Abdías 1:3 - La'aqtaqa Ñim Lo'onatac 'Enauacna 2013

³ Qaq dam 'ana'amqaanaxac, ỹataqta 'am ỹatenachet. 'Am maye qonetaigui nam lpoxoỹaxapi ana coma'pi, qataq qonetasheguema nam qaỹoqotcheguemapi, ỹoqo'oye 'aupi'itaxaatega da qaica ca ishet da 'am iqalagoxotec.

Toba del Oeste

³ Da'me ani'yoĝodenaĝaqui nach'ena ami yoqovi'n: qa'a oñitauelo gaa'me taitedeuo jogaa'me qajoĝona'a, da'me oñita'ña di'me qayaje'mec, qama'le nach'ena auepíchitapega ta'le qaya'te ami yaqanate't ta'le ami noma't.

Abdías 1:3 Referans Kwoze

Jeremías 49:16

Dam 'año'oxonnaxac co'ollaxa, nachera da 'am ỹatenachet, cha'aye souaxat 'am ncolanaxat. Qataq qouetaigui na lpoxoỹaxapi na coma'pi, qoueta'a na ỹataqta qaỹoqotcheguemec qasoxonaxapi. Qalaxaye na'aictaxa da qaỹoqotcheguemec 'anqa'en ca 'arpata'c da qoneta'am ca vi'ic qalaxaye nache 'am sachegoxotchiguiña qome da 'am ñeqaañi. Qaq 'era da ỹa'aqtac Aỹem Nataxala'.

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Isaías 16:6

Qomi' saỹaanaq da lta'araic ño'oxonnaxac ye Moab, da na'amqaanaxac, da napagaqaanaxac qataq da ño'oxonnaxac, qataq nam qaica ca naigui ltaxaỹaxacpi.

2 Reyes 14:7

Qaq so Amasías, nataqa'en ỹalauat so diez mil edomiitapi, huaña so ca'amapega't 'alhua maye huaña na toue, nache loxonec so huaqta'a't nỹecpi ye Selá, nache ỹanagui da le'enaxat Yoctel, nache ivitta'a nagui.

Malaquías 1:4

Qaq nam Edom le'ecpi, maye chegoxoguet so Esaú, da 'enapec: ‹Ỹataqta qomi' qailaxachiguilo, qalaxaye qaltaq ño'oxonaxasheguem qome nam qailaxachigui co'ollaxa ne'ena qana'alhua›, qalaxaye Ñim Nataxala' maye Qaica ca Ỹaqalanapec, 'eeta' qome: Namayepi qaltaq no'oxoosheguem qome na lalamaxatpi, qalaxaye Aỹem qaltaq selaxachigui qome. Nache na lma' namayepi le'enaxat qome da ‹'Alhua maye lma' na qauem› qataq ‹Nhuo' le'ecpi maye nache 'eetai' da huetalec da layeloxo Ñim Nataxala'›

Jeremías 49:4

¿Ta'ainco' da 'ana'amaqteetapigui da 'ara'añaxac? Da qara'añaxaqui mashe imeuo qami' nhuo' le'ecpi maye yeloxoicpi, maye qanteñeetecot da qarsallaqai maye qalapoñiitasheguem, ime nache qoñeeta' naxa: ‹¿negue't ca ishet da qomi' iloquiaxa'n?›

Proverbios 18:12

Da ime da 'amqaanaxac nache anac da saqaipaigui ca qaỹo'ot, qataq da ime da qaica ca na'amaqchec nache nca'attalec da qaica ca qaiueetac.

Proverbios 16:18

Da 'amqaanaxac, nca'atalec da nlaguiñi naqa'en ca qaỹo'ot, qataq da ime da pagaqaanaxac nache qataq anac da que'eenaxac.

2 Crónicas 25:12

Qaq so Judá le'ecpi ỹaconeua'a nataqa'en so diez mil, nache nca'alaxattauec da ỹaviguisheguema aso qaỹoqotcheguemec qasoxonaxa, ime nache ỹamaxauec nache 'enauac somayepi ỹataqta dolachigui.

2 Crónicas 25:11

Huaña nache so Amasías ỹa'añaxachigui ye lauel da ỹauec so nalleppi, taỹa ye Ca'amapega't 'Alhua maye huaña na Toue, nache ỹalauat so diez mil llalaqpi so Seír.

Da na'aqtaguec so Job 20:6

Na'aictoxo' da iviro'ot na piguem da na'amqaanaxac, qataq da iviro'ot na lo'oc na piguem na lqaic,

Jeremías 21:13

Aỹem 'am sataỹa'aguet 'am Jerusalén, 'am maye 'amattalec na ca'amegue qataq qoneta'am ca coma' maye netalec na nalochiguiñi 'alhua. Qaq 'era da ỹa'aqtac, Aỹem Nataxala'. Qami' maye qoñeeta' naxa: ¿Negue't ca ishet da qomi' iloquiaxa'n? ¿Negue't cam ishet da nvira'a nam qanqañoxotaqa'?

Jeremías 37:9

Aỹem Nataxala' qami' seqatalo: Saishet qome da qaulamaxachiỹauec da qoñeetega so caldeopi mashe ỹoqta ca'ai ne'ena, cha'aye saishet da nache 'eetec de'era.

Jeremías 48:28

Qami' maye qoñiitaña na Moab, qoquiỹa'ai qome na huaqta'a't nỹecpi, nache qonqo'oñiỹa ana coma'pi da qoñiỹaña, qoñeeta'am na qoto'pi maye ỹanalec na lpata'cpi naua nashecchiyiñi laỹel ana coma'pi.

Génesis 36:8

Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

Ezequiel 28:16

Qaq souaxat na qalota 'armenecpi, nache 'avira'a da qaica ca 'aureetac, nache 'am nlaxagui na 'arasouaxashetpi. Qaq huaña nache 'am so'orauec, qataq 'am ñeqateeguesop añim nqasoxonaxa Ñim Lo'onatac 'Enauacna, qaq som huo'oi naua laua't maye 'am mpaxattalec co'ollaxa 'am nqateeguesop ana huaqaañipi.