2 Samuel 13:2 - La'aqtaqa Ñim Lo'onatac 'Enauacna 2013

² nache so Amnón ivitta'a da ỹataqta ỹalolaqchet de'era lqopitaxanaqtaic, qaq cha'aye aso Tamar ñaq saxanaxa co'ollaxa da hue'eguet ca ỹale, nache somaye ỹataqta iqalana'a da huo'o ca ỹo'otec asomaye.

Toba del Oeste

² yataqachiñe yaguegue ca'li da'me lelnataĝac chayovida'a da'me yeleuac, qa'a jañe'me Tamar maliaĝa ja ue'tajop gamachaqaega jiyaĝaua, qama'le joñe'me yaqalan ta'le 'uo ga'me 'yetec.

2 Samuel 13:2 Referans Kwoze

2 Corintios 7:10

Da Ñim Lo'onatac 'Enauacna da qami' ỹaquicoqche't, nache saishet qome da qoquiitega, cha'aye de'era qaraquicoqoi damaye qami' ỹo'otegueta da qanaralaxache da qarataxaqui qataq qauỹaxañiỹaique da qami' qaichoxore'n qataq qami' qanca'alaxatre'c. Qalaxaye da naquicoxo maye chegaqaigui nam qauem maye huetalec ana 'alhua, nachaqrata maye ishet da dalaataxan.

Cantares 5:8

Qami' 'alpi maye qarma'ai na Jerusalén, aỹem qaỹa'añim ca qara'aqtaqui: qom qauloỹalec ca ỹauotaxat, qalaq ỹataqta qoñiỹapega qome da selem da lamaic da ỹoqopitaxanaqtaic.

1 Reyes 21:4

Nache so Ajab, jec co'ollaxa ỹe'eguelaxa so lma', qalaxaye ỹataqta daquico, qataq qaica ca lama', souaxat de'era la'aqtac so Nabot da, 'eeta': «Saishet da 'am sanem na 'alhua maye aỹem no'onaxata'aguet soua ita'al, da yaqto' ỹalamaxat naqa'en.» Qaq co'ollaq ivireuo somaye, nache nnaañi, datatot so lque so nỹec, qataq sa deque'e.

2 Samuel 13:1

So Absalón, maye llalec so David huo'o co'ollaxa aso lqaỹa ỹataqta 'onaxai, le'enaxat Tamar. Qaq som Amnón maye nataqa'en llalec so David, somaye ỹataqta nqopita co'ollaxa asomaye,

2 Samuel 13:3

Qalaxaye so Amnón huo'o co'ollaxa so nauochaxaua, le'enaxat Jonadab som llalec so Simea, maye lqaỹa so David, qaq somaye ỹataqta sanqalaate' da huo'o ca ỹoicnapec.