2 Ts 1:10 - La'aqtaqa Ñim Lo'onatac 'Enauacna 2013

¹⁰ 'Ena nam huo'o qom ñe'eguelaq So Qarataxala' Jesucristo ñe'eguelaxa nam lalamaxatpi, yaqto' namayepi ỹo'oxoren qataq huo'o da la'aalaxa. Qaq qami' nache qaraỹepi ne'ena shiỹaxauapi, cha'aye qaua'amaqchiñi da na'aqtaxanaxac maye qami' sanaxama.

Nuevo Testamento Toba Sur

¹⁰ que'eca na'a'q qom ñi'iguelaq somayi da qaÿi'oxoden, ÿi'oxoden na maichi lalamaxatpi, qataq da qai'aalac, i'aalac 'enauac na 'amqajnataxanaxaicpi. Cha'ayi qami' mashi qau'amaqchiñi dam qami' sa'axataqtapeguema.

Nuevo Testamento Toba Sombrero Negro

¹⁰ Nach'ena 'uo jo' qomle male 'niyelaq ñe'me Qadejaliaĝanec Jesucristo, qama'le ga'me Dios lec'oqo'tepi yataqata 'nonaĝachidegue joñe'me, chayovida'a da'me yoqochetem yemeda ga'me p'etaqadaiquipi. Qama'le da'me ami nach'e ena'am ovitaue joga'me Dios lec'oqo'tepi, qa'a auacoñiyeguet ca'li ga'me 'laqatac joñe'me Qadec'alaĝaiqui jo'ne ami ja'aĝatapema.

2 Ts 1:10 Referans Kwoze

2 Timoteo 4:8

Saỹaten da Ñimaye maye sa depe'enaxan da nmit 'enauac na shiỹaxauapi. Ñimaye aỹem ỹami' ca nsheetenaguec da ñachaalataxac maye lasheue da ỹalaxayec. Qaq saishet da nachaỹemta da aỹem ỹami', maye nataqa'en 'enauac na shiỹaxauapi maye ỹayeeta'aguet ca lle'eguelaxasoxoc Ñimaye.

Efesios 1:18

Qataq seỹaxaatacot Ñim Lo'onatac 'Enauacna, da yaqto' qami' ỹaỹaanaxanaxaateque de'era lta'araic naigui da nca'alaxa maye ỹami' nam lalamaxatpi. Yaqto' nataqa'en ỹataqta qauaỹaañita cam qanaquitaxaqui maye huo'omshe qami' iỹaxanalo Ñimaye.

1 Corintios 3:13

Ca lo'onatac ñi 'oonolec, yo'oq qom ivita ca pa'atec na'a'q. Cha'aye qom ivita ca pa'atec na'a'q, nache Ñim Lo'onatac 'Enauacna, ỹe'eguen na lo'onatac ñi 'oonolec. 'Eeta'am da qaỹe'eguenec ca norec ca no'onataxanaxat maye seuenaq da so'onataxanaxa.

Juan 17:10

Cha'aye 'enauac nam ỹalamaxatpi, namayepi 'aralamaxatpi, qaq nam 'aralamaxatpi, namayepi nataqa'en ỹalamaxatpi. Nache 'enauac de'era ỹachaxan da ỹa'amaqchec qataq da ỹa'añaxac.

Isaías 49:3

Nache aỹem 'enapega 'eeta': «'Am Israel, 'am ỹamaxashec, qaq nache 'am sachegoqchigui qome da sachaxan da ỹo'oxoyec.»

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Números 23:23

Nache qaica ca ishet da ỹo'otec ca qauem so Jacob, huo'otaq camachaqca ne'enaxanaxac na Israel le'ecpi. Qaq da qaitaxaỹa so Jacob qataq na Israel le'ecpi nache qoỹeeta': Ña qauloỹa da ỹo'otec Ñim Nataxala' namayepi.

2 Ts 2:13

Qalaxaye qomi' nache 'eetai' da sanaqtacot da qana'achecỹaxac Ñim Lo'onatac 'Enauacna souaxat da qoñiita, Ñimaye qami' ỹauoteque qataq qami' lca'agui'she, nache 'eetai' da chegoqta'ague co'ollaq saxanaqca 'enauacna yaqto' qanca'alliueeguesop de'era lhuaxanaxanaxac. Qami' lca'agui'she, ỹachegoxotchigui So Saqcha'a Na'añaxac da qami' iỹotaugalo da ỹauo'oi qami' lalamaqa'ate, cha'aye souaxat da qauacoñiiguet da no'on na'axaỹaxac.

