2 Samuel 4:4 - La'aqtaqa Ñim Lo'onatac 'Enauacna 2013

⁴ Qaq so Jonatán, huo'o co'ollaxa so llalec le'enaxat Mefiboset, somaye sara'añiiguelo naua lchel, cha'aye somaye co'ollaq mashe ivi' soua cinco vi'iye da nachaalataxac, nache nvi' co'ollaxa da na'axaỹaxac da ileu' so Saúl qataq so Jonatán hueraña ye Jezrel, nache aso 'alo maye ilotague' somaye, huo'o da lcolanaxa nache datauec ỹache so Mefiboset, qaq souaxat da lỹalaxa asomaye, nache ỹetauec co'ollaxa, nache chegoqta'a da sara'añiiguelo naua lchel somaye.

Toba del Oeste

⁴ Ñe'me Jonatán, c'oĝot ñe'me Saúl, 'uo ca'li ñe'me c'oĝot lenaĝat da'me Mefi-bóset, ñe'me jo'ne choĝolaĝayaqa daa'me lichel. Ca'li da'me 'naqataĝanaĝac yovita di'me Jezreel queda'me Saúl choqodi'me Jonatán yele'u, ñe'me Mefi-bóset yauanalo cinco gaa'me ne'uoidi. Jañe'me neteloqo't 'uo da'me loqolanaĝa ca'li, qama'le dajoye lequiaĝaua joñe'me. Qalaĝaja jañe'me, da'me 'uo da'me liyalaĝa, ñe'me Mefi-bóset 'naqañe ca'li qama'le ua'a da'me choĝolaĝaic.

2 Samuel 4:4 Referans Kwoze

2 Samuel 9:3

Nache so nta'a, 'enapeco': ¿Peta'a ñaq huo'o ca no'onañi so lalamaxat llalaqpi so Saúl da yaqto' setauan camaye, da talec ñaqa'en da lchoxonnataxanaxa Ñim Lo'onatac 'Enauacna? Nache so Sibá, 'enapeco': Ñaq huo'o so 'oonolec llalec so Jonatán, maye sa da'añiiguelo naua lchel.

1 Crónicas 9:40

Qaq so llalec so Jonatán, le'enaxat Meribaal, som lta'a so Micaía.

1 Crónicas 8:34

Qaq so llalec so Jonatán, le'enaxat Meribaal, som lta'a so Micaía.

2 Samuel 9:6

nache so Mefiboset maye llalec so Jonatán, qataq laual so Saúl, co'ollaq ivireua'a so David, nache somaye nqollemñi da iquin so nta'a, cha'aye huo'o naq 'enec naqa'en somaye. Nache so David, 'enapeco': ¿Nache 'am Mefiboset? Nache somaye ỹasat, 'eeta': Aja', mashe netaina'a na 'aramaxashec.

1 Samuel 29:11

Qaq ỹoqo'oye so nte'etom so lỹa na'a'q, nache so David qataq so nalleppi no'ottasheguem, nache ỹe'eguelaxa ye na'alhua so filisteopi, qaq so filisteopi qalaq jec da taỹa ye Jezrel.

1 Samuel 29:1

Qaq so filisteopi laỹona't co'ollaxa 'enauac so nalleppi huaña ye Afec, qaq so Israel le'ecpi qalaq lanataqa' co'ollaxa ye saqaỹapeque ye huaña na npaxaatasheguem 'etaxat ye Jezrel.

2 Samuel 21:7

Qalaxaye so nta'a ichoxoren co'ollaxa so Mefiboset, maye llalec so Jonatán, qataq laual so Saúl, souaxat da somaye naỹamaxate' co'ollaxa so Jonatán.

2 Samuel 9:13

Qalaxaye so Mefiboset, ye sa da'añiiguelo naua lchel, nache sairaxan da netaña ye Jerusalén, cha'aye somaye nache lquia'axaua naxa so nta'a.

1 Reyes 11:17

Qalaxaye so Hadad ye ñaq nogotolec, nache datauec co'ollaxa taỹa ye Egipto, ca'atoigui so laỹepi edomiitapi maye lamaxashecpi so lta'a.