Abdías 1:1 - La'aqtaqa Ñim Lo'onatac 'Enauacna 2013

¹ Da lauanaqchec so Abdías, maye chegoqo'ot Ñim Nataxala' maye ỹa'axata'a da 'eetec qome da taỹa'a ye Edom. Qomi' sa'axasoqchigui so la'aqtaxanaxanec Ñim Nataxala', 'eeta' huo'o so namaxashec maye taỹa na ỹotta'a't shiỹaxauapi da da'aqtaxanem da na'aqtac maye, 'eeta': «¡Qolaq! ¡Ñeqo'onaxa ye Edom le'ecpi nache ñalaataxai'!

Toba del Oeste

¹ Lauanaĝanaĝac joñe'me Abdías, jo'ne yachiyoĝo'tajop joñe'me Jaliaĝanec: Joote 'uo ga'me jomachaĝa jo'ne 'laqataĝanaĝac joñe'me Jaliaĝanec: ñe'me 'laqatanaĝanaĝanec joote ec, quetayelo naa'me 'nachaqa'te jena'me aleua qaedi 'yaĝatetac jenjo': «¡Aniyamaĝacheta't! ¡Qolaq, jajoĝogue joga'me nalada't jo'ne qodeloi'ye' di'me aleua jo'ne Edom!» Dios jo'ne Jaliaĝanec let'adaic dojapegue' joga'me c'oqo'tepi ñe'me Edom, male enaac:

Abdías 1:1 Referans Kwoze

Joel 3:19

Nache ye Egipto ỹataqta nlachiguiñi qome, qaq ye Edom ỹe'eguelaxa da toolec 'alhua, souaxat da iloquiaxan co'ollaxa na Judá le'ecpi, qataq hualec naqa'en ye na'alhua namayepi, da icolde'c naua ltago'q nam qaica ca ỹasouaxat.

Isaías 30:4

Qataq na'aictaxa da ỹamaxa ye Soán qataq ye Janés, na ltaxaỹaxanaxanecpi namayepi,

Isaías 21:11

Da na'aqtac da qaỹa'axata'a dam talec qome ye Edom. Aỹem sa'axaỹa so nỹaxanaxac chemaqchiguiña ye Seír, 'eeta': «'Am nauanaxanaxanec, ¿chaq negue't ye la hora ne'ena pe? ¿Chaq lcate' caua saxanaxalo da yaqto' yo'oxoñi?»

Salmos 137:7

'Am Nataxala', ña 'auennata'a qome da 'eetec na Edom le'ecpi, cha'aye co'ollaq noxonec ye Jerusalén nache namayepi, 'eeta': «¡Qanlaxachiiñi, qanlaxachiiñi qome 'enauac nam lo'oxonaxala'pi!»

Marcos 13:7

Qaq qami' qom qaua'aqaitega ca alaataxac da chemaqchiguiñalo, qalaq saishet qome da qayi'i, cha'aye nachera da 'eetec qome, qalaxaye saxanaxa da ivita ca loga'tna.

Mateo 24:6

Qami' qaua'aqaitapeguelec qome da chemaqchiguiñalo da alaataxac na ỹotta'a't 'alhuapi. Qataq huo'o ca mashe huotaique da deloguiỹa't na nta'alpi. Qalaxaye saishet qome da qayi'i; cha'aye damaye iuen da huo'o qome, qalaxaye saxanaxa da ivita ca loga't ana 'alhua.

Miqueas 2:13

Qaq Ñim Lo'onatac 'Enauacna ỹo'otegue qome ca llec, qaq namayepi nache ca'atteueegue qome Ñimaye, nache tachiviigui naqa'en ca lasom ca huaqta'a't nỹecpi. Qaq ñim nta'a maye Nataxala', hua'auta'ague qome da taỹa'ague namayepi.

Jeremías 51:46

Saishet qome da qayi'iitac qataq saishet da huo'o ca qarcolanqai, souaxat nam na'aqtaxanaxacpi maye qaua'aqaitega ne'ena 'alhua. Cha'aye 'enauaque naxa naua vi'iye da huo'o na ỹotta'a't na'aqtaxanaxacpi, na'aqtaxanaxac da qaica ca qairen ne'ena 'alhua, qataq da qaỹa'axat da na nta'alpi deloguiỹa't.

Jeremías 25:21

ye Edóm, Moab qataq ye Amón,

Jeremías 25:17

Qaq aỹem sacona aso ỹomaxaqui maye nasoqta'a Ñim Nataxala', nache sanem da nỹomgui 'enauac na ỹotta'a't shiỹaxauapi maye Ñim Nataxala' aỹem ỹamaxa.

Isaías 21:12

Nache so nauanaxanaxanec ỹasat, 'eeta': «Mashe yo'oqteguet na yo'oxoñi, qalaxaye nataqa'en na pe. Qaq da huotaique qaunataxañi qalaq qaunataxañi, qaq da huotaique da qañe'eguelaqai qalaq qañe'eguelaqai.»

Génesis 25:30

Nache 'enapego' so Jacob, 'eeta': «Ñaq aỹem 'arqouaguec da aỹem 'aỹa'anem, catai' saq 'amaqtaq laỹolec de'era 'arhuoshec togaxaraic maye deqaqchigui, cha'aye aỹem huotaique da selem na ỹoqouaxa.» Qaq ỹoqo'oye so Esaú, qaỹaỹaten nataqa'en da le'enaxat da Edom.

Génesis 36:8

Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

Génesis 36:9

Qaq 'esoua soua chegoxogueta so Esaú, som chegoxogueta na Edom le'ecpi maye netalec co'ollaxa ye 'alhua qasoxonaxasat ye Seir.

Ezequiel 35:1

Ñim Nataxala' qaltaq aỹem 'enapega, nache 'eeta':