2 Ts 1:8 - La'aqtaqa Ñim Lo'onatac 'Enauacna 2013

⁸ Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

Nuevo Testamento Toba Sur

⁸ Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

Nuevo Testamento Toba Sombrero Negro

⁸ Qama'le 'uo qomle ga'me 'yeteque jogaa'me jo'ne ja yoqochideta ñe'me Qadet'a choqogaa'me jo'ne ja yacoteguet da'me 'naqataĝanaĝac 'me 'yaĝatetac ñe'me Qadejaliaĝanec Jesucristo.

2 Ts 1:8 Referans Kwoze

1 Pedro 4:17

Mashe ivita ye laloqo' da Ñim Lo'onatac 'Enauacna nmit 'enauac na shiỹaxauapi, nache ỹa'auaxaachiguiñi da nmit na maiche lalamaxatpi. Qaq da ỹa'auaxaachiyiñi da qomi' nmi't qataq ỹauo'o da qanque'eenaxac, nache ¡chaq 'eetec ca taỹa'aguet nque'eenaxac nam saishet da ỹalaxaguet Ñim Lo'onatac 'Enauacna!

2 Pedro 3:7

Qalaxaye nataqa'en ỹachegoxotchigui se'eso la'añaxac da Ñim Lo'onatac 'Enauacna ỹan da la'aqtac, da qom ivita que'eca laloqo', nache na piguem qataq ana 'alhua maye huo'oi nagui, naamaye ilaxachiguilo, irolec ca norec. Naamaye qaỹavigaxa't qom ivita que'eca na'a'q da Ñim Lo'onatac 'Enauacna nmit 'enauacna, nache ilaxachigui 'enauac nam ỹo'ottac na qauem.

Hebreos 10:27

Nachaqrata da qomi' seuataqta'aguet cam qaica ca 'ena'am lchecỹaxac maye nmitaguec 'enauacna, que'eca na'a'q da Ñim Lo'onatac 'Enauacna nmit na ipa'agueetac Ñimaye qataq ỹavigaxat ỹasaxangui ca norec.

Salmos 79:6

Ña 'auasaxalec taxa da 'aralemataic na ỹotta'a't shiỹaxauapi, maye saishet da 'am ỹauatton qataq saishet da 'am natameetacot.

Hebreos 10:30

Nataqa'en 'enauac saỹatenaq da Ñim Lo'onatac 'Enauacna, ỹauo'o ca lvi' da ỹauo'o ca nhuaxanaguec na ipa'agueetacpi Ñimaye, souaxat na ỹo'ottacpi sa ỹaỹamaxañi namayepi. Qalaxaye nataqa'en 'enapec da nmit na lalamaxatpi.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Gálatas 4:8

Qami' co'ollaq saxanaxa da qauauattoñi Ñim Lo'onatac 'Enauacna, qalaq qami' lcoñetegui'she nam qanatameetacotpi maye saq 'en.

Romanos 6:16

Qami' qauaỹachiñiita da ca nache 'eetai' da ỹalaqtapeeguet ca lỹa shiỹaxaua, nache ivira'a da l-latac camaye. Qaq nache 'eeteque qomi' seshetaq da salaxasoxoguet da ñe'etaxaloxo, nache seviraqa'a da seleuaq. Qaq da huo'otaq salaxasoxoguet Ñim Lo'onatac 'Enauacna, nache qomi' ỹaỹamaxareete' qataq saconaxaguet da lchoxonnataxanaxa.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.

Hebreos 12:29

Cha'aye Ñim Lo'onatac 'Enauacna, Ñimaye 'eeta'am ca norec maye ỹataqta cochepchiguiñi naqa'en ca ỹavigaxat.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Apocalipsis 6:10

Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»

1 Ts 4:5

Saishet da choche ỹauectac da qauem lqopitaxanaqtaic da ỹe'enaxat na sa ỹa'amaqten Ñim Lo'onatac 'Enauacna.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Hechos 6:7

Nache da la'aqtac Ñim Lo'onatac 'Enauacna ỹataqta nquictasheguem. Qataq ye lcata na da'amqaanataxan ye Jerusalén ỹataqta nquictauec, ivira'a da qalota na ỹa'amaqten So Jesús nam ntaxaỹaxanaxanecpi da qaitaxaỹapegue' Ñim Lo'onatac 'Enauacna maye judiopi.

Juan 3:19

Qaq dam 'eetec da Ñim Lo'onatac 'Enauacna nmit 'enauacna: qaq nache 'eetec da Aỹem ñanaỹa ana 'alhua, qaq Aỹem maye Aỹem lcoỹaraqte na napalaxa. Qalaxaye na shiỹaxauapi ye ỹo'otta'ape naua qauema, nache ỹaỹamaxareeta da netaigui na napalaxa saq 'ena'am da yo'oqchiguiñi.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Sofonías 1:6

Nataqa'en selaxachigui qome nam Aỹem ca'ai, qataq nam saishet da Aỹem nmitaique da Aỹem inat.»

