Abdías 1:4 - La'aqtaqa Ñim Lo'onatac 'Enauacna 2013

⁴ Qalaxaye na'aictaxa da qoneta'am ca vi'ic maye huaỹotac na piguem, qataq da 'aỹa'anaigui ana huaqaañipi ca 'arpata'c, qalaxaye nache 'am sachegoxotchiguiña qome camaye da 'auanaañi ñaqa'en». Qaq 'era da la'aqtac Ñim Nataxala'.

Toba del Oeste

⁴ Te'me ami qayaje'meque, aueñiya'am joga'me mayo' jo'ne miyo; te'me auaqanachichi ta'le aueñi na'ague joga'me adec'oĝoqui naa'me uaqachiñil. Qalaĝaja male jachiyoĝo'tague qomle da'me jen a'naqaiñe.» Nach'ena jena'me jenjo' 'laqatac joñe'me Jaliaĝanec jo'ne ja 'nalegue.

Abdías 1:4 Referans Kwoze

Habacuc 2:9

Qaq choxoraxaso' 'am, maye 'anlaxatchigui na 'arma' nam 'arcachaxatpi, cha'aye 'anshetaique da 'am ỹet 'enauac na lcheguesat.

Amós 9:2

Nache na'aictaxa da taña ca ỹataqta qaỹoqchiguiña ana 'alhua da nqañoxooñi, qalaq nache sachegoxotchiguiña da ñeqatsheguem, qataq na'aictaxa da tasheguema ca ỹataqta qaỹoqotcheguema na piguem, qalaq nache sachegoxotasheguema da ñeqaañi qome.

Jeremías 49:16

Dam 'año'oxonnaxac co'ollaxa, nachera da 'am ỹatenachet, cha'aye souaxat 'am ncolanaxat. Qataq qouetaigui na lpoxoỹaxapi na coma'pi, qoueta'a na ỹataqta qaỹoqotcheguemec qasoxonaxapi. Qalaxaye na'aictaxa da qaỹoqotcheguemec 'anqa'en ca 'arpata'c da qoneta'am ca vi'ic qalaxaye nache 'am sachegoxotchiguiña qome da 'am ñeqaañi. Qaq 'era da ỹa'aqtac Aỹem Nataxala'.

Jeremías 51:53

Qaq na'aictaxa ye Babilonia da ivirasheguema na piguem da yaqto' qaỹoqotcheguemec naqa'en na lpaqtaxanaxatpi, qalaxaye nache 'ena'am samaxa cam mpa'aguenaxauapi da yaqto' ilaxachigui. Qaq 'era da ỹa'aqtac Aỹem Nataxala'.»

Isaías 10:14

Qataq sauota'a na ihuaq da sacona da lsallaxa 'enauac na nhuo' le'ecpi, qataq seuotaxanec 'enauac na 'alhuapi sheeta'am ca ỹaconalo caua qaỹala't maỹo lco'oue'ete ỹachegoxotanguilo ca maỹo lpata'c, nache qaica ca iraxa'n naua laua't, qataq qaica ca ỹauachigui na alap da ỹa'alaq.»