Abdías 1:9 - La'aqtaqa Ñim Lo'onatac 'Enauacna 2013

⁹ Qaq nam 'añaxaicpi alleppi ye Temán, ỹataqta iviloxol qome da lcolanaxa, qaq nam netañapi aye qasoxonaxapi maye lalamaqte so Esaú, ỹataqta qaica qome ca no'onañi da nca'altauec.

Toba del Oeste

⁹ Jogaa'me nalada't lo'ol jo'ne neteda'ña di'me Temán male diviloĝo'l qa'a t'oi'y, qama'le jodi'me aleua jo'ne uo'oe naa'me qajoĝona'a jo'ne lenaĝat di'me Esaú male qaya'te ta'le nec'aletaye.

Abdías 1:9 Referans Kwoze

Amós 1:12

Qaq ỹoqo'oye sauo'o qome ca norec da ỹavic ñaqa'en ye Temán, nache que'eca norec nlachiguiñi naqa'en qome na nma' lta'araicpi ye Bosra.

Ezequiel 25:13

Qaq ỹoqo'oye Aỹem Nataxala', shenapec: Ñauaxaỹaxaasheguem qome na ihuaq da yaqto' seuaxan ye Edom, qataq selaxachigui na nalleppi qataq na na'atetpi. Nache ỹataqta nlachiguiñi ñaqa'en. Qaq chegoqchiguiña qome ye Temán nache ivira'a ye Dedán, da nam shiỹaxauapi qaỹalauat qairolec ca ỹeelonec.

Jeremías 49:22

Na pa'aguenaxauapi anac qome da iloquiaxan ye Bosra, 'eeta'am ca vi'ic da ipegueere'c naua laua't, qaq que'eca na'a'q nache na alaataxaicpi ye Edóm, ỹataqta iviloxol qome 'eeta'am aca 'alo da deco'otac.»

Génesis 36:11

Qaq soua llalqa so Elifaz, Temán, Omar, Sefó, Gatán qataq so Cenaz.

Jeremías 49:20

Ña qana'axaỹaxañiỹa dam llapaxañi Aỹem, Nataxala', dam seqataxanai' da yaqto' talec ñaqa'en ye Edom, qataq dam so'ottac lataxac da sataỹa'aguet na lma' ye Temán. Qaq ivira'a qome nam ỹataqta qapio'olecpi nam qagueta llalaqpi da qaỹache qome, nataqa'en na lquiaqa'pi ỹataqta qanlaxatchiguiñi qome.

Jeremías 49:7

Da la'aqtac Ñim Nataxala' maye Qaica ca Ỹaqalanapec, da ỹa'axata'a dam talec ye Edóm, 'eeta': «¿Mashe qaica ca naỹaanec ye Temán? ¿mashe saỹaỹaten ca 'eetec nam ỹaanataxanaxaicpi? ¿Mashe deqat so laỹaanec?

Da na'aqtaguec so Job 2:11

Qaq se'eso Job, huo'oi soua tres nauochaxau', so 'oonolec le'enaxat, Elifaz, somaye lma' ye Temán, qaq so Bildad lma' ye 'alhua Súah, qaq so Sofar, lma' ye Naamat. Qaq soomaye co'ollaq la'axaỹaxa'c 'enauac da huaigui nque'eenaxac so Job, nache je'c da nqo'oora somaye da ỹa'añaqche't, qataq da itaua'n souaxat da nqui'ic.

Abdías 1:21

Qaq nam dauegaxanpi qalaq tasheguema qome añi qasoxonaxa Sión, da yaqto' nmit nam shiỹaxauapi maye nalec aye qasoxonaxapi maye na'alhua so Esaú. Qaq huaña, nache de'era no'onataxanaxac, ilo'ogue qome Ñim Nataxala'.

Amós 2:16

Qaq que'eca na'a'q, nache na alaataxaicpi maye ỹataqta 'añaxaicpi, qalaq nqata'a qome na lo'ogoxonaxatpi da yaqto' datauec. Qaq 'era da la'aqtac Ñim Nataxala'.

1 Crónicas 1:45

Qaq co'ollaq ileu so Jobab, nache da lo'onataxanaxac somaye talec so Husam, maye lma' co'ollaxa ye 'alhua Temán.

Nahúm 3:13

Qaq nam 'analleppi qalaq 'eeta'am qome na 'alpi, qaq nam ñegueuopi nam 'ana'alhua qalaq nauattaiguipi, da yaqto' pa'auo nam 'anpa'aguenaxauapi, cha'aye ca norec nlaxaañi qome na lpaqtaxat nam ñegueuopi.

Deuteronómio 2:5

qaq yemayepi saishet qome da qauloquiaxañi, cha'aye saishet da qami' saarema catai' qapio'olec maye lcata'am ca napia' lliguiñi yem na'alhua yemayepi, cha'aye aya'aye qasoxonaxapi ye Seír, ayemaye lalamaqte so chegoxoguetpi so Esaú. Qataq Aỹem sami' co'ollaxa yemayepi.

Abdías 1:5

Qaq da huo'otaq 'am naua'a da pe ca cachaxaicpi da 'am decachiỹot, qalaq saishet da imauec da ỹache nam 'ogoxoshetpi, qataq da huo'otaq 'am naua'a ca uva lo'opi da 'am decachiỹot, qalaq huo'o ana no'onaxatañi ala ana uvapi. Qalaxaye nam 'ampa'aguenaxauapi namayepi ỹataqta 'am nhuotta.

Habacuc 3:3

Ñim Lo'onatac 'Enauacna, chegoqta'a ye 'alhua Temán; qaq Ñim Qui'itta qalaq chegoqta'a añi qasoxonaxa Parán. Qaq da llo'oxoyec qalaq imattalec 'enauac na piguem, qataq da ño'oxonnataguec nlaqaalec 'enauac ana 'alhua.