1 Corintios 1:6

Qaq ỹoqo'oye da na'aqtaguec So Cristo yo'oqta da qami' nañaxatoiguilo.

Salmos 89:7

'Am maye 'Aro'onatac 'Enauacna ỹataqta huo'o 'archec da 'aualectaigui na qui'itta da lataxac, qataq huo'o da 'ara'amaqchec naqa'en na 'am datato'otpi.

2 Timoteo 1:18

Qaq ỹoqo'oye huo'o da ñaquitaxac da So Qarataxala' Jesús da ỹaalec da lauotaxanaqtaic que'eca na'a'q qom Ñim Lo'onatac 'Enauacna nmit 'enauac na shiỹaxauapi. 'Am ỹataqta 'auaỹateeta da so Onesíforo ỹataqta lta'araic da ltaunaxanaxac co'ollaq souaqta'a ye Éfeso.

2 Timoteo 1:12

Qaq nachera da huo'omshe huo'o de'era ñeque'eenaxac nagui. Qalaxaye saishet da ñecoqtac souaxat nam sevireguetpi, cha'aye aỹem saỹateeta Ñim hueto'ot de'era ñaquitaxac. Qataq saỹateeta Ñimaye da huo'o da la'añaxac da ỹo'ot da nache queta da qaỹa'axattac da no'on na'axaỹaxac, choche ivitta'a ca loga't ana 'alhua.

2 Ts 1:12

Da nache 'eetec de'era, nache qami' ỹataqta huo'o da qayo'oxonnataxanaxaqui So Qarataxala' Jesús, qataq nataqa'en Somaye ỹauo'o da qayo'oxoyiqui, ipacchigui da lta'araic lsoxoyec Ñim Lo'onatac 'Enauacna qataq So Qarataxala' Jesucristo.

1 Ts 2:13

Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.

1 Ts 2:1

Qami' ỹaqaỹañicpi maye qaua'amaqchiñiitac So Cristo, qami' qauaỹaañita co'ollaxa de'era iviraxac da qoñiita. Damaye saishet da saqca ca naigui.

1 Ts 1:5

Cha'aye co'ollaq qami' sa'aqtaxanaxama da no'on na'axaỹaxac qalaq saishet da ndotre'c naua qara'aqtaqa. Nachaqrata da co'ollaq qami' souaqta'agueta qalaq qami' sachaxanaxalo da qomi' hueto'oto da la'añaxac Ñim Lo'onatac 'Enauacna qataq So Saqcha'a Na'añaxac Qui'itta da do'onataxaatapoigui da shenaqta, qaq damaye naigui da maiche qanaỹamaxataxaqui.

Efesios 3:16

Souaxat dam lta'araic lsallaxa qataq da llo'oxoyec, nache seỹaxaatacot Ñim Lo'onatac 'Enauacna da ỹachegoxotchigui So Saqcha'a La'añaxac da qami' ỹanema ca la'añaxac da qarvilỹaxaqui.

Efesios 3:10

Qaq qoỹeetec de'era nagui, yaqto' ishet da chegoqchigui qanqa'en na 'amqaanataxanaxaicpi da 'enauac nam 'añaxaicpi qataq nam damaxasoxonapecpi maye hueto'ot na piguem ishet da ỹaỹaten 'enauac na ỹotta'a't laỹaaneguesat Ñim Lo'onatac 'Enauacna.

Efesios 2:7

Qaq ỹo'ot de'era Ñimaye, cha'aye nshetaique da ỹachaxan da 'eetec cam ñaq natrauo na'axa'te da lta'araic lauotaxanaqtaic da shenaqta qataq dam lqouagaxanaqtaic maye ỹachegoxotchigui So Cristo Jesús.

Efesios 1:14

Qaq nacheso so ỹoqta 'eesa naqa'en da qomi' saconaxaguet ca ỹachaxanapec Ñim Lo'onatac 'Enauacna maye qomi' ỹanema qom ivita ca laloqo' da huesochiguiñi naqa'en na lalamaxatpi, da yaqto' Ñimaye qaỹo'oxoren souaxat da la'amaqchec.

Efesios 1:12

Qaq 'eetec de'era Ñim Lo'onatac 'Enauacna yaqto' qomi' judío lashe' qomi' la'auaxanaqa da huo'o da qanaquitaxac So Cristo qataq sho'oxorenaqtac dam lta'araic la'añaxac.

