2 Samuel 13:3 - La'aqtaqa Ñim Lo'onatac 'Enauacna 2013

³ Qalaxaye so Amnón huo'o co'ollaxa so nauochaxaua, le'enaxat Jonadab som llalec so Simea, maye lqaỹa so David, qaq somaye ỹataqta sanqalaate' da huo'o ca ỹoicnapec.

Toba del Oeste

³ Qalaĝaja ñe'me Amnón 'uo ñe'me naigaĝaua jo'ne yatenaĝanaĝaic, lenaĝat da'me Jonadab, jo'ne mach'e c'oĝot ñe'me Simá, lanogaĝaua ñe'me David.

2 Samuel 13:3 Referans Kwoze

1 Samuel 16:9

Nache so Yesé ỹauegueuo so Sama, qalaxaye so Samuel qaltaq 'enapeco': Ñaqaiyeta saishet da nachena ne'ena na lca'aguishec Ñim Nataxala'.

1 Corintios 3:19

Cha'aye da naỹaanec maye lma'na, damaye 'eeta'am da choche 'oopashec naqa'en Ñim Lo'onatac 'Enauacna. Cha'aye ana nere maye huetalec na la'aqtacpi Ñimaye 'eeta': «Ñim Lo'onatac 'Enauacna ỹo'otec na ỹaanaxanaxaicpi da maiche que'emaxam da latenataxanaxac da huo'o ca huotaique da ỹatenachet.»

Santiago 3:15

Cha'aye de'era naỹaanec saishet da chegoqo'ot Ñim Lo'onatac 'Enauacna, nachaqrata da chegaqalec ana 'alhua qataq chegoqo'ot so saqcha'a na'añaxac leguemaxaic.

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Proverbios 19:6

Ca chetaqtaxanaxaic qalaq qalota na nauochaxauapi, qataq 'enauac da qanmitta'a da auochaxaua ca huo'o na ỹaatac.

Ester 6:13

Qaq huaña so lma' nache da'aqtaxaateguem aso lhua, qataq so nauochaxauapi 'enauac dam huaigui somaye, nache somayepi 'enapega somaye, 'eeta': Ñi'iñi Mardoqueo, ñim huo'omshe deqat da 'ara'amaqchec, ñimaye da judío, nache saishet da 'auañoxot da 'anauec, maye nacherata da ñimaye taỹa'a da imauec da 'am nauec.

Ester 5:14

Qaq huaña nache aso lhua somaye, qataq 'enauac so nauochaxauapi, 'enapega somaye, 'eeta': 'Auamaxasoxoolec da qaỹa'ayiñi aca 'epaq maye ivi' veintidós metros ye lshequitcheguema, qaq qonte' nte'eta, nache 'auỹaxanot ñi nta'a da qaicoñerasheguemec acamaye so Mardoqueo, yaqto' qom 'anqo'ona ca nquia'axac da 'annaicapegue' ñi nta'a, nache qaica cam tatapigui 'arhuel. Qaq de'era nhuennataxac, ỹataqta ỹaỹamaxareeta so Amán, nache damaxasoxoolec da qaỹa'ayiñi aso 'epaq.

Ester 5:10

Qalaxaye se'eso na'a'q, so Amán saishet co'ollaxa da ỹachaxaata da layeloxo maye hueto'ot, qalaxaye co'ollaq ivireua'a so lma', nache damaxasoxoneuga so nauochaxauapi, qataq aso Zeres, maye lhua somaye,

2 Samuel 14:2

ỹoqo'oye somaye damaxasoxona co'ollaxa aso 'alo maye qaica ca nqalaate', maye lma' ye Tecoa, nache 'enapega, 'eeta': «'Avi'inaxat qome da 'auasootac, nache 'aayiñi caua anogo nasouaxaqui', qataq saishet da 'ancoyigui ca coraxat maye ama da laitaỹaxac, 'eeta'am 'anqa'en da mashe qaỹoqtegue da 'arasouaxac souaxat ca 'arqatac.

