2 Samuel 7:2 - La'aqtaqa Ñim Lo'onatac 'Enauacna 2013

² nache so nta'a David 'enapego' so Natán, som la'aqtaxanaxanec Ñim Lo'onatac 'Enauacna, 'eeta': Ña 'aumeten aỹem, mashe sootaigui na nỹec maye no'onataxat ana qo'oipaq cedro, qaq añi arca maye laỹe' naua lqataxaco Ñim Lo'onatac 'Enauacna qalaq ñaq netaigui ñi npe'lolec.

Toba del Oeste

² Qama'le dojapegue' ñe'me Dios 'laqatanaĝanaĝanec Natán, enaac: «Da'me dojo' auana, da'me jayem qa'a jonetaue ga'me yejaliaĝaiqui jo'ne chiyaqayi jaga'me epaq jo'ne cedro, qama'te jaga'me lae't daa'me lamajoĝonaĝaco ñe'me Dios netaue ga'me ch'e nomachaĝaiqui jo'ne ualoq gaa'me lael.»

2 Samuel 7:2 Referans Kwoze

2 Samuel 5:11

Ỹoqo'oye so Jirán, maye nta'a ye Tiro, ỹamaq so ltaxaỹaxanaxanecpi da taỹa so David, nataqa'en ỹamaq som ỹaỹaten da ichec na qo'oipaq, qataq som ỹaỹaten da ichec na coma', qataq ỹache naqa'en so qo'oipaqpi cedro da yaqto' no'oxoosheguem so lma' lta'araic so David.

2 Samuel 12:1

Qaq Ñim Nataxala' ỹamaq so na'aqtaxanaxanec Natán, da nqo'ona so David. Qaq co'ollaq ivireuo so Natán, nache 'enapega so David, 'eeta': Huo'oi soua dos shiỹaxau', neraña so huaqta'a't nỹecpi. So 'oonolec sallaxanec, qaq so lỹa choxoraq.

Hechos 7:46

Qalaxaye Ñim Lo'onatac 'Enauacna ye ỹataqta lauotaxat so David. Ỹoqo'oye somaye iỹaxanot Ñimaye da ỹo'ot aca no'onaxanaxaqui late'erai da yaqto' huaña da na Israel le'ecpi ỹo'oxoren Ñimaye.

Juan 2:17

Nache soua lapaxaguenataqa iuennate naua nanettraleguete ana nere maye huetalec na la'aqtacpi Ñim Lo'onatac 'Enauacna, maye 'eeta': «Da ỹauoche ñi 'arma', ỹataqta 'eco' 'eroigui naqa'en da sheeta.»

Hageo 1:4

«¿Qaq peta'a nacheye yem laloxoqui qanqa'eñi qami', da qoñeetaiguilo naua qarma'achilli' maye ỹaguec da 'onaxaiqa, qaq añim ỹalamaqte atamnaxaqui qalaq ỹataqta qaica ca lyac?

1 Crónicas 29:29

Qaq da na'aqtaguec so nta'a David, nache chegoqchiguiña co'ollaq ñaq cheta'ague da do'onataxan, nache ivitta'a so pa'atec lo'onataxanaxac, da nache nanettalec aso nere maye huetalec da na'aqtaguec so na'aqtaxanaxanec Samuel, qataq so na'aqtaxanaxanec Natán, qataq som huo'oi naua l-loxoco le'enaxat Gad,

1 Crónicas 16:1

Qaq 'era 'eetec co'ollaq qaiviraxat aso arca maye laỹe' soua lqataxaco Ñim Lo'onatac 'Enauacna, nache qoỹanaigui so npe'l maye iqataxanai' co'ollaxa so David, nache sa qaỹaỹaloxon da qoỹanot Ñim Nataxala' aso nachetaqtaxanaqte qaỹavigaxatta qataq aso qanhuaachigui.

Salmos 132:5

qom saxanaxa da sanata ca sanaña ca lma' Ñim Nataxala', Ñim la'añaxanec so Jacob.»

2 Crónicas 1:4

Qaq so David, ye mashe ỹache co'ollaxa aso laỹe' soua lqataxaco Ñim Lo'onatac 'Enauacna ỹachegoxotchiguiña ye Quiriat Yearin nache iviraxatta'a som dalaxaic lma' maye iqataxaatai' co'ollaxa, cha'aye nauaxaỹaxaasheguem co'ollaxa so npe'l maye naña ye Jerusalén.

