soota'a co'ollaxa yemaye.

Isaías 5:8

¡Choxoraxaso' qome nam desheenaxatega na qalota lma'pi, qataq nquigaxattauec na na'alhuapi, nache qaica ca lma' naqa'en ca lỹa shiỹaxaua, qaq 'eco' da nachaqnata namayepi da netalec na 'alhua!

Amós 1:3

Da la'aqtac Ñim Nataxala', 'eeta': na Damasco le'ecpi ỹataqta ỹapacauec na lasouaxashetpi, qaq saishet qome da saxaañi da sauo'o na nhuaxanaguecpi, cha'aye namayepi ỹataqta ilaxachigui co'ollaxa na lma' ye Galaad, ỹauota'a ana namoxoỹaqtaxanaqte lcat.

Ezequiel 21:28

'Am shiỹaxaua, 'auachegoxotchigui da ỹe'enaxat da 'aua'aqtaxanem da ỹa'aqtac na Amón le'ecpi maye isheueetac naxa na Israel le'ecpi, da ca ỹeelonec mashe qanqateeguesop ca laỹe': mashe lhuotta da qaỹalaataxana, qataq qashelecteguiñi da yaqto' chegaqaigui ca nqashelgaxa, nache ilaxachigui nam huo'o.

Nehemías 2:19

Qalaxaye cael la'axaỹaxac de'era so Sambalat maye lma' ye Horón, qataq so Tobías maye Amón le'ec, qataq so Gesem maye lma' ye Arabia, nache soomaye ỹataqta qomi' isheueeta'ape qataq qomi' 'eetegalo, 'eeta': «¿Negue't ca qansheetaique da qauo'oche qami'? ¿Qalqo' qansheetaique da qauataiỹa'aguet ñi nta'a?»

2 Crónicas 20:10

Qaq nagui, ña 'aula'a na amoniitapi, qataq na moabiitapi, qataq nam chegaqa'a añi qasoxonaxa ye Seír, maye sa 'auashenem co'ollaxa na Israel le'ecpi da ỹa'axasoxoolec ye na'alhua namayepi, co'ollaq chegaqa'a ye Egipto, maye nacherata da huaỹoxolec 'anqa'en da yaqto' saishet da nlaxaañi.

2 Crónicas 20:1

Qaq co'ollaq mashe qaỹoqtegue de'era, nache so moabiitapi qataq so amoniitapi, huaxaiguet so meuniitapi, da iloquiaxan so Josafat,

2 Reyes 24:2

Qalaxaye Ñim Nataxala', ỹamaxa co'ollaxa so Joacín som shiỹaxauapi maye na'attagui so lo'ogoxonaxatpi, somayepi nacheso so caldeopi, siiriopi, moabiitapi, qataq so amoniitapi. Nache ỹamaxa somayepi ye Judá, da yaqto' nlaxaañi, nache ipacchigui da la'aqtac Ñim Nataxala', maye ỹachegoxotchigui co'ollaxa som lamaxashecpi maye la'aqtaxanaxanecpi.

Deuteronómio 2:19

qalaxaye qom qavichiỹa ye na'alhua ye amoniitapi, nache saishet qome da qauloquiaxañi, cha'aye yemayepi nataqa'en chegoxoguetpi so Lot, nache Aỹem saishet da qami' sanema ca laỹe ye na'alhua yemayepi. Cha'aye mashe sanem co'ollaxa da lalamaxat.›

Salmos 83:7

Gebal, Amón, Amalec, qataq na filisteopi, qataq na lma' ye Tiro,

2 Reyes 15:16

Qaq nache huetoiguilo se'esoua na'axa'te da so Menajén, iloquiaxan co'ollaxa so huaqta'a't nỹecpi ye Tifesaj, nache ỹacona 'enauac som nogoxoshetpi maye huetaigui somaye, qataq som logoxoshetpi so saqaỹapequepi somaye. Qaq souaxat da saishet da qaỹauateguet co'ollaxa somaye, nache chegoqchiguiña ye Tirsa da iloquiaxan co'ollaxa, nache nataqa'en ipeleca'ague ana da'am aso hualaxaipi.

Jeremías 25:21

ye Edóm, Moab qataq ye Amón,

2 Samuel 12:31

qataq nqatec so shiỹaxauapi maye no'onaña se'eso huaqta'a't nỹecpi, nache ỹo'onataxanaxan, ỹamaxalec so ỹataqta qapa'atta no'onatacpi, dechegaxaatac qataq dequesoxootega ana qachepe, qataq ỹo'ottac na losoc. Qaq nache 'eeta'am naqa'en da 'eetec so laỹepi amoniitapi maye netaigui so lalamaxat huaqta'a't nỹecpi. Ime, nache so David ỹe'eguelaxa ye Jerusalén, lỹatec 'enauac so nalleppi.

2 Reyes 8:12

Nache so Jazael, inat somaye, 'eeta': ¿Ta'ainco' ye 'anỹeetac? nache so Eliseo, 'enapeco': Cha'aye saỹaten da 'auo'otec qome ca qauem na Israel le'ecpi, cha'aye 'auavigaxat qome na lle'eguenaxaquipi, qataq 'aurolec na ỹeelonec da 'aualauat na nsoxoppi, qataq 'aualauat nam ñaqpiolec maye llalaqpi namayepi, qataq 'aupeleca'ague ana da'am ana hualaxaipi.

Ezequiel 25:1

Ñim Nataxala' aỹem 'enapega, nache 'eeta':

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!