Amós 1:1 - La'aqtaqa Ñim Lo'onatac 'Enauacna 2013

¹ Qaq 'era da la'aqtaxanaxac so Amós, som qagueta lo'o maye lma' ye Tecoa, dam lauanaqchec maye chegoqo'ot Ñim Lo'onatac 'Enauacna, maye taỹa'a da talec na Israel le'ecpi, co'ollaq saxanaqcaua soua dos vi'iye da nvi' so nacholaxanaxa ana 'alhua, maye huetoigui da lo'onataxanaxac so Uzías, maye nta'a ye Judá, qataq da lo'onataxanaxac so Jeroboán, som llalec so Joás, maye nta'a ye Israel.

Toba del Oeste

¹ 'Laqataĝanaĝac ñe'me 'nanaĝate nouatoqo't lenaĝat da'me Amós, jo'ne chiyaqaue di'me noic jo'ne Tecoa. Joca'li maliaĝa 'uo ñe'me Ozías jo'ne lejaliaĝane'j ga'me Judá lec'oqo'tepi, nataq'aen ñe'me Jeroboam, c'oĝot ñe'me Joás, mach'e lejaliaĝane'j ga'me Israel lec'oqo'tepi, qama'le Dios yojaĝanaĝan ñe'me Amós qaedi yapaĝague'n ga'me Israel laje'pi. Jaa'me dojolqa 'uoidi ca'li maliaĝa ja deda jena'me aleua.

Amós 1:1 Referans Kwoze

Zacarías 14:5

qaq qami' qom qauataiuec, nache qoquiiteueegue cam ca'amegue maye quichiguingui na laiñi añi qasoxonaxa, nache ivira'a ye Asal, maye pa'aỹaueegue da laỹe. Qaq qami' qauataiuec qome 'eeta'am da 'eetec co'ollaq datauec som qarta'ailpi souaxat so lacholaxanaxa na 'alhua maye huetoigui so na'a'q co'ollaq nta'a so Uzías da ilotague' ye Judá. Qaq anac qome Ñim Nataxala' maye Ñatamnaxala', nnaictague' 'enauac nam ỹa'amaqteetac Ñimaye.

Amós 7:14

Qalaxaye so Amós, ỹasateguet so Amasías, 'eeta': «Aỹem, saishet da aỹem na'aqtaxanaxanec, huo'otaq da sauotaique da sevira'a da aỹem na'aqtaxanaxanec, cha'aye nacherata da seque'etapigui da selotague' ana qaguetapi, qataq da llapootac ana ala ana no'onaxa lashe higo.

Jeremías 6:1

Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

2 Crónicas 20:20

Qaq so nte'etom so lỹa na'a'q, nache ñisheguem somayepi da yaqto' taỹa ye toolec 'alhua ye Tecoa. Qaq co'ollaq mashe ivita da jec, nache so Josafat, nachaañi nache 'eeta': «Ñaq aỹem qana'axaỹaxañiỹa qami' shiỹaxauapi maye qarma'ai na Judá, qataq na Jerusalén, qaupi'iỹa'ai qome Ñim Nataxala' maye Qanatamnaxala'ai, yaqto' qami' nca'alaxatrec, qataq qaupi'iỹa'ai qome nam la'aqtaxanaxanecpi Ñimaye, yaqto' 'enauac cam qauo'oche ỹataqta ỹaỹamaqchiguiñi.»

2 Crónicas 11:6

Nache no'oxoosheguem ye Belén, Etam, Tecoa,

1 Reyes 19:19

Nache so Elías jec, ca'ai yemaye, nache natenalec so Eliseo, som llalec so Safat, maye da'araxaatac. Qaq somaye datataueegue so doce so nauaxaỹaxauapi lauegaxanaxala'pi huaca, qaq somaye nache ca'attaueegue somayepi. Nache so Elías co'ollaq nlectot somaye, nache ỹasaxalec na lallac somaye so lapo'.

