2 Samuel 4:8 - La'aqtaqa Ñim Lo'onatac 'Enauacna 2013

⁸ ỹacheta'ape so lqaic so Isboset. Qaq co'ollaq ivitra ye Hebrón, nache ỹanem so David, so lqaic so Isboset, nache 'eeta': «'Am nta'a, 'am ñeroxoua'a na lqaic so Isboset, som llalec so 'ampa'aguenaxaua Saúl, maye huotaique co'ollaxa da 'am ỹalauat. Qaq nagui Ñim Nataxala' mashe huo'o naqa'en da 'arvi', 'am qarataxala', nache nmichiguiñi naqa'en so chegoxoguetpi so Saúl.»

Toba del Oeste

⁸ qaedi yate'm ñe'me David jo'ne ue'ta di'me Hebrón. Qama'le eetac ga'me 'laqata'j: «Am jaliaĝanec, jenjo' jena'me laqaic di'me Is-bóset, c'oĝot di'me Saúl, jo'ne mach'e adauteua nataq'aen jetaque am yalat ca'li. Qalaĝaja nayi ñe'me Jaliaĝanec ya'uo lajo'vi ga'me jo'ne jetaque am 'yetec di'me Saúl choqogaa'me c'oqo'tepi.»

2 Samuel 4:8 Referans Kwoze

1 Samuel 25:29

Qaq da huo'o ca 'am icaatac da huotaique 'am ỹalauat, qaq Ñim Nataxala' npaxattalec qome da 'anachaalataxac. Qaq cam 'am ipa'agueetac, qalaq Ñim Nataxala' ỹasaxauec qome, 'eeta'am naqa'en ca coma' laỹe da qaipocnec.

2 Samuel 22:48

Ñim Lo'onatac 'Enauacna, nacheñi Ñim aỹem iueelec, qataq aỹem nañanot naqa'en na shiỹaxauapi.

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Apocalipsis 6:10

Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»

Mateo 2:20

«Qoñisheguem, nache 'arỹa ye nogotolec, qataq nataqa'en aye late'e. Ime, nache 'avi'eguelaxa ye na'alhua na Israel le'ecpi, cha'aye mashe 'enauac da ileu yem huotaique da ỹalauat ye nogotolec.»

Salmos 71:24

Qataq 'enauac ye na'a'q da sa'axattac, da ỹataqta nalochiguiñi 'arataxac, cha'aye na nmittaique da aỹem ỹo'otec ca qauem, ỹataqta nsomaxana't qataq huo'o da la'aloxo.

2 Samuel 18:31

Qaq mashe nvireuo so Etiopía le'ec, nache 'eeta': 'Am ñeroua'a da 'onaxaic 'ara'axaỹaxac, 'am nta'a, 'eeta': Ne'ena na'a'q Ñim Nataxala' 'am isoueeguesop da la'añaxac na 'am ipa'agueetacpi.

2 Samuel 18:19

Ime, nache so Ajimaz maye llalec so Sadoc, 'enapega co'ollaxa so Joab, 'eeta': «'Onaxaic taxa da aỹem 'auasheeta da ñeqalgoqta'a ca nta'a da secoyeguen, da Ñim Nataxala' mashe isoueeguesop camaye na mpa'aguenaxauapi,»

1 Samuel 24:4

Nache so nalleppi so David 'enapego' somaye, 'eeta': Nagui nache ỹoqta ipacchigui da la'aqtac Ñim Nataxala' co'ollaq 'am 'enapega, 'eeta': 'Am sanem qome ñi 'ampa'aguenaxaua, nache maiche 'oiqueetac ca 'auataxaateuga. Nache so David ñesheguem, nache nchettaua'a da ipeleguec so lapo' laỹe so Saúl.

1 Samuel 23:15

Qaq so David co'ollaq ỹaỹaten da so Saúl nmittaique somaye da yaqto' ỹalauat, nache somaye hua'a ye Horeb, yem toolec 'alhua ye Zif.

1 Samuel 20:1

Qaq so David datauec, chegoqchiguiña ye Nayot maye huaña ye Ramá, nache nqo'ona so netaña so Jonatán, nache inat, 'eeta': «¿Negue't co'ollaxa ca so'ot aỹem? ¿Negue't cam so'ot qauem, huo'otaq ca ỹasouaxashet da ñi 'arta'a, huotaique da aỹem ỹalauat?»

1 Samuel 19:15

Qalaxaye so Saúl qaltaq ỹe'eguelaxalec da damaxasoxona so David, nache 'eeta': ¡Na'aictaxa da huetalec ca lmala' camaye, qalaxaye nache 'ena'am qanaviqui yaqto' salauat!

1 Samuel 18:11

Huaña nache nauaxaỹaxaasheguem asomaye da ỹasaq so David, cha'aye huotaique da iqotaxana'aguet so nỹec da ỹa'arapec, nache dos da ỹe'eguelaxalec de'era so Saúl, qalaxaye so David dos nataqa'en da dashe'eguet asa'aso taquiaxai.

2 Samuel 2:8

Qaq so Abner, som llalec so Ner maye lataxala' na nalleppi so Saúl, ỹaconeua'a co'ollaxa so Isboset, som llalec so Saúl, nache ỹauega ye Majanayin,

1 Samuel 19:1

So Saúl ỹamaq so llalec Jonatán, qataq so ltauapi somaye da ỹalauat so David. Qalaxaye so Jonatán ye ỹataqta ỹauotec so David,