2 Timoteo 1:4 - La'aqtaqa Ñim Lo'onatac 'Enauacna 2013

⁴ Qaq naxa da tachigui iuel da 'annoinaxac qataq da 'araquicoxo, nache huo'o da iyaxa da 'am ñauane', yaqto' ỹataqta aỹem nlaqchigui da ñetonaxac.

Nuevo Testamento Toba Sur

⁴ Qaq naxa da tachigui iuel da 'anneenaxac, nachi huo'o da iyaxa da 'am ñauane', yaqto' aÿim nlaqchigui da ñitonaxac.

Nuevo Testamento Toba Sombrero Negro

⁴ Nale jenate'ta da'me anoyetac quelqaya, qama'le jalcote yamaic ta'le yitaĝa am jauana, qaedi yitaĝa 'uo da'me yamaic.

2 Timoteo 1:4 Referans Kwoze

2 Timoteo 4:9

Ỹataqta sa 'anaỹaloxon qome da 'auanac da aỹem 'anauane'.

2 Timoteo 4:21

Qaq 'aỹalapegue' qome da 'auanac, 'aqopitaxanapec da saxanaxa da nvi' na no'omaxa. 'Am ỹamaxa da lquinaxanaxac ñi Eubulo, Pudente, Lino, qataq añi Claudia, qataq 'enauac na qarqaỹañicpi.

1 Ts 2:17

Qami' qarqaỹa't, se'eso na'a'q co'ollaq qami' sachegoxosoqtegueta qaq co'ollaq qaỹata'ague da sa qami' ñauanaxato qalaq, nache 'eetai' da qami' seuennaqtegalo souaxat da qarauoche da qoñiita. Huaña, nache ỹataqta huo'o da qaryaxa da qaltaq qami' ñauanaxato.

Filipenses 1:8

Qaq Ñim Lo'onatac 'Enauacna ỹaỹateeta da ỹataqta saishet da choche satenataxaatac da qami' saquicotrapigui, qataq da ỹauoche da qoñiita souaxat da lsoxoyec So Jesucristo maye aỹem ỹami'.

Apocalipsis 21:4

Ñimaye iỹore'c naua lache' namayepi. Huaña, nache saishet da ileu, nataqa'en saishet da ỹe'eguelaxalec da nỹeetac, huo'otaq da na'alaqtapiguiñi, huo'otaq da huo'o da nqui'ic, cha'aye 'enauac nam huo'o co'ollaxa qalaq nagui 'enauac da imeuo.»

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

Filipenses 2:26

cha'aye ñimaye huo'o da lyaxa da ỹoltaq qami' nauaneto. Ñimaye ỹataqta huo'o da 'eeta, souaxat da qara'axaỹaxaqui co'ollaxa da ñimaye sa no'on.

Romanos 1:11

Ỹataqta huo'o da iyaxa da qami' ñauaneto yaqto' qami' setauaneque cam chegoqo'ot So Saqcha'a Na'añaxac Qui'itta. Yaqto' da qarpi'iỹaxaqui Ñim Lo'onatac 'Enauacna nache 'eetai'.

Hechos 20:31

Qaq maxatchaxa qome, qanloisheguem, qauennachiỹo' qome soua tres vi'iye, da ica'n naua na'axa'te qataq naua pe' da qami' seqattegalo, ñeỹeetalec ñi 'oonolec da qoñiita.

Hechos 20:19

Qaq 'enauaque se'esoua na'axa'te da qami' soota'agueta da so'onataxaatacot So Qarataxala', qalaq qaica da ñapagaqcheetac. Nda'a't da qalota da ñenoinaxac, souaxat na qalota ñe'eguenataguecpi maye aỹem ỹo'otec na judiopi.

Juan 16:24

Qaq choche ivitta'a nagui da qami' saxanaxa da huo'o ca qauỹaxañiỹaique da qoviilec da ỹe'enaxat. Qaq qauỹaxañi qome, nache qauacoñiiguet ca qauỹaxañiỹaique, yaqto' ỹataqta qami' nlaqchiguilo da qantonaxaqui.

Juan 16:22

Qaq nache 'eetec nataqa'en da qoñiita nagui huo'o da qarachetataiqui, qalaxaye Aỹem qami' ñe'eguelaxalo qome, nache da qarquiyaqteỹaxaqui ỹataqta nlaqchigui da qantonaxaqui, qaq que'eca qantonaxaqui saishet da huo'o ca nqat.

Jeremías 31:13

Na qa'ampiolec qalaq dasottagui qome souaxat da ntonaxac, nache 'eetec qome nataqa'en na nsoxoppiolec qataq na ỹa'axaiquipi. Aỹem sanem qome da lamaicỹaxac namayepi, qaq da laquicoxo qalaq nmeneguet ñaqa'en da lamaicỹaxac, qataq sanem da ỹactec da lamaicỹaxac napacalec da nqui'ic co'ollaxa.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Salmos 126:5

Qaq yaqto' nam nỹeetac co'ollaq danaxaatac, ỹataqta ntootapigui' qome da nqat ca ala ca lañiguishec.