2 Pedro 1:7 - La'aqtaqa Ñim Lo'onatac 'Enauacna 2013

⁷ qataq qauauochec na qaraỹepi maye ỹa'amaqteetac So Cristo, qaq da pa'atec, iuen da qauauochec 'enauac na laỹepi, qaica ca qauỹocheetegueuga.

Nuevo Testamento Toba Sur

⁷ qataq da qaÿauotec ca nÿa, qataq da qadsoxoyiqui.

Nuevo Testamento Toba Sombrero Negro

⁷ Nach'e ena'am avichoĝodeñi' gaa'me adaqayadi' qama'le yataqata adoqopichiya ena'uac.

2 Pedro 1:7 Referans Kwoze

Hebreos 13:1

Saishet da ỹaxanec ñi 'oonolec da qoñiita da ỹauotec ca lỹa, cha'aye nachera da lataxac nam quetague' So Cristo.

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

1 Ts 3:12

Nataqa'en seỹaxanaqtacot Som Qarataxala' Jesús da qami' ỹo'oteque da qanauochiỹa't qataq nataqa'en qauauochec 'enauac na laỹepi shiỹaxauapi. 'Eeta'ama qomi' da ỹataqta qami' sauotaxaque.

Gálatas 6:10

Qaq ỹoqo'oye da ivita da huo'o ca so'otaq, qalaq 'enauac so'otaxac ca ỹaỹamaqchiguiñi na shiỹaxauapi, qalaxaye hua'auchiguiñi ñaqa'enaq na maiche qara'amqaanataxanaxauapi.

1 Juan 4:21

Qaq So Jesucristo qomi' ỹanema de'era lamaxasoxonaxac, 'eeta': «¡Qauauochec Ñim Lo'onatac 'Enauacna, qataq ñi 'oonolec ỹauotec ca lqaỹa!»

1 Juan 3:16

Qalaxaye qomi' mashe saỹatenaq da naigui da nsoxoyec, cha'aye So Jesucristo ỹaaleguete qomi' da nachaalataxac. Qaq ỹoqo'oye nataqa'en qomi' iuen da sanaq da qanachaalataxac da ñañanaxalec na qara'amqaanataxanaxauapi.

1 Juan 3:14

Cha'aye de'era nsoxoyec maye qomi' hueto'oto ỹachaxan da mashe saishet da qomi' leuaxaiqa, nachaqrata da nagui ñeca'alaqtauec. Qalaxaye ñi 'oonolec da qoñiita da saishet da ỹauotec ca lỹa, nache damaye naigui da ñaq qoviitaigui da la'añaxac da nleuaxa.

1 Pedro 2:17

Nachaqrata da ỹataqta huo'o naq 'enec qanqa'eñi 'enauac na shiỹaxauapi qataq ỹactec qanqa'eñi da qarauotaxanaqtaiqui nam ỹa'amaqten So Jesús. Qavio'oxoyiñi Ñim Lo'onatac 'Enauacna qataq huo'o naq 'enec qanqa'eñi ñi lataxala' na nta'alpi maye netaña ye nỹecpi ye Roma.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Colosenses 3:14

Qalaxaye ỹataqta ỹactec qome da qa'añiiñi da qarsoxoyiqui, cha'aye nachera da na'atta't 'enauac naqa'en na shiỹaxauapi.

1 Pedro 3:8

Qaq da pa'atec, qami' iuen da qoviitaigui da 'oonolec da qarhuennataqai, qataq ñi 'oonolec ỹataqta ỹauotec ca lỹa qataq qanaỹaañeta't, yaqto' nache 'eetai' da qana'ayeeta'a't. Qataq ỹataqta qami' soxoraiqa, qataq huesota da qarataxaqui.

1 Ts 5:15

Ỹataqta qanchelliỹa'a't, saqca ca isheetena'aguet ca sa ỹaỹamaxañi da ỹo'otec ca lỹa. Chaqrato' da qami' qanpogoxoiñiỹapegue' da qauo'ochec ca ỹaỹamaqchiguiñi ñi 'oonolec da qoñiita qataq 'enauac na laỹepi shiỹaxauapi.