Amós 1:11 - La'aqtaqa Ñim Lo'onatac 'Enauacna 2013

¹¹ Qaq Ñim Nataxala', 'eeta': Na Edom le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da ỹataqta sa ichoxonnai' da irolec na lainec, co'ollaq icaatac na maiche lqaỹañecpi Israel le'ecpi. Qataq ỹataqta lta'araic da lalemataic, qataq da lquiỹaxa namayepi.

Toba del Oeste

¹¹ Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Edom, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yecaa'tape ga'me mach'e laqaya' chayovida'a da'me yalateque gaa'me ledaĝanaqa'te. Qaya'te lichoĝodenataĝanaĝa'j, yataqata dalemata'y, qama'le qaya'te loiquiaqa' da'me 'lotanaĝanaĝa'j.

Amós 1:11 Referans Kwoze

2 Crónicas 28:17

cha'aye nataqa'en so Edom le'ecpi, naỹa co'ollaxa da iloquiaxan som Judá le'ecpi, nache huo'o so ỹauec loxonecpi.

Malaquías 1:4

Qaq nam Edom le'ecpi, maye chegoxoguet so Esaú, da 'enapec: ‹Ỹataqta qomi' qailaxachiguilo, qalaxaye qaltaq ño'oxonaxasheguem qome nam qailaxachigui co'ollaxa ne'ena qana'alhua›, qalaxaye Ñim Nataxala' maye Qaica ca Ỹaqalanapec, 'eeta' qome: Namayepi qaltaq no'oxoosheguem qome na lalamaxatpi, qalaxaye Aỹem qaltaq selaxachigui qome. Nache na lma' namayepi le'enaxat qome da ‹'Alhua maye lma' na qauem› qataq ‹Nhuo' le'ecpi maye nache 'eetai' da huetalec da layeloxo Ñim Nataxala'›

Joel 3:19

Nache ye Egipto ỹataqta nlachiguiñi qome, qaq ye Edom ỹe'eguelaxa da toolec 'alhua, souaxat da iloquiaxan co'ollaxa na Judá le'ecpi, qataq hualec naqa'en ye na'alhua namayepi, da icolde'c naua ltago'q nam qaica ca ỹasouaxat.

Salmos 137:7

'Am Nataxala', ña 'auennata'a qome da 'eetec na Edom le'ecpi, cha'aye co'ollaq noxonec ye Jerusalén nache namayepi, 'eeta': «¡Qanlaxachiiñi, qanlaxachiiñi qome 'enauac nam lo'oxonaxala'pi!»

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Eclesiastés 7:9

Saishet qome da 'aua'aqta'a da 'am ỹauectac da nalemataic, cha'aye damaye lalamaxat cam shiỹaxaua maye qaica ca ỹaỹaanapec.

Deuteronómio 23:7

Qalaxaye saishet qome da qauqaiquiitega na edomiitapi, cha'aye namayepi maiche qarhuo'oi le'ecpi. Qataq na Egipto le'ecpi, cha'aye co'ollaq qoñiitaña ye na'alhua namayepi, nache qami' choche qauachegoqỹauec.

Efesios 5:1

Qaq cha'aye qami' lauotaqa'ate llalqa Ñim Lo'onatac 'Enauacna, ỹoqo'oye ỹataqta qanpogoxoiñiỹapegue' qome da qoñiita'am Ñimaye.

Malaquías 1:2

Ñim Nataxala' 'eeta' da la'aqtac: «Aỹem qami' sauoteque.» Qalaxaye qami' qoñiỹapec naxa: «¿Ca 'eeteco' da saỹatenaq da qomi' 'auauoteque?» Nache Ñim Nataxala' ỹasat naxa 'eeta': «Aỹem qami' sauoteque, 'eeta'am da 'eetec soua nqaỹa't Esaú qataq so Jacob, qalaxaye Aỹem ỹactec da sauotec so Jacob

Isaías 57:16

Qaq saishet qome da nache shecto'ot da sheetega huo'o ca lasouaxashet na ỹalamaxat nhuo' le'ecpi, qataq saishet qome da nache 'eetai' da senotac, cha'aye da sheetec de'era nache nam shiỹaxauapi maye so'ot co'ollaxa ishet da deqat da na'añaxataxac da aỹem nachatto'ot.

Salmos 85:5

¿Qalqo' chochaq tatec peta'a da qomi' 'aunotegalo? Qataq ¿chochaq tatec peta'a da 'aralemataic?

Zacarías 1:15

Qaq ỹoqo'oye da ỹalemataic, 'eroigui da talec nam ỹotta'a't shiỹaxauapi maye qaica ca lhuogoxo, cha'aye co'ollaq ñaq saq 'amaqtaq da ỹayeloxo, nache namayepi nquigaxatec dam lle'etaxaloxo.

2 Crónicas 20:10

Qaq nagui, ña 'aula'a na amoniitapi, qataq na moabiitapi, qataq nam chegaqa'a añi qasoxonaxa ye Seír, maye sa 'auashenem co'ollaxa na Israel le'ecpi da ỹa'axasoxoolec ye na'alhua namayepi, co'ollaq chegaqa'a ye Egipto, maye nacherata da huaỹoxolec 'anqa'en da yaqto' saishet da nlaxaañi.

2 Crónicas 20:11

Qaq namayepi nagui, qomi' isheetenegueta da anac da qomi' iloquiaxa'n, qataq qomi' ỹo'oldauec da yaqto' qolqa'ai ne'ena 'alhua maye qomi' 'aỹa'anema co'ollaxa da ỹataqta qaralamaxat.

Oseas 8:3

Qalaxaye na Israel le'ecpi saishet da ỹaconeguet da no'on, ỹoqo'oye na npa'aguenaxauapi icanapec qome namayepi.