3 Juan 1:7 - La'aqtaqa Ñim Lo'onatac 'Enauacna 2013

⁷ Namayepi chegoqchiguiña co'ollaq cheta'ague da ỹa'axat da na'aqtaguec So Jesucristo, qalaq saishet da ỹaconeguet ca ltaunaxanaxac nam saishet da ỹa'amaqten Ñim Lo'onatac 'Enauacna.

Nuevo Testamento Toba Sur

⁷ Cha'ayi namayipi cot da lliquiaxac da do'onataxanot so Jesucristo, qataq sa ishit da ÿaconguet da ltaunaxanaxac cam sa ishit da ÿauatton ñi Dios.

Nuevo Testamento Toba Sombrero Negro

⁷ Qa'a jogaa'me eque' qaedi t'onataĝadeuo'o joñe'me Jesucristo, qama'le ja yacoteguet ga'me lecochaĝa'j jogaa'me jo'ne ja p'etaqadaiquipi.

3 Juan 1:7 Referans Kwoze

Apocalipsis 2:3

Qataq ỹataqta huo'o da 'anhualaxaunaxac. Qataq souaxat da Aỹem 'aualaxaguet, nache lta'araic da 'anque'eenaxac. Qalaxaye na'aictaxa da nache 'eetec de'era, qalaq ñaq 'eetalec da saishet da 'anasamiisop da Aỹem 'aualaxaguet.

Colosenses 1:24

Qaq nagui aỹem ỹataqta samachiguiñi, cha'aye huo'o da ñeque'eenaxac souaxat da qoñiita. Cha'aye de'era nque'eenaxac da ỹalamaxat ỹo'ocỹaxac, damaye naigui da nalochiguiñi ñaqa'en na nque'eenaxacpi So Cristo souaxat 'enauac nam ỹa'amaqten Somaye.

2 Corintios 12:13

Cha'aye da qoñiita 'oonolec dam no'on maye saxanaxa da qauo'oche, dam mashe ỹo'ottac na laỹepi 'amqaanataxanaxaicpi: ¡Qami' saishet da aỹem qautauñic aca qo'omi! ¡Qalaxaye choche aỹem qauchoxoyiñi! Cha'aye maiche ỹasouaxashet, souaxat da maiche aỹem saishet da qami' seỹaxanoiguilo.

2 Corintios 4:5

Qataq da sa'aqtaxanaqtac, qalaq saishet da maiche ña'aqtaxanaqtapeguela't. Chaqrata da qomi' sa'axataqtac So Jesucristo da nacheso So Qarataxala'. Qataq qami' souaqtegueto, souaxat da qarauoche So Jesucristo.

1 Corintios 9:18

Qalaxaye ca 'eetec de'era ¿negue't ca ỹaueguec da so'ottac de'era? Damaye nachera da ñetonaxac da sa'axattac da no'on na'axaỹaxac, qalaxaye saishet da so'ogoxona da shenec, da yaqto' qaisheeten da ỹo'onataxanaxac da aỹem lamaxashec So Cristo.

Hechos 9:16

Qaq ñimaye Aỹem sachaxana qome na ỹataqta qalota nque'eenaxac souaxat Aỹem.

Hechos 8:4

Qalaxaye nam nlagaxattacpi maye chegaqaña ye Jerusalén, namayepi ỹa'axattac da na'aqtac maye chegaqaigui da nca'alaxa, da huo'o da iviregue.

Hechos 5:41

Nache se'esoua Jesús lamaxa'she chegoqtoiguilo so nta'alpi ỹataqta huo'o da ntonaxa'c, cha'aye Ñim Lo'onatac 'Enauacna ỹasheetegueta soomaye da huo'o da nque'eenaxa'c, huasoirelec da ỹataqta ỹalaxareguet So Jesús.

Juan 15:21

Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.

Hechos 20:33

Aỹem saishet da choche ñaquitta'a co'ollaxa aca anom huo'otaq ca nogoxot.

Hechos 20:35

Qaq nache 'eetai' da qami' sapaxagueetapegueque de'era, da ca shiỹaxaua iuen da do'onataxan yaqto' ishet da itauan cam huo'o da lhuenaxanaxa. Qaq ỹoqo'oye ñetoonaqta'ac qome da la'aqtac co'ollaxa So Qarataxala' Jesús, maye 'eeta': Ñim Lo'onatac 'Enauacna ntootapeguec cam «ỹataqta machiguiñi da dachetaqtaxan, qaq saq 'ena'am cam choche qaỹachet.»

Filipenses 2:9

Qaq ỹoqo'oye Ñim Lo'onatac 'Enauacna, ỹanem Somaye da qaica ca 'ena'am la'amaqchec, qataq dam le'enaxat maye napacalec 'enauac na laỹepi da 'enec,

3 Juan 1:8

Qaq ỹoqo'oye qomi' iuen da setauanaq de'era lo'onataxanaxac maye ỹacoolec da ỹo'ot, qataq seloxogue namayepi.