2 Samuel 5:9 - La'aqtaqa Ñim Lo'onatac 'Enauacna 2013

⁹ Ime, nache so David naña se'eso huaqta'a't nỹecpi maye sa nsattec so lpaqtaxat, nache ỹanagui da le'enaxat, «Huaqta'a't nỹecpi maye lalamaxat so David.» Qataq nataqa'en no'oxoosheguem so lpaqtaxat coleesop naqa'en somaye, chegoqchiguiña so qaimeelec nqa'aic, nache iviraua'a so nma' lta'araic.

Toba del Oeste

⁹ Ñe'me David male na'ña jodi'me noic qama'le yenaqatenec Noic mach'e loĝot ñe'me David, qama'le 'noĝojeguem ga'me lequepaĝanaĝat jo'ne coleejop, chiyaqa'ña di'me comadaĝa jo'ne nemetec chayovida'a ga'me nejaliaĝaiqui.

2 Samuel 5:9 Referans Kwoze

1 Reyes 9:24

Qaq aso llale so faraón, co'ollaq ca'ai so huaqta'a't nỹecpi maye lalamaxat so David, da yaqto' nqochena so lma' lta'araic maye no'oxoosheguem co'ollaxa so Salomón da lalamaxat naqa'en asomaye, nache somaye imeelec so pa'aỹa'ague da nala' lliguisheguem so huaqta'a't nỹecpi.

1 Reyes 9:15

Qaq se'eso qapa'atta no'onatacpi maye damaxasoxoolec co'ollaxa so nta'a Salomón, nacheso so huo'omshe laỹona't so 'onataxanaxaicpi da ỹo'ot aso atamnaxaqui maye lalamaqte Ñim Nataxala', qataq so lma' lta'araic maye lo'onataxanaqa' somaye, qataq so nqa'aic lta'araic maye qaimeelec, qataq so lpaqtaxanaxat ye Jerusalén, qataq ye huaqta'a't nỹecpi ye Jazor, Meguido qataq ye Guézer.

2 Crónicas 32:5

Qaq so Ezequías ỹataqta huo'o da la'añaxac, nache no'oxoosheguem so npaqtaxanaxat, qataq nataqa'en no'oxoosheguem aso nalloxolatepi nalec naqa'en somaye, qataq ỹo'ot so npaqtaxanaxat pa'aỹauec. Qaq nataqa'en ỹaỹamaxaañi so lpaqtaxat so huaqta'a't nỹecpi maye lalamaxat so David, qataq damaxasoxoolec da qaỹo'ot aso qalota taquiaxaipi qataq aso npaqtaxanaqtepi.

1 Reyes 11:27

Qaq so Jeroboán, da huo'omshe npa'aguene' so nta'a Salomón, souaxat da somaye co'ollaq ỹo'ottac so nqa'aic lta'araic maye qaimeelec, nache ỹapogui so lauac so lpaqtaxat so huaqta'a't nỹecpi maye lalamaxat so lta'a David.

2 Samuel 5:7

Qalaxaye so David ñaqaiyeta ishet co'ollaxa da deuotaxanec se'eso huaqta'a't nỹecpi maye ỹataqta sa nsattec so lpaqtaxat ye Sión, maye qoỹanagui nagui da le'enaxat «huaqta'a't nỹecpi maye lalamaxat so David.»

1 Crónicas 11:8

Nache so David, nquigaxatec da no'oxoosheguem som huaqta'a't nỹecpi, chegoqchiguiña ye Milo, nache ivitta'a so npaqtaxanaxat, qaq so Joab qalaq ỹaỹamaxaañi som laỹepi nỹecpi.

Jueces 9:20

Qalaxaye qom saishet da nache 'eetec de'era, nache da layeloxo ñi Abimelec, nmichiguiñi naqa'en qome na lma' na Siquén qataq ye Miló, qaq da layeloxo na Siquén qataq ye Miló nache chegaqaigui qome da imeuo naqa'en so Abimelec.»

Jueces 9:6

Qaq co'ollaq ime de'era, nache som lma' ye Siquén qataq ye Miló, laponqa' ye Siquén yem naña aso qo'oipaq late'erai maye huaqta'ai' so coma' maye sa qaishetapec, nache qoỹanagui da nta'a so Abimelec.

2 Samuel 5:8

Nache se'eso na'a'q, so David 'enapeco': «'Enauac cam jec da iloquiaxan ye jebuseopi, nache tateua'a qome so la'auaxac na 'etaxat, nache ỹalauat ye tagoxoicpi qataq ye ñi'iirauo naua lchel, cha'aye yemayepi ỹataqta saỹemec.» Ỹoqo'oye nache chegoqteua'a co'ollaxa dam na'aqtacaic naxa maye, 'eeta': «Na tagoxoicpi qataq na ñi'iirauo naua lchel, saishet qome da inoxoneua'a aca atamnaxaqui maye lalamaqte Ñim Nataxala'.»

2 Reyes 12:20

Qaq soua maiche nale't so Joás, dataira'aguet co'ollaxa somaye, nache ỹalaua't co'ollaq huangui so qano'oxoosheguem nqa'aic maye taỹaña ye Silá.

Salmos 122:3

'Am Jerusalén, 'am qano'oxoosheguem co'ollaxa, da yaqto' 'am laponqa' na shiỹaxauapi.

Isaías 29:1

¡Choxoraicolec ye Ariel, ye Ariel, yem huaqta'a't nỹecpi maye nmataqa' co'ollaxa so David! Inoxootrec qome caua qalote' vi'iye da ỹo'ottac na na'ashaxacpi,

2 Samuel 6:10

Ỹoqo'oye somaye saishet da iroua'a co'ollaxa so lma' aso laỹe' soua lqataxaco Ñim Nataxala', nache damaxasoxoolec da qaira'a ye lma' so Obed Edom maye Gat le'ec.

1 Reyes 2:10

Qaq ime, nache ileu so David, nache qailareñi huaqta'ai' qanqa'en so lta'alpi, maye huetaigui so huaqta'a't nỹecpi, maye lalamaxat somaye.

2 Reyes 12:21

Qaq 'era da 'eetec co'ollaxa soua maiche nale't so Joás, som Josacar, som llalec so Simeat, qataq so Jozabad, som llalec so Somer, da ỹalaua't somaye. Qaq co'ollaq qailareñi so Joás, nache qaỹauaxaỹaxana'ai' som hua'au lta'alpi maye huaigui so huaqta'a't nỹecpi maye lalamaxat so David. Qaq da lo'onataxanaxac da nta'a, nache talec so llalec Amasías.

Nehemías 3:15

Qaq so salum, som llalec so Coljozé, maye ilotague' ye Mispá, no'oxoosheguem so lasom aso 'etaxat laỹe', ime, nache ỹauo'o so lapo' so pa'asheguem qataq ỹanauo so lasompi qataq aso lvinaxatpi qataq so la'axasoxotpi. Nataqa'en ỹaỹamaxaañi so npaqtaxanaxat maye chegoqchiguiña aso 'etaxat laỹe' le'enaxat Siloé, maye huaqta'ai' so lanaxanaqa' so nta'a, qataq nache ivitta'a so piaxala'pi maye taỹaña so huaqta'a't nỹecpi maye lalamaxat.