Daniel 7:10

qaq nache chegoqtegueua'a somaye so la'auaxac na norec. Qataq do'onataxaatacot somaye som qalota maye sa qaivi' da naloqten. Qaq so qanayecot so ntaxaỹaxac nache qaỹauachigui aso nerepi.

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Salmos 94:1

'Am Nataxala', maye ishet da 'apalaique ca nvi', 'Am Atamnaxala', ñaq 'anachaxan qome.

Salmos 18:44

Qaq da aỹem hua'axaỹa nache aỹem ỹalaxaguet, qataq na chegaqauec shiỹaxauapi aỹem ỹo'oxoreetac,

Deuteronómio 32:35

Yaqto' lleuotta'a ca na'a'q da sepalaique ivi', nache sauo'o ca nhuaxanaguec, da ivita ca laloqo' da huañi namayepi. Qaq mashe yaqta'a da nlachiguiñi, ¡mashe sa qaỹapeque ye laloqo' namayepi!

Deuteronómio 5:5

Qaq qami' qataq Ñim Nataxala', nache sootangui na laiñi co'ollaxa, da yaqto' qami' sa'aqtaxanema na la'aqtacpi Ñimaye, cha'aye qami' qañi'iitega so norec, ỹoqo'oye saishet da qa'aỹeesheguema añi qasoxonaxa. Nache Ñim Nataxala', 'eeta':

Deuteronómio 4:30

Qaq qom qaviyeeguet ca qanque'eenaxaqui, qataq ca qanqui'icỹaxaqui, nache da qavi'iguelaqaiỹa da qaualaqaiguet Ñim Nataxala',

Deuteronómio 4:11

Nache qami' qanquiquiiua'a co'ollaxa na pa'aguiñi añi qasoxonaxa, nache qauauañiichigui na le'eraxa so norec maye taỹot na piguem, nache nañigui na sa nsatchiguiñi lo'oc qataq napalñi,

Éxodo 5:2

Qalaxaye so faraón 'enapeco': «¿Negue't que'eca ‹Nataxala'›, da yaqto' aỹem salaxaguet qataq sa'aqta'a da jec na Israel le'ecpi? Aỹem saishet da sauatton que'eca Nataxala', qataq saishet da sashen da jec na Israel le'ecpi.»

Génesis 3:24

Qaq co'ollaq ime da ỹo'orauec so shiỹaxaua, nache da pa'aigui da nala' lliguisheguem yem nanaxanaqa' maye huaigui ye Edén, ỹanaleguete soua huo'o da lca'alaqa' maye huo'oi naua laua't, qataq som ỹeelonec 'ettaigui maye coleetagui, da yaqto' saishet da huo'o ca ivireua'a aso qo'oipaq, maye chegaqaigui da nca'alaxa.

1 Pedro 3:6

'Era da 'eetec co'ollaxa aso Sara, cha'aye ỹataqta ỹalaxaguet so lhua Abraham. Ỹoqo'oye asomaye da iỹaxana, qalaq 'eeta': «Ỹataxala'.» Qaq qami' nagui da qauo'oche ca ỹaỹamaqchiguiñi, qataq saishet da huo'o ca qayi'iitaique, nache qoñiita'am asomaye.

Hebreos 11:8

So Abraham huo'o da lpi'iỹaxac Ñim Lo'onatac 'Enauacna, ỹoqo'oye ỹalaxaguet Ñimaye co'ollaq 'enapega da ca'ai ye na'alhua da taỹa ca lỹa 'alhua maye ỹami' Ñimaye, nache so Abraham ỹalaq na'aictaxa da saishet da ỹoqta ỹaỹateeta cam taỹa'ague.

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Gálatas 3:1

¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.

2 Corintios 10:5

qataq da ño'oxonnaxac nam huotaique da npaxateguet da yaqto' saishet da ivira da ỹoqta qaỹauatton Ñim Lo'onatac 'Enauacna. Sachegoxotaqchigui de'era na'añaxac da so'ogoxonaxa da yaqto' na 'etaxaloxoicpi naralaxa't naua lhuennataxaco, nache ỹalaxaguet So Cristo.

1 Corintios 15:34

Ỹataqta qauennataxañiitelec ca qauo'oche, qataq saishet da sa qaualaqaiguet Ñim Lo'onatac 'Enauacna. Qaq nache sheetec de'era, yaqto' qami' huo'o da qara'aloqoi. Cha'aye huo'o da qoñiita na saishet da ỹauatton Ñim Lo'onatac 'Enauacna.

