2 Samuel 1:2 - La'aqtaqa Ñim Lo'onatac 'Enauacna 2013

² Qalaxaye so na'a'q tres, nache nvireua'a ye Siclag so 'oonolec ỹale maye chegaqa'a ye lanataqa' so Saúl, qaq somaye ỹataqta colaqta'ape soua alogo, qataq nlaqchigui na lqaic na 'alhua souaxat da nqui'ic. Qaq co'ollaq ivireua'a so David, nache ỹa'alyiñi naua l-llecte, iviraxata'aguet naqa'en na latap na 'alhua.

Toba del Oeste

² Qalaĝaja yenoĝodegue jaa'me tres noloqo'ote ca'li novi' ñe'me jiyaĝaua, chiyoĝogue ga'me lomachaqa' ñe'me Saúl, jo'ne yecolaĝata'aguelo gaa'me leuo lael nataq'aen ga'me laqaic najaĝaye ga'me aleua qa'a en yelo'teguet da'me 'uo da'me layaliaĝac. Ca'li yovita ñe'me David, naĝañi chayovida'a yeda'aguet jena'me aleua qa'a en yelo'teguet da'me 'uo da'me lauategaĝa.

2 Samuel 1:2 Referans Kwoze

1 Samuel 4:12

Qalaxaye se'eso na'a'q huo'o so 'oonolec som chegoxoguetpi so Benjamín, somaye chegoqtoigui so alaataxac da qoỹet, nache ỹataqta naloxo nache choche ivitta'a ye Silo. Qaq somaye ỹataqta colaqta'ape soua alogo, qataq na lqaic nlaqchigui nataqa'en na 'alhua.

2 Samuel 4:10

Qaq de'era sheetec se'eso shiỹaxaua maye aỹem ndoua'a co'ollaxa da ỹa'axaỹaxac da ileu so Saúl, somaye ipi'itaxana da aỹem ndoua'a da 'onaxaic ỹa'axaỹaxac, qalaxaye aỹem saconeua'a somaye co'ollaxa nache salauat, huaña ye Siclag.

1 Samuel 25:23

Nache aso Abigaíl co'ollaq ila'aguet so David, nache huenoteeguesop so lalo 'ashena, nache ỹa'alyiñi naua l-llecte, qataq iviraxata'aguet na latap na 'alhua.

Josué 7:6

Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Joel 2:13

¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.

Oseas 6:2

Nache sa qaỹaloq qome da qomi' no'oite' naqa'en, qataq sa qaỹaloq qome da qomi' nauaxaỹaxaayeshegue'm da yaqto' ñachaataqto'ot Ñimaye.

Salmos 66:3

Qoñiita': «Na 'aro'onatacpi ỹo'ot da na'aalaxa. Qaq souaxat da 'ara'añaxac, nache na 'ampa'aguenaxauapi huañi, souaxat da lcolanaxa da qoneta.

Ester 5:1

Qaq co'ollaq inoxoore'c soua tres na'axa'te, nache aso Ester, ỹaayiñi soua alogo da nate'e, nache jec, taua'a so qasoxoc pa'aỹauo se'eso nma' lta'araic, qaq vi'iiguet co'ollaq ivita so nỹec maye hueta'a so nta'a nso'ootañi, nso'ootangui aso nso'onaxaqui maye datateuga so lasom.

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

2 Samuel 15:32

Nache so David co'ollaq mashe ivitsheguema na pa'asheguem aso qasoxonaxa, maye huaña da qaỹo'oxoren Ñim Lo'onatac 'Enauacna, nache natena'aguet so Jusay maye arquiita, ỹataqta colaqta'ape soua alogo, qataq nlaqchigui na lqaic na 'alhua.

2 Samuel 14:4

nache asa'aso 'alo maye lashe ye Tecoa, jec co'ollaxa da taỹa so nta'a David. Qaq co'ollaq ivireua'a so nta'a, nache ỹa'alyiñi naua l-llecte, iviraxata'aguet naqa'en na 'alhua na latap, nache 'eeta': ¡'Am nta'a, 'onaxaic taxa da aỹem 'autauan!

1 Samuel 20:41

Qaq co'ollaq mashe ỹoxogue so namaxashec, nache so David nnoxonec, chegoqteua'a so nqañoxotaqa', nache tres da ỹa'alyiñi naua l-llecte qataq ỹataqta iviraxata'aguet naqa'en na latap na 'alhua. Ime, nache napigoqtega't, qataq nỹeeta'a't, choche ivitta'a da nmitchiguem da nnoinaxac so David.

1 Samuel 4:16

Nache se'eso ỹale da'aqtaxanem somaye, 'eeta': Aỹem cheta'ague da ñevireuo, sachegoqtauga ye alaataqa', cha'aye aỹem qoỹet. Nache so Elí inat somaye, 'eeta': ¿Ca 'eetec cam qanayeuaigui 'am ỹalcolec?

Génesis 43:28

Nache soomaye qaltaq ỹa'alyiñi naua l-llecte, nache 'ena'apo': «Ñim qarta'a maye 'aramaxashec, ñimaye qaica ca dá. Ñaq nca'altauec.»

Génesis 37:34

Nache so Jacob ncolaxata'aisalo soua alogo. Ime, nache ỹaayiñi soua alogo maye lasouaxaqui'. Nache ỹataqta huo'oi soua na'axa'te da nỹeetapeguelec da l-leuaxa so llalec.

Génesis 37:29

Qaq so Rubén co'ollaq ỹe'eguelaxa aso nshere, nache so José mashe saishet da huetangui asa'aso nshere. Huaña, co'ollaxa nache somaye ncolaxata'aisalo soua alogo souaxat da nqui'ic.

Génesis 22:4

Qaq co'ollaq mashe ivi' soua tres na'axa'te, nache so Abraham ila'a som 'alhua maye qaỹachaxanapec co'ollaxa, qalaxaye ñaq qaỹoqta.

2 Samuel 1:3

Nache so David inat somaye, 'eeta': ¿Hua'ague ca 'auachegoqta'ague? Nache somaye, 'enapeco': Qomye aỹem qoỹet, sachegoqtauga ye lanataqa' ye Israel le'ecpi.

Ezequiel 27:30

Qataq nlamaxaren da na'alaqtapiguiñi da nỹeeteguelec 'am souaxat da laquicoxo, qataq imeelec na lqaic na 'alhua qataq nviingui na alo.

2 Samuel 13:19

Nache aso Tamar, ỹacona co'ollaxa so alo, nache imeelec na lqaic, qataq ncolaxata'alo soua alogo maye ỹaatrañi, qataq npataqta'a na lqaic co'ollaq jec, nache nỹeetague' co'ollaq quetague' so nqa'aic.

2 Samuel 24:20

Qaq so Arauna, co'ollaq ila'aguet so nta'a, qataq so lamaxashecpi da taỹa'a so netaña somaye, nache ca'atta'aguet so nta'a. Nache co'ollaq ivireguet somaye, nache ỹa'aroto naua l-llecte, qataq ivira'aguet naqa'en na latap na 'alhua,