2 Samuel 14:2

ỹoqo'oye somaye damaxasoxona co'ollaxa aso 'alo maye qaica ca nqalaate', maye lma' ye Tecoa, nache 'enapega, 'eeta': «'Avi'inaxat qome da 'auasootac, nache 'aayiñi caua anogo nasouaxaqui', qataq saishet da 'ancoyigui ca coraxat maye ama da laitaỹaxac, 'eeta'am 'anqa'en da mashe qaỹoqtegue da 'arasouaxac souaxat ca 'arqatac.

Jeremías 1:1

Dam la'aqtaxanaxac qataq nam ỹo'otpi co'ollaxa so Jeremías maye llalec so Hilcías. So Jeremías chegoxoguet so nhuo' le'ecpi, som ntaxaỹaxanaxanecpi maye netaña co'ollaxa ye huaqta'a't nỹecpi ye Anatot, yem 'alhua maye lalamaxat so Benjamín.

Isaías 1:1

Da lauanaqchec so Isaías, som llalec so Amós, co'ollaq ila'a som naỹa'a ye Judá, qataq ye Jerusalén, huetoigui da lo'onataxanaxa'c soua Uzías, Yotán, Ajaz qataq so Ezequíaz maye nta'al ye Judá.

2 Reyes 14:23

Qaq co'ollaq mashe ivi' quince vi'iye da lo'onataxanaxac so Amasías, som llalec so Joás, maye nta'a ye Judá, nache so Jeroboán, maye llalec so Joás, ỹacoolec da lo'onataxanaxac da ilo'ogue so Israel le'ecpi, qaq somaye ivi' cuarenta y uno vi'iye da lo'onataxanaxac da nta'a, huaña ye Samaria.

1 Corintios 1:27

Na'aictaxa da na shiỹaxauapi maye huetalec ana 'alhua, 'eetega da qaica ca qauaỹaañiỹapec qataq qaica ca qami' naiguilo, qalaxaye Ñim Lo'onatac 'Enauacna maiche qami' lca'agui'she, da yaqto' na 'eetega da ỹaanaxanaxaicpi, maiche nauattoola't da qaica ca ỹaỹaanapec.

Miqueas 1:1

Qaq 'era da la'aqtac Ñim Nataxala' maye ỹanem co'ollaxa so Miqueas maye lma' ye Moréset, maye huaigui so lauanaqchec co'ollaq ila'a ye Samaria qataq ye Jerusalén, huetoigui co'ollaxa da lo'onataxanaxac so Yotán, Ajaz qataq so Ezequías maye nta'al ye Judá.

Oseas 1:1

Qaq 'era da la'aqtac Ñim Nataxala' co'ollaq 'enapega so Oseas, som llalec so Beerí, maye huetoigui co'ollaxa da lo'onataxanaxac so Uzías, Yotán, Ajaz qataq so Ezequías, maye nta'al ye Judá, qataq so Jeroboán, maye llalec so Joás, som nta'a ye Israel.

2 Reyes 14:21

Huaña, nache 'enauac se'eso nhuo' le'ecpi ye Judá, ỹaneuo so Azarías, maye mashe ivi' dieciséis vi'iye da nachaalataxac, da talec naqa'en da lo'onataxanaxac so lta'a Amasías.

Jeremías 7:27

Qaq 'am Jeremías, 'aua'axat qome 'enauac de'era, na'aictaxa da saishet da 'am qaiqocha'a, qataq 'aua'alaqtalec namayepi na'aictaxa da 'am saỹasateguet.

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Mateo 4:18

Qaq huo'o so na'a'q So Jesús queto'ot so loigue aso lapel late'erai maye huaña ye Galilea. Nache ila'alo soua dos nqaỹa't ya'acoxoiqa: Simón Pedro qataq so lqaỹa Andrés, soomaye ya'acota'ape,

Jeremías 28:8

Som hua'au na'aqtaxanaxanecpi co'ollaq saxanaqca 'am qataq aỹem, somayepi ỹa'axatta'aguet co'ollaxa ca alaataxac, nqouaxa qataq ca napiina maye talec na qalota ỹotta'a't shiỹaxauapi, qataq nam nta'alpi maye 'añaxaicpi.