1 Crónicas 14:1

So Jirán maye nta'a ye tiro, ỹamaxa so David so ltaxaỹaxanaxanecpi, nataqa'en so nỹec lo'opi, qataq som qo'oipaq lo'opi maye ỹachetac na qo'oipaq cedro da yaqto' ỹo'ot so lma' lta'araic so David

2 Samuel 7:17

Nache so Natán ỹataqta ipacchigui da da'aqtaxanem so David, 'enauac de'era lauanaqchec qataq la'axaỹaqchec.

2 Samuel 6:17

Qaq aso arca maye laỹe' soua lqataxaco Ñim Nataxala', qairoua'a so npe'l maye nauaxaỹaxaasheguem co'ollaxa so David da yaqto' lma' naqa'en asomaye. Nache so David saỹaỹaloxon da ỹo'ot aso lachetaqtaxanaqte qaỹavigaxatta, qataq aso lachetaqtaxanaqte qanhuaachigui, ỹauaachigui naqa'en Ñim Nataxala'.

Éxodo 40:21

Ime, nache iroua'a so pa'auo so npe'l, qataq ỹaviguisheguem so lapoxot, da yaqto' ỹapoua'a aso arca maye laỹe' soua nqataxaco, huaña nache ipacchigui da la'aqtac Ñim Nataxala'.

2 Samuel 11:11

Nache so Urías 'enapeco': Añim arca maye laỹe' naua nqataxaco, qataq yem nalleppi na Israel le'ecpi qataq Judá, netaiguilo naua saq 'amaqtache npe'lolqa. Nataqa'en so ỹataxala' Joab qataq ye alleppi maye ltauapi, lo'ochaqa' ye no'onaxa. Qaq ¿ta'ainectoxo' da soua'a ye ima' da seque'e, qataq da ñeỹom, qataq da ỹauañe' aca ihua? ¡'A'i, aỹem saishet da so'ot de'era souaxat da qoneta, 'am nta'a!

1 Reyes 1:22

Qaq co'ollaq ñaq na'aqtaxaatague' so nta'a aso Betsabé, nache ivireuo so na'aqtaxanaxanec Natán,

1 Reyes 8:17

Qaq so ita'a David, ỹataqta huo'o co'ollaxa da lhuennataxa da no'oxoosheguem aca atamnaxaqui da yaqto' qaỹo'oxoren Ñim Nataxala' maye Natamnaxala' na Israel le'ecpi.

1 Crónicas 22:7

nache 'eeta': «'Am ỹalcolec, aỹem huo'o da iuennataxa da ño'oxoosheguem aca atamnaxaqui maye lalamaqte Ñim Nataxala', maye Ñatamnaxala'.

2 Crónicas 9:29

Qaq na laỹepi na'aqtaguecpi so Salomón, chegoqchiguiña som hua'auchiguiñi qataq so pa'atec de'era lo'onataxanaxac, nache nanettalec aso nere maye huetalec da na'aqtaguec so na'aqtaxanaxanec Natán, qataq aso nanettalec na l-loxocpi so Ajías, maye lma' ye Silo, qataq aso nanettalec na lauanaqchecpi so na'aqtaxanaxanec Iddo, co'ollaq ỹa'axata'a da 'eetec so Jeroboán, maye llalec so Nabat.

2 Crónicas 29:25

Qaq so Ezequías ỹauo'o nataqa'en so leviitapi da ỹanaña aso atamnaxaqui maye lalamaqte Ñim Nataxala', maye ỹauota'a so latoviaxanatacpi, qataq aso lasheerepi, qataq aso lvique arpapi, nache qaipacchigui da lamaxasoxonaxac so David, qataq so Gad, som huo'oi naua l-loxoco maye ltaua so nta'a, qataq so na'aqtaxanaxanec Natán. Cha'aye de'era qalapaxañi lataxac damaxasoxoolec co'ollaxa Ñim Nataxala', chegoqchigui naqa'en som la'aqtaxanaxanecpi.

1 Reyes 1:8

Qalaxaye so ntaxaỹaxanaxanec Sadoc, qataq so Benaías, maye llalec so Joyadá, ivira'a so na'aqtaxanaxanec Natán, qataq so Simea, maye ỹataqta lpe'et so nta'a, qataq som ỹataqta 'amaqtaqaicpi nalleppi so David, saishet co'ollaxa da ca'ategue da itauan so Adonías.

1 Reyes 4:5

Qataq so Azarías, som llalec so Natán, maye lataxala' na nta'alpi, qataq so Zabud, som llalec so Natán, maye ntaxaỹaxanaxanec qataq ỹanem naxa na lqataxacpi so nta'a,

Salmos 132:2

Qataq da la'aqtac maye 'am ỹanot co'ollaxa, 'am maye 'am la'añaxanec so Jacob co'ollaq 'eeta':