2 Samuel 13:32

Qalaxaye so Jonadab, som llalec so Simea, maye lqaỹa so David detaqa, 'eeta': 'Am nta'a saishet da 'arhuennataxa de'era, cha'aye saishet da 'enauac da qaỹalauat so 'aỹa'alaqpi, nacheyeta ye Amnón da qaỹalauat, cha'aye nache 'enapec caillaye so Absalón se'eso na'a'q co'ollaq ye Amnón, ncat aso lqaỹa Tamar.

Jueces 14:20

Nache aso lhua so Sansón qoỹanem da lhua so 'oonolec som nsoxoppi, maye ỹalecta'aguet co'ollaq ỹo'ot so laronaxac somaye.

Génesis 38:20

Qaq co'ollaq qaỹata'ague de'era nache so Judá, ỹamaq so quetaq llalec, ỹache naqa'en so nauochaxaua maye lma' ye Adulán, da yaqto' aso 'alo ỹe'eguelaxa't soua 'otaqa'ate, qalaxaye som nauochaxaua saishet co'ollaxa da ỹanata asomaye.

Génesis 38:1

Qaq se'esoua na'axa'te, nache so Judá ca'ai so lqaỹañecpi da nqo'ona so lma' so ỹale le'enaxat Jirá, maye lma' co'ollaxa ye saq 'amaqtaq nỹecpiolec le'enaxat Adulán.

Génesis 3:1

Qalaxaye so na'araxanaq ỹataqta sa nqalat, napacalec 'enauac na laỹepi shiguiỹacpi maye lo'onatacpi Ñim Nataxala', qaq somaye inato' aso 'alo, 'eeta': «¿'Eesa peta'a da Ñim Lo'onatac 'Enauacna da saishet da qami' ỹashenema da qolliqui ana ala ana qo'oipaqpi maye huaigui ne'ena nanqa' ana nañiguishe?»

1 Samuel 16:11

Nache qaltaq inat somaye, 'eeta': ¿Peta'a qaicaua caua lỹa't 'aỹa'alqa? Nache so Yesé, 'enapeco': Saxanaqca cam ỹoqta na'asolec, qalaxaye camaye ilotague' aca ilo qaguetapi. Nache so Samuel, 'enapeco': Ña 'auamaxasoxoneuga camaye, cha'aye qom saxanaxa da nvireuo camaye, nache saishet da saconaxalec da so'otaq damaye.

2 Samuel 13:2

nache so Amnón ivitta'a da ỹataqta ỹalolaqchet de'era lqopitaxanaqtaic, qaq cha'aye aso Tamar ñaq saxanaxa co'ollaxa da hue'eguet ca ỹale, nache somaye ỹataqta iqalana'a da huo'o ca ỹo'otec asomaye.

2 Samuel 13:4

Qaq huo'o so na'a'q, nache so Jonadab, inat somaye, 'eeta': 'Am, maye 'am nta'a llalec, ¿ta'ainco' ye ỹataqta 'anquicta'a't da 'auapo'ota? ¿Peta'a ishet da aỹem 'aua'aqtaxanem? Nache so Amnón 'enapeco': Qomye aỹem ỹataqta ỹapacauec da iqopiche aso Tamar, asom lqaỹa so ỹaqaỹa Absalón.

2 Samuel 21:21

Qaq somaye iloquiaxan co'ollaxa so Israel le'ecpi, qalaxaye so Jonatán maye llalec so Simea, som lqaỹa so David, ỹalauat somaye.

1 Crónicas 2:13

Qaq so hua'auchiguiñi llalec so Yesé le'enaxat Eliab, qaq so dalaxaic le'enaxat Abinadab, qaq so ca'atalec somaye le'enaxat Simea.

1 Crónicas 27:32

Qaq so Jonatán, som ntesoqo' so David, somaye nacheso so neraxanaxanec, ỹaanataxanaxaic, qataq no'o'n naua lqataxaco, qaq so Yejiel, som llalec so Jacmoní, nacheso so ilotague' so llalaqpi so nta'a.