Romanos 16:26

Qaq nagui saỹatenaq da 'eetapeguec Ñimaye chegoqchigui nam ỹiyiñi som na'aqtaxanaxanecpi. Qaq Ñim Lo'onatac 'Enauacna maye nache 'eetai' da nca'altauec maiche lamaxasoxonaxac damaye, yaqto' 'enauac ana 'alhua qaỹa'amaqten qataq qaỹalaxaguet Ñim Nataxala'.

Romanos 15:18

Cha'aye 'eesa, da nachaqrata da sa'axattac dam ỹo'ot So Cristo ỹachegoxotchigui aỹem, da yaqto' nam saishet da judiopi ỹalaxaguet Ñim Lo'onatac 'Enauacna. Qaq damaye sañoxot, qaq saishet da sañoxot damaye da chegoqchiguilo naua ỹa'aqtaqa, maye nataqa'en nam so'otpi.

Romanos 10:16

Qalaxaye saishet da 'enauac da qaỹaconeguet de'era no'on na'axaỹaxac. Qaq ipacchigui da la'aqtac so Isaías co'ollaq 'eeta': «'Am Nataxala', ¿negue'tom ca ishet da ỹa'amaqten da qara'aqtaxanaxac?»

Romanos 1:5

So Jesús aỹem ỹachaxana da lsoxoyec qataq aỹem lca'aguishec da yaqto' so'onataxanot da aỹem lamaxashec, cha'aye Somaye huotaique da 'enauac na shiỹaxauapi ana 'alhua ỹalaxaguet qataq ỹa'amaqten Somaye.

Juan 8:19

Nache qainattac Somaye, qoỹeeta': –¿Hua'ague ca neta'ague ca 'arta'a? Nache So Jesús 'enapeco': –Qami' saishet da Aỹem qauauattoñi, qaq nache 'ena'am Ñim Ita'a saishet da qauauattoñi. Cha'ayectaxa da Aỹem qauauattoñi, nache nataqa'en ishet da qauauattoñi Ñimaye.

Jeremías 9:6

naralaxat da lataxac. Ñim Nataxala', 'enapec: «¡Namayepi nlaxagui da natenataxanaxac, qataq qaica ca qairen! Na ỹalamaxat nhuo' le'ecpi aỹem saỹauatton.

Isaías 61:2

qataq sa'axatec nam vi'i maye huaigui da lqouagaxanaqtaic Ñim Nataxala', qataq nam na'a'q maye huaigui da Ñim Qanatanmaxala' ỹauo'o da lvi' da dataỹa'aguet nam qanpa'aguenaxauapi. Ñimaye aỹem namaq da sa'añaqchet 'enauac nam daquicotacpi,

Isaías 1:19

Da qauasacheeguet da qami' laxaraiqa, qaq huaña nache qolliquiitac qome na ỹataqta no'on maye chegaqaigui ana 'alhua,

Salmos 9:10

'Am Nataxala' ỹataqta 'am pi'iỹa'a na 'am ỹauatton, cha'aye 'am saỹauano' da 'aualat ca 'am nmittaique.

1 Samuel 2:12

Qaq soua llalqa so Elí ỹataqta qauem da lataxa'c, qataq qaica ca 'enec naqa'en Ñim Nataxala',

Isaías 1:28

Qalaxaye aỹem selaxachigui qome na qauemaicpi qataq na 'etaxaloxoicpi, qaq nam aỹem ca'ai namayepi ileu qome.

Jeremías 10:25

Nacherata da 'aucorelec da 'arayeloxo nam ỹotta'a't shiỹaxauapi maye 'am saỹauatton nam nhuo' le'ecpi maye saishet da iỹaxaatega da 'are'enaxat, cha'aye namayepi ilaxachigui na lauo' le'ecpi so Jacob, nache qaica naqa'en ca no'onañi qataq nlachiguiñi naqa'en ne'ena 'alhua.

Judas 1:7

Qataq nache 'eeta'am da huaigui co'ollaxa so shiỹaxauapi maye lma' ye Sodoma qataq Gomorra qataq som nỹecpi maye saqaỹapeque yeemaye. Som hueta'a yemaye ỹataqta ỹaguec da lle'etaxaloxo qataq ỹo'ottac na ỹotta'a't lataxac da quisheguetaxac maye sa qaishetapec. Qaq ỹoqo'oye Ñim Lo'onatac 'Enauacna ỹauo'o da nhuaxanaguec, icorelec so norec maye saishet da 'om da yaqto' ỹo'ot da nque'eenaxac somayepi. Qaq damaye nachera da 'enauac qomi' qaivitaqteetegalo.

2 Samuel 23:7

Qaq da huo'o ca ỹacoosop qalaq ỹauota'a ca lcat, huo'otaq aca lataquiaxai. Nache ỹasaxangui ca norec da yaqto' ỹavic.»