2 Samuel 2:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe ime de'era, nache so David inat co'ollaxa Ñim Nataxala', 'eeta': ¿Peta'a ishet da huo'o ca ñeqo'ona yem huaqta'a't nỹecpi maye ỹotta'a't naua nañalo na Judá? Nache Ñim Nataxala', 'eeta': Aja', ishet, qalaxaye so David qaltaq denataxan, 'eeta': ¿Qaq chaq negue't cam ishet da ñeqo'ona? Nache Ñim Nataxala', 'eeta': Qomye 'anqo'ona ye Hebrón.

Toba del Oeste

¹ Qama'le yem da'me dojo', ñe'me David yenat ñe'me Dios, eetac: «¿Qo'li 'noota ta'le 'uo ga'me jec'ata gaa'me noyaqa di'me Judá?» Ñe'me Jaliaĝanec 'yateguet: «Jaa'a, 'noota ta'le auec'ata.» David yitaĝa yachimaĝata: «¿Jach'e jogamaĝa jec'ata?» Ñe'me Jaliaĝanec 'yateguet: «Auec'ata di'me Hebrón.»

2 Samuel 2:1 Referans Kwoze

1 Samuel 30:31

Hebrón qataq so nataxala'pi maye netañalo 'enauaque soua nma'ate maye netañalo co'ollaxa so David qataq so nalleppi.

1 Samuel 23:2

nache somaye inat Ñim Nataxala', 'eeta': ¿Peta'a ishet da aỹem 'auasheetem da ñeqo'ona da seloquiaxan ye filisteopi? Nache Ñim Nataxala', 'enapeco': Aja', 'anqo'ona da 'auloquiaxan, nache 'anca'alaxatec qome ye netaña ye huaqta'a't nỹecpi ye Keila.

1 Samuel 23:4

Nache so David qaltaq ỹe'eguelaxalec da inat Ñim Nataxala', nache Ñimaye, 'enapeco': 'Aue, qojec 'anqo'ona ye Keila, cha'aye aỹem 'am sanem da 'oxonec ye filisteopi.

Génesis 32:2

Qaq so Jacob, co'ollaq ila'alo soomaye, nache 'enapeco': «Ne'ena, nachena na nalleppi Ñim Lo'onatac 'Enauacna.» Qaq ỹoqo'oye nache ỹanagui da le'enaxat Majanayin yi'iye 'alhua.

Ezequiel 36:37

Qaq Aỹem Nataxala', shenapec: Nataqa'en huo'o da lỹa so'ot qome. Sanem qome na nhuo' Israel le'ecpi cam iỹaxanaique da so'otec namayepi, qataq ñequigaxatec qome ye lcata na lauo' le'ecpi, 'eeta'am ñaqa'en ana qaguetapi.

Salmos 143:8

Ñaq aỹem 'auaỹaanaxanaxanec da 'arauotaxanaqtaic ye nte'eta, cha'aye nache 'am sacheto'ot da ipi'iỹaxac, ñaq aỹem 'auachaxanegue qome ca nqa'aic maye ishet da sateuga, cha'aye 'am sanot co'ollaxa da ñachaalataxac.

Salmos 27:4

Qaq 'oonolec da seỹaxaatapegueua'a qataq 'oonolec da ñeqopittega da aỹem ỹami' Ñim Nataxala', qaq damaye 'eeta': sootaua'a añi atamnaxaqui maye lalamaqte Ñim Nataxala' 'enauaque naua na'axa'te da ñachaalataxac, da yaqto' ñatameetac da sootaigui añimaye, qataq da semeteetac da lyacỹaxac Ñimaye.

1 Crónicas 29:7

nache ỹaneuo da yaqto' qaỹo'onataxana da qaỹo'ot aso atamnaxaqui maye lalamaqte Ñim Lo'onatac 'Enauacna, aso ciento sesenta y cinco mil aso lcatpiole oro, qataq trescientos treinta mil kilos so lcat plata, qataq aso huac da ivi' so seiscientos mil kilos so bronce, qataq so tres millones trescientos mil kilos so lcat.

1 Reyes 2:11

Qaq somaye ivi' siete vi'iye da ilotague' co'ollaxa so netaña ye Hebrón, qataq treinta y tres vi'iye da ilotague' so netaña ye Jerusalén. Qaq da ima'a't, nache ivi' cuarenta vi'iye da lta'a na Israel le'ecpi.

