Abdías 1:5 - La'aqtaqa Ñim Lo'onatac 'Enauacna 2013

⁵ Qaq da huo'otaq 'am naua'a da pe ca cachaxaicpi da 'am decachiỹot, qalaq saishet da imauec da ỹache nam 'ogoxoshetpi, qataq da huo'otaq 'am naua'a ca uva lo'opi da 'am decachiỹot, qalaq huo'o ana no'onaxatañi ala ana uvapi. Qalaxaye nam 'ampa'aguenaxauapi namayepi ỹataqta 'am nhuotta.

Toba del Oeste

⁵ «Uo'oe jogaa'me cachaĝayaqa jo'ne yeuo'y nale pi'yaq qaedi decachi'y, qalaĝaja ja yema ta'le yacota. Nataq'aen uo'oe jogaa'me yacota jaga'me uva jala, qama'le 'uo nale joga'me 'liyoĝo't joga'me lichidic. Qalaĝaja jogaa'me mach'e adaute'udi' ¡male yataqata ami yapalaĝa't!

Abdías 1:5 Referans Kwoze

Jeremías 49:9

Da ivita naxa da qanqat ana ala ana uva, nache huo'o ana qano'onaxatañi ltaxale, qaq ye pe naxa da nvireuo na cachaxaicpi qaq nachenata na iuen da ỹache.

Deuteronómio 24:21

Qataq da qanqache aca qa'añiguishepi uva, nache saishet da qanmachiita aca ala, qaq aca no'onañipi, nache qauaqaita'a qome, yaqto' nqat ca chegaqauecpi, qataq ca saploqpi, qataq aca pa'aipi.

Isaías 17:6

yem huaña qome aca no'onañi maye qaicoua'ai. Qataq 'eeta'am aca oliivo da qaỹacholaxan, nache dos huo'otaq tres cauatai' no'oirañi ala aca 'oonole lcoue, huo'otaq cuatro huo'otaq cinco caua no'oirañi aca 'oonole lcheyec. Qaq 'era da la'aqtac Ñim Nataxala' maye Natamnaxala' na Israel le'ecpi.

Sofonías 2:15

Qaq 'iye yem huaqta'a't nỹecpi maye ỹataqta nlaqchigui da na'amqaanaxac, qataq qaica ca ñe'etaique, qataq 'enapec naxa da qaica ca 'eeta'am nam netalec ana 'alhua. ¡Yemaye ỹataqta nlachiguiñi, nache ỹe'eguelaxa da lanataqa' na shiguiỹacpi maye qauemaicpi! Qaq 'enauac qome na nlectot yemaye nache ỹe'eetac, qataq iuaxaata'a't naua lhuaxaye.

Miqueas 7:1

¡Qaq choxoraicolec aỹem Miqueas! Cha'aye sheeta'am ca nmittac ca nanaxanaqa', da mashe ime da qanqat ana ala na nañiguishec, nache saishet da ilalec aca uvapi huo'otaq hiigopi, acam ala na nañiguishec maye nshetaique da chec.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Jeremías 50:23

¡Ye Babilonia maye 'eeta'am aca ntoqnaxanaqte 'enauac ana 'alhua, yemaye mashe dolagui, nache ndotrec naua laỹelolqa! ¡Na ỹotta'a't shiỹaxauapi qalaq nomteguet da lli'iỹaxa da ila'a dam qauem maye talec ye Babilonia!

Isaías 24:13

Qaq 'era da 'eetec qome 'enauac na ỹotta'a't shiỹaxauapi ana 'alhua, 'eeta'am qome da qanacholaxaañi aca ala aca oliivo, qataq 'eeta'am da 'eetec da qalaỹootega't aca no'onañi ala aca uva da ime da nqataguec.

Isaías 14:12

¡Ca 'eeteco' da 'auanaañi da 'auachegoqtot na piguem, 'am chi'ishe maye 'am yo'oxoñi lalaqte! 'Am maye 'anauectalec naxa na ỹotta'a't shiỹaxauapi, 'am qaỹanataqcheelec ana 'alhua.

2 Samuel 1:19

«¡Huaña ye qaỹoqotcheguemec, nache imeuo da llo'oxoyec na Israel! ¡Qaq so 'añaxaicpi qalaq nmañi da ileu!

Apocalipsis 18:10

Qalaxaye souaxat da lcolanaxa da qaỹauo'o ca nhuaxanaguec da 'eeta'am yemaye, nache ỹataqta qaỹoqteuga qome namayepi, nache 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso', 'am maye ỹataqta 'am lta'araic Babilonia, 'am maye 'am 'añaxaic! ¡'Eeta'am da 'eetec da nqachegoxoñi ca shiỹaxaua da Ñim Lo'onatac 'Enauacna lhuennataxac da ỹauo'o da 'anque'eenaxac!»

Jeremías 6:9

Qaq Ñim Nataxala' maye Qaica ca Ỹaqalanapec, 'enapec: «Na Israel le'ecpi maye lca'alaxaicpi qalaq qanmittaique qome 'enauac na pa'aiguelo. 'Eeta'am da qanmittapigui aca uva lcouepi da qanmittaique aca ala, choche ivitta'a da qaca aca no'onañi.»

Abdías 1:9

Qaq nam 'añaxaicpi alleppi ye Temán, ỹataqta iviloxol qome da lcolanaxa, qaq nam netañapi aye qasoxonaxapi maye lalamaqte so Esaú, ỹataqta qaica qome ca no'onañi da nca'altauec.