2 Samuel 2:4 - La'aqtaqa Ñim Lo'onatac 'Enauacna 2013

⁴ Qaq co'ollaq qaỹata'ague de'era, nache nvireua'a somaye so Judá le'ecpi, qaq nache huaña yemaye da qaicorelec so David, da yaqto' nta'a ye Judá. Qaq nataqa'en qaỹa'aqtaxanem co'ollaxa somaye, da so lma' ye Jabés yem huaigui ye Galaad, nachesopi som ilayiñi co'ollaxa so Saúl,

Toba del Oeste

⁴ Yem da'me dojo', male yovididi't jogaa'me jiyaĝadipi jo'ne 'lachaqa't di'me Judá, qama'le 'yadelegue ñe'me David qaedi lejaliaĝanec di'me Judá. Ca'li David qo'yaĝatema gaa'me 'lachaqa't di'me Jabés jo'ne 'naleua di'me Galaad da'me nach'egaua yejediñe ca'li ga'me lapat di'me Saúl,

2 Samuel 2:4 Referans Kwoze

2 Samuel 5:5

qaq ivi' siete vi'iye qataq seis ca'agoxoiqa da netaña ye Hebrón da ilotague' so netaña ye 'alhua Judá. Ime co'ollaxa nache taỹa ye Jerusalén da ilo'ogue 'enauac so netaña ye Israel qataq ye Judá, nache ivi' treinta y tres vi'iye da nta'a.

2 Samuel 5:3

Qaq 'era da 'eetec co'ollaxa da 'enauac so nqueroxonecpi ye Israel, da nqo'ona ye Hebrón da detaxaỹapegue' so nta'a David, nache somaye naỹamaxate' co'ollaxa somayepi, ỹauaachigui naqa'en Ñim Nataxala'. Nache somayepi icorelec so aceite na lqaic so David, da yaqto' nta'a ye Israel.

1 Crónicas 11:3

Huaña nache 'enauac so nqueroxonecpi ye Israel, nqo'ona da na'aqtaxane' so nta'a David huaña ye Hebrón, nache somaye naỹamaxate' somayepi, ỹauaachigui naqa'en Ñim Nataxala', qaq huaña nache somayepi ỹaneuo so David da yaqto' lta'a so Israel le'ecpi, nache ipacchigui dam ỹan la'aqtac co'ollaxa Ñim Nataxala', maye ỹachegoxotchigui so Samuel.

1 Samuel 16:13

Nache so Samuel saỹaỹaloxon da ỹacona aso lcoraxanaxat laỹe' huetagui so aceite, nache ỹauaachigui naqa'en so lqaỹañecpi da icorelec se'eso nsoq maye le'enaxat David da yaqto' nta'a. Qaq huaña, nache so Saqcha'a La'añaxac Ñim Nataxala', nvita somaye, nache ỹo'ot da la'añaxac. Qaq co'ollaq ime de'era, nache so Samuel ncoyeguene' somayepi, nache ỹe'eguelaxa ye Ramá.

2 Samuel 19:42

Nache so Judá le'ecpi, 'enapego' 'enauac so Israel le'ecpi, 'eeta': ¿Ta'ainco' ye qaualematai? Ye de'era nta'a, damaye maiche qaralamaxat qarhuo' le'ec, qataq saishet da choche qomi' iquia'axaata'ape, huo'otaq da huo'o ca choche qomi' ỹaatema da qanme.

2 Samuel 19:11

Nache so nta'a David, ỹamaxa da la'aqtac soua ntaxaỹaxanaxanaqa Sadoc qataq so Abiatar, 'eeta': Qami' qautaqỹapegue' qome ca lqueroxonecpi na netaña ye Judá, nache qoñiita': «Ñi nta'a David, mashe ỹaỹaten da 'enauac na Israel le'ecpi, detaqtega't da huotaique ñe'eguelaxateuo ñimaye. Qaq qami', ¿Negue'to' ca qauacheeta'a da sa qañe'eguelaxachiiuo na nta'a?

2 Samuel 5:17

Qaq so filisteopi co'ollaq la'axaỹaxac da so David qoỹanagui da nta'a ye Israel, nache somayepi nqo'ona co'ollaxa somaye da iloquiaxan, qalaxaye so David la'axaỹaxac co'ollaxa de'era, nache somaye taỹa so huaqta'a't nỹecpi maye sa nsattec so lpaqtaxat.

2 Samuel 2:11

Nache so David nta'a ye Judá soua siete vi'iye, qataq soua seis ca'agoxoiqa, qaq de'era lo'onataxanaxac da nta'a, nache netaña ye Hebrón.

2 Samuel 2:7

Qalaxaye nagui, qana'añaxache, qataq qami' qaramchiguilo qome, cha'aye na'aictoxo' da ileu ye Saúl, maye qarataxala'ai, qalaxaye na maiche nalamaxat nhuo' le'ecpi na Judá, anac da aỹem icorelec da yaqto' aỹem lta'a.»

1 Crónicas 12:23

Qaq 'iye ye lcata da ima'a't so alleppi maye lhuotta da nalat maye itauan so David, co'ollaq somaye hueta'a ye Hebrón da yaqto' talec qanqa'en da lo'onataxanaxac so Saúl, cha'aye mashe la'aqtac co'ollaxa Ñim Nataxala'.

2 Samuel 21:11

Qaq co'ollaq qaỹa'aqtaxanem so David, da 'eetec aso Rispá maye ỹaqauga co'ollaxa lhua so Saúl,

2 Samuel 21:12

nache ỹe'eguena'alo co'ollaxa soua lpi'ineqa so Saúl, qataq so llalec Jonatán, maye ỹaỹamaxa't co'ollaxa som lma' ye Jabés, yem huaigui ye Galaad. Cha'aye somayepi decachiỹa co'ollaxa huaña ye naponqa' ye Betsán yem huaña da qaicoñeldashegue'm co'ollaq ime da noxonec so Saúl, huaña ye Gilboa.

2 Reyes 11:12

Huaña, nache so Joyadá, npaxanec co'ollaxa so Joás, maye llalec so nta'a, nache ỹanaxanaxaangui aso naro'o, qataq ỹanem asom nere maye nanettalec da aỹamaxataxac, huaña nache icorelec na lqaic so aceite da yaqto' qoỹanagui da nta'a. Ime, nache 'enauac somayepi, da iuaxana't naua lhua'q qataq ỹa'alaxalec, 'eeta': «Nache 'eetai' qome da nta'a.»

1 Crónicas 10:11

Qaq so lma' ye Jabés maye huaigui ye Galaad, co'ollaq ỹaỹaten da so filisteopi ỹo'otec de'era so Saúl,