2 Samuel 17:3 - La'aqtaqa Ñim Lo'onatac 'Enauacna 2013

³ Qaq da ime, nache 'am ñe'eguelaxateua'a 'enauac so maiche nhuo' le'ecpi. Cha'aye 'oonolec so shiỹaxaua som qoquetapegueua'a da qaỹalauat, qaq qom ñe'eguelaq somayepi, nache 'enauac qome na shiỹaxauapi da qaltaq huo'o da l-lagaxayec.

Toba del Oeste

³ Yem qama'le ena'uaque gaa'me jiyaĝadipi jen am nec'adeta qomle, qaedi male 'uo da'me 'nemaĝac. Qa'a male ena'uaque yayate'n queda'me nach'eñeta ñe'me jaliaĝanec da'me jetaque aualat.»

2 Samuel 17:3 Referans Kwoze

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Isaías 57:21

Nam qauemaicpi saishet da hueto'ot ca nlagaxayec.» Qaq 'era da la'aqtac Ñim Nataxala'.

Isaías 48:22

Qalaxaye na qauemaicpi, saishet da hueto'ot ca nlagaxayec. 'Era da la'aqtac Ñim Nataxala'.

2 Samuel 3:21

Nache so Abner 'enapega co'ollaxa so David, 'eeta': 'Onaxaictoxo' qome da aỹem 'auasheetem da llaỹona't na Israel le'ecpi, yaqto' namayepi 'am naỹamaxate', yaqto' da 'aro'onataxanaxac da 'am nta'a, ỹataqta nquictauec qome, nache ipacchigui da 'arquiyaqteỹaxac. Ime, nache ncoyeguene' so Abner, nache somaye ỹe'eguelaq ỹataqta machiguiñi.

2 Samuel 17:4

Qaq de'era na'aqtac ỹataqta ỹaỹamaxareeta co'ollaxa so Absalón, qataq so lqueroxonecpi so Israel le'ecpi.

Jeremías 6:14

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': ‹Huo'o da qal-lagaxayequi, huo'o da qal-lagaxayequi› Qalaxaye qaica ca l-lagaxayec namayepi.