2 Samuel 7:1 - La'aqtaqa Ñim Lo'onatac 'Enauacna 2013

¹ Qaq so David co'ollaq mashe netaigui so lma' lta'araic, qataq Ñim Nataxala' mashe nmane' naqa'en somaye 'enauac so mpa'aguenaxauapi maye lauoreuapi,

Toba del Oeste

¹ Ca'li ñe'me David joote neta'ña ga'me lejaliaĝaiqui, ñe'me Jaliaĝanec yanem da'me 'lemaĝac, qama'le 'nomate'guejopa gaa'me laute'upi jo'ne coleedejop.

2 Samuel 7:1 Referans Kwoze

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

1 Reyes 5:4

Qalaxaye nagui Ñim Nataxala' maye Ñatamnaxala', qomi' ỹanema da qal-lagaxayec da ñeuoonaqte' 'enauac nam pa'aiguelo nam shiỹaxauapi. Qaq cha'aye qaica ca ñepa'aguenaqtague' nache saishet da sho'oqtaique ca qauem.

2 Crónicas 14:6

Nache so Asa, no'oxoosheguem co'ollaxa so qanpaxattaua'a huaqta'a't nỹecpi maye ỹotta'a't naua nañalo ye Judá, cha'aye huo'o da nlagaxayec yi'iye 'alhua, qataq se'esoua vi'iye qaica ca alaataxac, cha'aye Ñim Nataxala' ỹan co'ollaxa da nlagaxayec.

Salmos 18:1

'Am Nataxala', aỹem ỹataqta 'am sauotec, cha'aye nache 'am ỹa'añaxac.

Josué 23:1

Qaq co'ollaq mashe qaỹoqtegue da Ñim Nataxala', ỹanem da lactapiguiñi so Israel le'ecpi, qataq so Josúe mashe ỹa'axaiquiolec co'ollaxa,

Josué 21:44

Nache Ñim Nataxala' ipacchigui so ỹan la'aqtac maye ỹachaxanapeguem co'ollaxa so hua'au lta'alpi somayepi. Huaña, nache huo'o da nlagaxayec 'enauac se'eso 'alhuapi maye qanayeetalec. Nache so mpa'aguenaxauapi na Israel le'ecpi, saishet da ỹañoxot da dataỹa'aguet somayepi, cha'aye Ñim Nataxala' ỹanem da loxonec co'ollaxa somayepi.

Hechos 7:46

Qalaxaye Ñim Lo'onatac 'Enauacna ye ỹataqta lauotaxat so David. Ỹoqo'oye somaye iỹaxanot Ñimaye da ỹo'ot aca no'onaxanaxaqui late'erai da yaqto' huaña da na Israel le'ecpi ỹo'oxoren Ñimaye.

2 Samuel 6:23

Qaq aso Mical choche ivitta'a co'ollaxa da ileu da qaica ca llalec.

2 Samuel 7:11

co'ollaq cheta'ague da sauo'o so lataxala'pi maye nmit na nasouaxashet da ilo'ogue ne'ena ỹalamaxat nhuo' Israel le'ecpi. Qaq nagui so'ot da 'am 'anmateeguesop na 'ampa'aguenaxauapi, qataq 'am sa'aqtaxanem da sanem qome ca 'aỹa'alaqpi da nta'alpi.

2 Samuel 5:11

Ỹoqo'oye so Jirán, maye nta'a ye Tiro, ỹamaq so ltaxaỹaxanaxanecpi da taỹa so David, nataqa'en ỹamaq som ỹaỹaten da ichec na qo'oipaq, qataq som ỹaỹaten da ichec na coma', qataq ỹache naqa'en so qo'oipaqpi cedro da yaqto' no'oxoosheguem so lma' lta'araic so David.

1 Crónicas 22:6

Ime co'ollaxa, nache so David, iỹaxana so llalec Salomón, nache huaqata da no'oxoosheguem qome aso atamnaxaqui maye lalamaqte Ñim Nataxala', maye Natamnaxala' so Israel le'ecpi,

1 Crónicas 22:7

nache 'eeta': «'Am ỹalcolec, aỹem huo'o da iuennataxa da ño'oxoosheguem aca atamnaxaqui maye lalamaqte Ñim Nataxala', maye Ñatamnaxala'.

1 Crónicas 28:2

Qaq huaña, nache so David nachaañi, nache 'eeta': «Ñaq aỹem qana'axaỹaxañiỹa, qami' ỹaqaỹañicpi, qataq qami' ỹalamaxat ihuo' le'ecpi. Aỹem, iuennataxa co'ollaxa da ño'oxoosheguem ca nỹec da yaqto' qoỹanaigui taxa añi arca maye laỹe' naua lqataxaco Ñim Nataxala', qataq nacheca ctaxa ca lanataqa' Ñim Lo'onatac 'Enauacna, qataq mashe seqataxaatai' da yaqto' qano'oxoosheguem.

2 Crónicas 20:30

Qaq ỹoqo'oye da lo'onataxanaxac so Josafat, ỹataqta huo'o da nlagaxayec, cha'aye Ñim Lo'onatac 'Enauacna ỹanem da qaica cara somaye, qataq da nhuoteete' so shiỹaxauapi maye lauoreuapi.

Salmos 132:5

qom saxanaxa da sanata ca sanaña ca lma' Ñim Nataxala', Ñim la'añaxanec so Jacob.»

Mateo 25:16

Nache so namaxashec maye ỹaconeguet aso cinco mil anom, somaye do'onataxangui asa'aso anom da nmen. Nache ivi' cinco mil aso laỹe laueque.