2 Samuel 5:3 - La'aqtaqa Ñim Lo'onatac 'Enauacna 2013

³ Qaq 'era da 'eetec co'ollaxa da 'enauac so nqueroxonecpi ye Israel, da nqo'ona ye Hebrón da detaxaỹapegue' so nta'a David, nache somaye naỹamaxate' co'ollaxa somayepi, ỹauaachigui naqa'en Ñim Nataxala'. Nache somayepi icorelec so aceite na lqaic so David, da yaqto' nta'a ye Israel.

Toba del Oeste

³ Qama'le naq'aeta, jogaa'me 'yaĝaicachidi Israel laje' dajotegue di'me Hebrón da'me jetaque dojedapegue' joñe'me jaliaĝanec David. Chane'eja joñe'me male ya'uo joga'me 'naĝataĝac jo'ne yanema ga'me jiyaĝadipi, da'me dajoyeda'aguet joñe'me Jaliaĝanec Dios. Yem da'me dojo', qama'le jogaa'me najoĝola'te male 'yadelegue ñe'me David da'me lejaliaĝanec di'me Israel.

2 Samuel 5:3 Referans Kwoze

2 Samuel 2:4

Qaq co'ollaq qaỹata'ague de'era, nache nvireua'a somaye so Judá le'ecpi, qaq nache huaña yemaye da qaicorelec so David, da yaqto' nta'a ye Judá. Qaq nataqa'en qaỹa'aqtaxanem co'ollaxa somaye, da so lma' ye Jabés yem huaigui ye Galaad, nachesopi som ilayiñi co'ollaxa so Saúl,

1 Samuel 23:18

Huaña nache soomaye ỹauaachigui naqa'en Ñim Nataxala' da qaltaq naỹamaxara't da nache 'eetai'salo da auochaxau', qaq co'ollaq ime de'era, nache so Jonatán ỹe'eguelaxa so lma', qaq so David nache hua'a ye Horeb.

1 Samuel 16:13

Nache so Samuel saỹaỹaloxon da ỹacona aso lcoraxanaxat laỹe' huetagui so aceite, nache ỹauaachigui naqa'en so lqaỹañecpi da icorelec se'eso nsoq maye le'enaxat David da yaqto' nta'a. Qaq huaña, nache so Saqcha'a La'añaxac Ñim Nataxala', nvita somaye, nache ỹo'ot da la'añaxac. Qaq co'ollaq ime de'era, nache so Samuel ncoyeguene' somayepi, nache ỹe'eguelaxa ye Ramá.

2 Reyes 11:17

Ime co'ollaxa, nache so Joyadá, ỹo'ot da so nta'a qataq so nhuo' le'ecpi naỹamaxate' Ñim Nataxala'. Da yaqto' Ñimaye ỹataqta lalamaxat se'eso nhuo' le'ecpi. Qataq nache 'eetec nataqa'en so nta'a, qataq so nhuo' le'ecpi.

2 Samuel 3:21

Nache so Abner 'enapega co'ollaxa so David, 'eeta': 'Onaxaictoxo' qome da aỹem 'auasheetem da llaỹona't na Israel le'ecpi, yaqto' namayepi 'am naỹamaxate', yaqto' da 'aro'onataxanaxac da 'am nta'a, ỹataqta nquictauec qome, nache ipacchigui da 'arquiyaqteỹaxac. Ime, nache ncoyeguene' so Abner, nache somaye ỹe'eguelaq ỹataqta machiguiñi.

Jueces 11:11

Huaña nache so Jefté ỹasat da ca'ategue somayepi, nache se'eso nhuo' le'ecpi ỹauo'o da lca'ataxala' somaye, qataq lataxala' na nalleppi. Nache huaña ye Mispá da so Jefté hua'aqchigui naqa'en Ñim Nataxala' de'era naỹamaxataxac maye ỹo'ot somayepi.

Nehemías 9:38

Qaq souaxat de'era souaqaigui, nache qomi' so'otaq de'era qanaỹamaxataxac maye ỹataqta qoỹeyiñi, nache nanereñi na qarataxala'pi, leviitapi, qataq na ntaxaỹaxanaxanecpi.