2 Samuel 15:7

Qaq co'ollaq inoxoorec soua cuatro vi'iye, nache so Absalón 'enapega so nta'a, 'eeta': 'Am nta'a, 'onaxaictaxa da aỹem 'auasheeta da ñeqo'ona ye Hebrón, da yaqto' sepacchigui da ỹa'aqtac maye sanot co'ollaxa Ñim Nataxala'.

2 Samuel 5:23

qaq ỹoqo'oye so David, qaltaq ỹe'eguelaxalec da inat Ñim Nataxala', nache Ñim Nataxala' 'enapeco': Saishet qome da 'auatateguet da 'aulogui' yemayepi, nacherata da 'aucoleesop, qaq qom 'avita ye qo'oipaqsat nache 'auachegoqtegue na l-laq da 'auloquiaxan.

2 Samuel 5:19

Nache so David, inat co'ollaxa Ñim Nataxala', 'eeta': ¿Peta'a ñeqo'ona ye filisteopi da seloquiaxan? Qataq peta'a ¿aỹem 'aỹa'anem da ỹoxonec yemayepi? Nache Ñim Nataxala' 'enapeco': «Aja', 'anqo'ona qome da 'auloquiaxan, cha'aye mashe 'am sanem da 'oxonec yemayepi.»

2 Samuel 2:11

Nache so David nta'a ye Judá soua siete vi'iye, qataq soua seis ca'agoxoiqa, qaq de'era lo'onataxanaxac da nta'a, nache netaña ye Hebrón.

Jueces 1:1

Qaq co'ollaq mashe ileu so Josué, nache so Israel le'ecpi inat co'ollaxa Ñim Nataxala', da chaq negue't ca hua'auñi se'eso maiche nalamaxat nhuo' le'ecpi da iloquiaxan so Canaán le'ecpi.

Números 27:21

Qalaxaye so Josué taua'a qome so ntaxaỹaxanaxanec Eleazar da yaqto' somaye ichemaxata Aỹem chegoqchigui so Urim. Yaqto' ca la'aqtac so Josué da ỹamaq na Israel le'ecpi da jec, qataq da ñe'eguelaxauo, nacheca ca ỹalaxaguet qome namayepi da ỹo'ot.

Números 13:22

Qataq quetelec co'ollaxa soomaye ye Néguev, nache ivitta'alo ye Hebrón. Qaq yemaye nache netañalo co'ollaxa soua Ajimán, Sesay qataq so Talmay maye chegoxogueta so Anac. Qaq yi'iye huaqta'a't nỹecpi ye Hebrón, nache 'eetai' da mashe huo'o, qaq co'ollaq inoxoorec soua siete vi'iye, nache cheta'ague da qano'oxoosheguem so huaqta'a't nỹecpi ye Soán maye huaigui ye Egipto.

Génesis 13:18

Qaq huaña nache so Abram nqat so lpe'l, nache jec da naña yem saqaỹapeque so huaqta'a't nỹecpi ye Hebrón, yem huaña aso qo'oipaqpi le'enaxat encina, maye lalamaxat som ỹale le'enaxat Mamre. Qaq huaña yemaye nache no'oxoosheguem aso lca'atoxonaxalate da yaqto' ỹo'oxoren Ñim Nataxala'.

Josué 15:13

So Josué nataqa'en ỹanem co'ollaxa so Caleb som llalec so Yefune, so laỹe na'alhua so maiche nhuo' le'ecpi maye chegoxoguetpi so Judá, da yaqto' qaipacchigui da lamaxasoxonaxac Ñim Nataxala', nache ỹanem ye Hebrón, maye lma' co'ollaxa som chegoxoguetpi so Anac.

1 Samuel 10:22

qaq ỹoqo'oye qaltaq qainat Ñim Nataxala', da yaqto' qaỹaỹaten da ỹalectauo so Saúl. Nache Ñim Nataxala' ỹa'axat da so Saúl ỹalectauo', qalaxaye nqañoxottaigui so ña'acpi.

2 Crónicas 11:10

Sorá, Ayalón qataq ye Hebrón, qaq 'eso som huaqta'a't nỹecpi maye qanpaxattaua'a co'ollaxa maye naña ye Judá qataq ye Benjamín.