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Gálatas 1:24

Nache ỹo'oxoreetac Ñim Lo'onatac 'Enauacna, souaxat Ñimaye da naralaxat da ỹataxac.

Juan 11:4

Nache So Jesús co'ollaq hua'axaỹa de'era, nache 'eeta': –De'era lalolaxa, damaye saishet da taỹa'a ca l-leuaxa. Chaqrata da yaqto' damaye ishet da chegoqchigui da ỹachaxan da la'añaxac Ñim Lo'onatac 'Enauacna, qataq da na'añaxac maye Aỹem hueto'ot, Aỹem maye Aỹem Llalec Ñim Lo'onatac 'Enauacna.

Lucas 10:12

Qaq ỹataqta 'eesa de'era qami' sa'axatema da que'eca pa'atec na'a'q, Ñim Lo'onatac 'Enauacna ỹauo'o ca lta'araic nhuaxanaguec que'eca shiỹaxauapi, napacalec da nhuaxanaguec co'ollaxa so shiỹaxauapi maye lma' so nỹecpi ye Sodoma.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Mateo 24:36

Qalaxaye que'eca na'a'q qataq ca laloqo' da ñe'eguelaq, qalaq qaica ca ishet da ỹaỹaten, ivira'a na namaxashecpi na piguem. Qataq ivira'a Aỹem saishet da saỹaten. 'Oonolec Ñim Lo'onatac 'Enauacna maye Ita'a da ỹaỹaten.

Mateo 7:22

Qaq qom ivita que'eca na'a'q da Ñim Lo'onatac 'Enauacna nmit 'enauac na shiỹaxauapi, nache qalota qome na 'enapec: «'Am Qarataxala' maye qomi' 'aralamqa'ate, qomi' naxa 'am sa'axataqtac da sa'aqtaxanaqteguem na laỹepi shiỹaxauapi. Qomi' so'onataxanaqtega da 'are'enaxat da so'oraqauec na saqcha'a na'añaxac leguemaxaicpi, qataq so'otaqtac na sa qaỹauanapegapi.»

Malaquías 3:17

Ñim Nataxala' maye Qaica ca Ỹaqalanapec 'enapec: «Aỹem seqataxaatai' ca 'oonolec na'a'q, maye huaigui da namayepi ỹe'eguelaxa da qaltaq ỹalamaxat. 'Eeta'am ca nta'a da ichoxoren ca llalec, qaq nache sheetec qome da qaltaq sechoxoren namayepi.

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Isaías 60:21

Qaq huaña qome nache 'enauac nam 'arhuo' le'ecpi no'on da lataxac, qataq nache 'eetai' qome da lalamaxat ne'ena 'alhua, nache namayepi 'eeta'am qome da llaxataxa aca nañiguishe maye maiche saañi, maye sauota'aisalo naua ihua'q da so'ot, da yaqto' ỹachaxan da ỹo'oxoyec.

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

Isaías 43:21

na nhuo' le'ecpi maye so'ot co'ollaxa da yaqto' ỹa'axatec da ỹo'oxoyec.

Salmos 68:35

Ỹataqta huo'o da 'archec 'Am 'Auo'otapecna, da qoueta'a añi atamnaxaqui maye 'aralamaqte. Ñim Natamnaxala' na Israel le'ecpi ỹanem da la'añaxac qataq da lquesaxanaxa na lalamaxat nhuo' le'ecpi. ¡Qaq ỹataqta qaỹo'oxoren qome Ñim Lo'onatac 'Enauacna!

Isaías 2:11

Nam na'amqaanaxaicpi qalaq nloguiñi qome, qataq nam napagaqaanaxaicpi qaica ca 'enec. Cha'aye nacheñita Ñim Nataxala' da qaỹo'oxoren qome que'eca na'a'q,

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Mateo 16:28

Qaq ỹataqta 'eesa de'era qami' sa'aqtaxanema, da huo'o qome ca 'oonolec da qoñiita maye ỹalectauo nagui cam saishet qome da ileu, qom saxanaxa da ilogui da selo'ogue 'enauacna.»

1 Ts 2:12

Nataqa'en she'eguelaxataqtalec da qami' shenaqtegalo da ỹataqta qoquiitelec da lataxac nam quetague' Ñim Lo'onatac 'Enauacna, nam iỹaxanapi Ñimaye da yaqto' nhuanaua'a da lo'onataxanaxac qataq da la'añaxac.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.