2 Crónicas 23:16

Ime, nache so Joyadá, naỹamaxate' 'enauac so nhuo' le'ecpi qataq so nta'a, da yaqto' somayepi nache lalamaxat Ñim Nataxala'.

1 Crónicas 11:3

Huaña nache 'enauac so nqueroxonecpi ye Israel, nqo'ona da na'aqtaxane' so nta'a David huaña ye Hebrón, nache somaye naỹamaxate' somayepi, ỹauaachigui naqa'en Ñim Nataxala', qaq huaña nache somayepi ỹaneuo so David da yaqto' lta'a so Israel le'ecpi, nache ipacchigui dam ỹan la'aqtac co'ollaxa Ñim Nataxala', maye ỹachegoxotchigui so Samuel.

1 Samuel 11:15

Qaq ỹoqo'oye 'enauac se'eso shiỹaxauapi da taỹa ye Gilgal, qaq huaña yemaye, nache ỹauaachigui qanqa'en Ñim Nataxala' da qoỹanagui da nta'a so Saúl. Ime, nache qoỹanot Ñim Nataxala' aso nachetaqtaxanaqte qanhuaachigui. Nache so Saúl qataq 'enauac so Israel le'ecpi ỹataqta qalota da ntonaxac.

Éxodo 3:16

Qaq 'am, qojec qome, nache 'alaỹona't ca lqueroxonecpi ye Israel le'ecpi. Ime, qaq qonapega, qoneta': «Ñim Nataxala', Ñim Natamnaxala' som hua'au' qarta'alli' aỹem namaxalo qami'. Ñim Natamnaxala' so Abraham, Isaac qataq Jacob, Ñimaye aỹem nachaxana. Qaq aỹem da'aqtaxanem da Ñimaye 'eetega maiche qami' huapegueto, cha'aye ilota'a da saishet da qami' iyacna'ape na Egipto le'ecpi.

Josué 10:36

Ime nache ca'ai ye Eglón da yaqto' nqo'ona da iloquiaxan so huaqta'a't nỹecpi ye Hebrón.

1 Reyes 1:34

da yaqto' da ntaxaỹaxanaxanec Sadoc, qataq da na'aqtaxanaxanec Natán, icorelec qome somaye da yaqto' nta'a, da ilo'ogue na Israel le'ecpi, qataq qaỹashiiyigui qome aca nasheerepi peenaq lcouepi. Huaña, nache qaua'alqai, qoñeeta': ‹¡Nache 'eetai' qome da nta'a da Salomón!›

1 Crónicas 11:1

Huaña nache 'enauac so Israel le'ecpi, laỹona't da yaqto' nqo'ona da na'aqtaxane' so David, huaña ye Hebrón. Qaq huaña yemaye, nache somayepi 'enapega, 'eeta': «Qomi', maiche qomi' 'arhuo' le'ecpi,

2 Samuel 2:7

Qalaxaye nagui, qana'añaxache, qataq qami' qaramchiguilo qome, cha'aye na'aictoxo' da ileu ye Saúl, maye qarataxala'ai, qalaxaye na maiche nalamaxat nhuo' le'ecpi na Judá, anac da aỹem icorelec da yaqto' aỹem lta'a.»

1 Crónicas 28:4

Qalaxaye Ñim Nataxala', maye Natamnaxala' na Israel le'ecpi, aỹem lca'ateua'a co'ollaq salectaigui so ỹaqaỹañecpi da yaqto' nache 'eetai' naqa'en da aỹem lta'a na Israel le'ecpi. Qataq Ñimaye lca'ateua'a co'ollaxa na lauo' le'ecpi so Judá da yaqto' nataxala'pi, qaq nache ỹachegoxottoigui se'eso nhuo' le'ecpi da lca'aua'a na ỹaqaỹañecpi, qataq nache aỹem ỹachegoxottoigui na ỹaqaỹañecpi da aỹem lca'ateua'a da yaqto' aỹem lta'a 'enauac na Israel le'ecpi.