2 Samuel 2:5 - La'aqtaqa Ñim Lo'onatac 'Enauacna 2013

⁵ nache so David ỹamaxalo soua la'aqtaxanaxanaqa so netaña ye Jabés da da'aqtaxanem da la'aqtac somaye, 'eeta': «Ñim Nataxala' qami' taleguete naqa'en qome ca lchoxonnataxanaxa, souaxat da qauaỹamaxachiichiguiñi da qaulayiiñi ye Saúl maye qarataxala'ai co'ollaxa.

Toba del Oeste

⁵ qama'le yedenaqatenalo ga'me 'laqatac jo'ne eetac: «'Noota qom ami uetalo'te da'me leyalaqataĝanaĝac ñe'me Jaliaĝanec Dios, queda'me avichoĝodeñi di'me Saúl, jo'ne mach'e adejaliaĝanequi, da'me auachiyaue jaga'me napa'l lae't.

2 Samuel 2:5 Referans Kwoze

1 Samuel 23:21

Nache so Saúl 'enapega somayepi, 'eeta': ¡Ñim Lo'onatac 'Enauacna qami' ỹanema qome da lchoxonnataxanaxa, souaxat da aỹem qauchoxoreñi!

Salmos 115:15

Qami' ỹanema qome da lchoxonnataxanaxa, Ñim Nataxala' maye lo'onatac na piguem qataq ana 'alhua.

1 Samuel 24:19

cha'aye negue'tom ca chochaq ỹaxaatec da ilalec ca mpa'aguenaxaua da qaica ca 'ena'ac da nachaalataxac. Qaq nagui Ñim Nataxala', 'am ỹanem qome ca no'on, souaxat de'era ỹaỹamaqchiguiñi maye aỹem 'auo'otec ne'ena na'a'q.

Rut 2:20

Nache aso Noemí 'enapeco': «¡Ñim Nataxala' ỹanem qome da nqouagaxa camaye! Cha'aye Ñim Nataxala' saishet da ỹaxaañi da qomi' ỹachaxaategalo da lchoxonnataxanaxa, 'eeta'am da 'eetec co'ollaxa so mashe ileupi. Qaq que'eca shiỹaxaua camaye maiche qaralamaxat qarhuo' le'ec, qaq ỹoqo'oye nacheca qome ca ishet da qomi' ntela'alo.»

Rut 3:10

Nache so Booz, 'enapeco': ¡'Am ỹalole, Ñim Nataxala', 'am talec naqa'en qome da lchoxonnataxanaxa! Cha'aye de'era dalaxaic 'arauotaxanaqtaic, damaye napacalec so hua'auñi, qaq cha'aye saishet da 'anmittaique ca ña nsoqolec, choxoraq huo'otaq sallaxanec.

Rut 1:8

Qalaxaye co'ollaq mashe quetrague' so nqa'aic, nache 'enapegalo' soomaye, 'eeta': Qavi'iguelaqai qome, qavi'iguelaqaiua'alo caua qarma'achilli' da qoñiỹo'oto caua qarachi'illi', qaq Ñim Nataxala' qami' ỹanema qome da lchoxonntaxanaxa, 'eeta'am da qoñeetec da aỹem qauchoxoyiñi, qataq yeua ỹalqa co'ollaxa.

Jueces 21:8

Nache nnattega't, 'eeta': ¿Qaq ne'ena maiche nhuo' Israel le'ecpi peta'a huo'o ca sa ỹalegueua'a co'ollaxa se'eso qaraponaxac da ñenataxai' Ñim Nataxala' maye huaña ye Mispá? Qaq huaña nache somayepi ntoonec da ye Jabés maye huaigui ye Galaad qaica co'ollaxa ca ỹalegueua'a se'eso lta'araic naỹonaxac,

1 Samuel 15:13

Nache so Samuel nqo'ona ye hueta'a so Saúl, nache so Saúl 'enapego' somaye, 'eeta': Ñim Nataxala' 'am ỹanem qome da 'anqouagaxa. Aỹem mashe sepacchigui da so'ot da lamaxasoxonaxac Ñim Nataxala'.

Génesis 14:19

nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Génesis 14:22

Qalaxaye so Abram 'enapeco': «Aỹem sanot co'ollaxa so ỹa'aqtac Ñim Nataxala', Ñim Lo'onatac 'Enauacna maye Nataỹaña 'enauacna, ñim ỹo'ot co'ollaxa na piguem qataq ana 'alhua,

Josué 2:14

Nache soua nmeenaxanaxanaqa 'ena'apo': «Qomi' sanaq qome da qanachaalataxac da yaqto' saishet da qami' qaỹalaua't, qalaxaye 'am saishet qome da 'aua'axatec de'era qara'aqtac. Nache Ñim Nataxala' qom qomi' ỹanema ne'ena 'alhua, nache ỹataqta qami' sechoxorena'q qataq qami' saỹamaxataqte'.»

1 Samuel 11:1

Qaq so Najás maye lataxala' so amoniitapi, somaye nqo'ona ye Jabés maye huaigui ye Galaad, nache ỹaqataxanai' so nalleppi da huotaique da iloquiaxan so lma' se'eso huaqta'a't nỹecpi. Qalaxaye som lma' ye Jabés 'enapego' somaye, 'eeta': 'Onaxaictaxa da qomi' 'anaỹamaxateto, nache 'am ñañanqot qome.

1 Samuel 11:9

Ime, nache 'enapego' som namaxashecpi maye chegaqa'a ye Jabés yem huaigui ye Galaad, 'eeta': «Qoñiỹapega cam shiỹaxauapi maye lma' ye Jabés da qonte' na'a'q laiñi, nache ñeca'alaxataxauec.» Nache som namaxashecpi ỹe'eguelaq, nache da'aqtaxanem de'era som lma' ye Jabés, nache somayepi co'ollaxa ỹataqta machiguiñi.

2 Samuel 15:20

Qataq ye cheta'ague shecait da 'anvi', nache ta'ainectaxa da 'am shenapega da qomi' 'auca'atoiguilo, ye nataqa'en aỹem sasaỹaten cam sataigue. Qaq ỹoqo'oye 'onaxaictaxa da 'avi'eguelaq qataq 'auaue'c naua 'arqaỹa't. ¡Qaq Ñim Nataxala' 'am ỹachaxana qome da choche tatec lauotaxanaqtaic!

2 Samuel 21:12

nache ỹe'eguena'alo co'ollaxa soua lpi'ineqa so Saúl, qataq so llalec Jonatán, maye ỹaỹamaxa't co'ollaxa som lma' ye Jabés, yem huaigui ye Galaad. Cha'aye somayepi decachiỹa co'ollaxa huaña ye naponqa' ye Betsán yem huaña da qaicoñeldashegue'm co'ollaq ime da noxonec so Saúl, huaña ye Gilboa.