2 Samuel 3:3 - La'aqtaqa Ñim Lo'onatac 'Enauacna 2013

³ qaq so lỹa llalec le'enaxat, Quilab, som llalec aso Abigaíl maye npa'ai so Nabal maye lma' ye Carmel, qaq so lỹa llalec le'enaxat Absalón, som llalec aso Macá, maye llale so Talmay, som nta'a ye Gesur,

Toba del Oeste

³ ñe'me Quilab, lep'ayaĝaua joñe'me, mach'e c'oĝot jañe'me Abigail, nach'añe loua ca'li di'me Nabal, jo'ne Carmel le'ec; ñe'me Absalón, mach'e c'oĝot jañe'me Maacá, nach'añe c'oqote ñe'me Talmai, lejaliaĝanec di'me Guesur;

2 Samuel 3:3 Referans Kwoze

1 Samuel 27:8

Nache somaye lỹatac naxa so nalleppi da taỹa da iloquiaxan so Gesur le'ecpi, gezriitapi qataq so amaleciitapi, maye salcoshe'ego' da netalec se'eso 'alhua, maye chegoqchiguiña yem pa'aỹa'ague da la'añaxa nache ivitta'a ye Egipto.

1 Crónicas 3:1

'Ena na le'enaxatpi som llalaqpi so David, maye lañoqo' co'ollaxa ye Hebrón. So hua'auchiguiñi llalec le'enaxat Amnón, som llalec aso Ajinoán, maye Jezrel lashe, qaq so ca'atalec somaye le'enaxat Daniel, som llalec aso Abigaíl, maye Carmel lashe,

2 Samuel 2:2

Nache so David jec co'ollaxa taỹa yemaye, nnaictagueto soua dos lamoxou', aso Ajinoán maye Jezrel lashe, qataq aso Abigaíl asom npa'ai so Nabal maye lma' co'ollaxa ye Carmel.

1 Samuel 25:42

Qaq co'ollaq ime da 'enapec de'era, nache iỹalapigui' da naỹamaxat, nache nnaicapegueto soua cinco l-latal, qataq nelec so 'ashena nache ca'attaueeguelo soua lamaxa'she so David. Ime nache huaroneguet somaye.

1 Samuel 25:3

Qaq somaye le'enaxat Nabal, qataq chegoxoguet so Caleb, qaq somaye ỹataqta yeloxoic qataq qauem da lataxac, qaq aso lhua le'enaxat Abigaíl, qaq asomaye ỹataqta 'onaxai qataq ỹataqta ỹaanataxanaxai.

Josué 13:13

Qaq som Gesur le'ecpi qataq so lma' ye Macá, saishet co'ollaxa da qaỹo'orauec, nacherata da nache ỹalectaigui qanqa'en so Israel le'ecpi, choche ivitta'a nagui.

Deuteronómio 3:14

Nache so Yaír maye chegoxoguet so Manasés, somaye ỹacona ye 'alhua ye Argob, ivitta'a ye loga't ye 'alhua ye Gesur, qataq ye Macá, qataq naralaxat da le'enaxat ye Basán, nache ỹanagui da Havot Yaír. Qaq de'era le'enaxat ñaq 'eetalec ivitta'a nagui.

2 Samuel 18:33

Qaq co'ollaq hua'aqchigui de'era so nta'a, nache ỹataqta lta'araic da lqaigaxa, nache tasheguema so nỹec maye nalotcheguema so ñegueuo so lpaqtaxat so huaqta'a't nỹecpi. Qaq co'ollaq ñaq taỹasheguema somaye, nache nỹeetague' qataq detaqtac, 'eeta': «¡Ỹalcolec Absalón, ỹalcolec, ỹalcolec Absalón! ¡Qaico' co'ollaxa da nachaỹem taxa da seleu, nache sepa'aiguet da 'arleuaxa, 'am Absalón! ¡Ỹalcolec, ỹalcolec!»

2 Samuel 14:24

Qalaxaye so nta'a, ỹamaxa da la'aqtac co'ollaxa somaye da nache taỹa so lma', nache saishet da taua'a somaye. Ỹoqo'oye so Absalón taỹa co'ollaxa so lma', nache saishet da nauane' so nta'a.

2 Samuel 13:1

So Absalón, maye llalec so David huo'o co'ollaxa aso lqaỹa ỹataqta 'onaxai, le'enaxat Tamar. Qaq som Amnón maye nataqa'en llalec so David, somaye ỹataqta nqopita co'ollaxa asomaye,

2 Samuel 14:32

Nache so Absalón, 'enapeco': Aỹem, 'am samaxasoxona co'ollaxa da yaqto' 'anqo'ona ñi nta'a da 'aunat ¿ta'ainco' da sheca'ai naqa'en ye Gesur? ye 'onaxaictoxo' da nache soota'a co'ollaxa yemaye. Qaq nagui, aỹem ñeqo'oneua'a ca nta'a, qaq da huo'o ca ỹasouaxashet, nache 'onaxaictaxa da Aỹem ỹalauat.

2 Samuel 15:7

Qaq co'ollaq inoxoorec soua cuatro vi'iye, nache so Absalón 'enapega so nta'a, 'eeta': 'Am nta'a, 'onaxaictaxa da aỹem 'auasheeta da ñeqo'ona ye Hebrón, da yaqto' sepacchigui da ỹa'aqtac maye sanot co'ollaxa Ñim Nataxala'.

2 Samuel 15:8

Cha'aye co'ollaq soota'a ye Gesur ye 'alhua Siria, nache ne'ena 'aramaxashec ỹanot da la'aqtac Ñim Nataxala', da huo'otaq qoỹanem da ñe'eguelaxa na Jerusalén, nache namaye ỹanot ca lachetaqtaxanaxat Ñimaye.

1 Reyes 1:6

Qaq se'eso Adonías, somaye lqaỹa na'asa so Absalón, qaq somaye da lyacỹaxac ỹataqta 'onaxaic. Qaq so David, saishet da huo'o ca na'a'q da nqanaxattac, qataq da ichemaxattac na ỹo'ottacpi somaye.

1 Reyes 2:15

Nache so Adonías 'enapeco': 'Am 'auaỹaten de'era no'onataxanaxac da nta'a, aỹem talec taxa, qataq 'enauac na Israel le'ecpi mashe aỹem iuatta'a da nache aỹem taxa da aỹem nta'a. Qalaxaye de'era no'onataxanaxac talec so iqaỹa, cha'aye Ñim Nataxala' mashe nache 'eetai' da ỹanem somaye.

1 Crónicas 3:2

qaq so lỹa, le'enaxat Absalón, som llalec aso Macá maye llale so Talmay, som nta'a co'ollaxa ye Gesur, qaq so lỹa, le'enaxat Adonías, som llalec aso Jaguit,

2 Samuel 14:23

Qaq co'ollaq ime da la'aqtac so Joab nache jec, taỹa ye Gesur da ỹe'eguena'a so Absalón, nache ñe'eguelaxata ye Jerusalén.