3 Juan 1:6 - La'aqtaqa Ñim Lo'onatac 'Enauacna 2013

⁶ Cha'aye namayepi da'aqtaxaatapeguem 'enauac na 'amqaanataxanaxaicpi da lta'araic 'arauotaxanaqtaic. Qaq ỹoqo'oye aỹem 'anqouaguec qome da 'autaunec 'enauac namayepi ca iueetaique da yaqto' nache queto'ot da llecỹaxac. Qalaxaye ca 'artaunaxanaxac ỹataqta ỹaỹamaxareeta 'anqa'en Ñim Lo'onatac 'Enauacna.

Nuevo Testamento Toba Sur

⁶ Cha'ayi namayipi da'aqtaxaatapeguem 'enauac na 'amqajnataxanaxaicpi ne'ena soota'a, i'axattac da 'adauotaxanaqtaic. Qaq ÿoqo'oyi aÿim 'anqouaguec qome da 'autaunec namayipi ca lhuenaxanaxa, yaqto' ishit da qaltaq cot da lliquiaxac. Qalaxayi ca 'adtaunaxanaxac ÿataqta ÿaÿamaxadeeta 'anqa'en ñi qadta'a Dios.

Nuevo Testamento Toba Sombrero Negro

⁶ Ena'uaque jogaa'me jo'ne chiyoqoda'a ga'me qaya'ta 'yaĝatema gaa'me p'etaqadaiquipi queda'me adoqopitalo jogaa'me. Qama'le jayem avichoĝoden nayi: yitaĝa alecochiyalo, auanema gaa'me youetedaque qaedi yaqanate't ta'le yauote ga'me leuoĝo'j, naqaeda yiyamaĝaden joñe'me Dios.

3 Juan 1:6 Referans Kwoze

1 Ts 2:12

Nataqa'en she'eguelaxataqtalec da qami' shenaqtegalo da ỹataqta qoquiitelec da lataxac nam quetague' Ñim Lo'onatac 'Enauacna, nam iỹaxanapi Ñimaye da yaqto' nhuanaua'a da lo'onataxanaxac qataq da la'añaxac.

Tito 3:13

Ỹataqta 'ampogoxoinapegue' qome da 'autauan so Apolo qataq so Zenas maye nanettalec da taunaxanaxaic. 'Autauaneque soomaye 'enauac na lhueneguesat da llecỹaxa'c, yaqto' qaica ca iue'n.

Hechos 15:3

Qaq da llecỹaxa'c soomaye, nache tatrelec ye 'alhua Fenicia qataq ye 'alhua Samaria. Nache da'aqtaxaatrapeguem na 'amqaanataxanaxaicpi judiopi da qalota nam saq judiopi da ỹalat da togoshec la'amqaanataxanaxac, nache quegue Ñim Lo'onatac 'Enauacna. Qaq co'ollaq hua'aqchigui de'era nam judiopi maye ỹa'amaqteetac So Jesús, nache ỹataqta qalota da ntonaxac.

1 Pedro 2:20

Da huo'o ca qaỹauo'o ca nhuaxanaguec souaxat da huo'o ca ỹo'ot qauem, nache camaye da na'añaxateguet qataq lhueneguet ca nque'eenaxac, nache de'era saishet da qaỹa'aalac. Qalaxaye da huo'otaq huo'o ca nque'eten qataq na'añaxateguet da nque'eenaxac souaxat da ỹo'ottac ca ỹaỹamaqchiguiñi, nache Ñim Lo'onatac 'Enauacna ỹaalec da nqouagaxa camaye.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

Filipenses 4:14

Qalaxaye qami' ỹataqta ỹaỹamaqchiguiñi de'era qartaunaxanaxaqui, da aỹem qautauañi souaxat da huo'o da iuenaxanaxa.

2 Corintios 1:16

Huo'o da iuennataxac da qami' ñamaqtegalo co'ollaq saỹa'a ye 'alhua Macedonia. Qaq da she'eguelaq, nache qaltaq qami' saỹaleguete da qami' ñamaqtegalo, yaqto' qami' ishet da aỹem qautauañi da ỹecỹaxac da saigue da Judea.

Romanos 15:24

nache aỹem iuennataxac da qami' saỹaleguete qome da saigue da España. Qalaxaye saishet da huo'oi caua na'axa'te da qami' soota'agueta qome, qalaxaye saỹaten da huo'o da ñetonaxac da qami' ñamaqtegalo, nataqa'en huo'o da ñaquitaxac da aỹem qautauañi da yaqto' shecto'ot de'era ỹecỹaxac.

Hechos 21:5

Qaq can inoxoore'c soua siete na'axa'te, nache qaltaq qolaq. Nache 'enauac so 'amqaanataxanaxaicpi lỹatac na 'alpi qataq na llalaqpi da qomi' ca'ateueeguelo da laỹe ye nỹecpi. Qaq can seviraqaama so loigue, nache qomi' sa'araxayiñi naua qarllectel, nache ñeqouagaxaunaqtac.

3 Juan 1:12

'Enauac na shiỹaxauapi ỹataqta no'on da la'aqtaxanaxac da ỹa'axattac so Demetrio, qaq dam lataxac somaye nachera da ỹa'axat da 'eesa. Qaq qomi' nataqa'en saỹamaxarenaqta da lataxac somaye, qaq 'am 'auaỹateeta da saishet da satenataxanaqtac.

Hechos 15:29

Saishet qome da qolliqui na lapat cam mashe qoỹanot na ne'enaqtacpi maye qanatameetacotpi, qataq saishet da qolliqui na ntago'q, nache 'eeta'am na lapat na shiguiỹac maye choche ichegueuo na lqosot, qataq saishet da huo'o ca ncachetague' aca sa lhua. Qaq qom qaupaquiitelec da qauo'oche' ne'enaua, nache ỹo'ot da ỹataqta qauamaichiguiñi. Qauacoñiiguet qome da qarquinaxanaxac.»

Jonás 4:4

Nache Ñim Nataxala' 'enapego' somaye, 'eeta': «¿Peta'a ỹaỹamaqchiguiñi 'anqa'en da 'aualemata?»

Génesis 4:7

Da 'auo'ot taxa ca ỹaỹamaqchiguiñi, qaq ishet taxa da 'anamatasheguem. Qalaxaye ye saishet da 'auo'ot, nache dam nasouaxashet mashe naỹamaxattai' da 'am loxonec qome. Qamaq 'am maye ishet taxa da 'oxonec damaye.»