3 Juan 1:14 - La'aqtaqa Ñim Lo'onatac 'Enauacna 2013

¹⁴ cha'aye seuata'a qom huo'otaq saqaỹaloq da 'am ñauane', nache ỹataqta ñimaqa'a't da ña'aqtaxanaxa't.

Nuevo Testamento Toba Sur

¹⁴ Cha'ayi seuata'a qom huo'otaq saqaÿaloq da 'am ñauane', nachi ÿataqta ñima'ai' da 'am setaqtapegue'.

Nuevo Testamento Toba Sombrero Negro

¹⁴ qa'a jeuata'a da'me ja cop'a da'me am jauana, qama'le yataqachiñe jojaqatapega't.

3 Juan 1:14 Referans Kwoze

1 Pedro 5:14

Qaq ñi 'oonolec da qoñiita da nquine' ca lỹa qalaq ỹataqta napigoxoi'. Qaq aỹem seỹaxaatacot Ñim Lo'onatac 'Enauacna da qami' ỹanema ca qarlagaxayiqui qami' maye qami' lalamaqa'ate So Cristo.

Efesios 6:23

Ỹataqta huo'o da iyaxa da Ñim Lo'onatac 'Enauacna maye Qarta'a, qataq So Qarataxala' Jesucristo qami' ỹanema da nlagaxayec qataq da nsoxoyec qataq da npi'iỹaxac nataqa'en 'enauac nam laỹepi 'amqaanataxanaxaicpi.

Gálatas 5:16

Qaq ỹoqo'oye qami' shenapegalo: Qaualaqaiguet So Saqcha'a La'añaxac Ñim Lo'onatac 'Enauacna, yaqto' saishet da qauyaqỹa'a da qauo'oche ca qauem.

Daniel 4:1

Qaq aỹem nta'a Nabucodonosor, sanem da ỹa'aqtac 'enauac na nhuo' le'ecpi, qataq na ỹotta'a't shiỹaxauapi, qataq na ỹotta'a't naua la'aqtaqa maye netalec ne'ena 'alhua, da sauotaique da namayepi nquictauec da l-lagaxayec.

Génesis 43:23

Nache som ilotague' so nma', 'enapeco': «A'aye, qaue'enaxañeetai', saishet qome da qayi'i. Souaxai' nacheñi Ñim Qanatamnaxala'ai qataq natamnaxala' cam qarta'ai, ñim ỹoxochiguilo co'ollaxa aso anom naua ala'api soua qarachoxonaxaquilli', cha'aye aỹem mashe saconeguet aso anom maye qarsheetenaxanaqchi.» Nache som ilotague' so nma' nqatec co'ollaxa so Simeón, nache ỹauegueuga so huetra'a soua lqaỹa't.

Juan 10:3

Nache cam lasom lo'o ỹauateguet camaye, da yaqto' pa'auo, qaq anam qaguetapi ỹauatton da lavilỹaxac camaye. Nache camaye iỹaxaataua'a na le'enaxatpi añi 'oonole ana qaguetapi, ime, nache nqateeguesop aca laỹe' da ỹauec.

Juan 20:19

Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

2 Juan 1:12

Qalota nam ỹa'aqtaxanaxacpi maye sauotaique da qami' sa'aqtaxanema, qalaxaye saishet da saỹamaxaren da sauota'a aca ỹere da qami' samaxalo. Seuata'a qom sañoxot da qami' ñamaqtegalo yaqto' ỹataqta qami' ñema'ato da qami' sa'aqtaxanema. Yaqto' da ñetonaxac ỹataqta nalochiguiñi.