2 Pedro 1:6 - La'aqtaqa Ñim Lo'onatac 'Enauacna 2013

⁶ qataq ñi 'oonolec da qoñiita da nala'agueta da nllerañi naua qauema lqopitaxanaqtaico. Qataq qauauo'oi da qarhualaxaviqui, qataq qaỹa'añiỹot da qanachaalataxaqui Ñim Lo'onatac 'Enauacna,

Nuevo Testamento Toba Sur

⁶ qataq da maichi ntel-la't ca shiÿaxaua, qataq qauauo'oi da qadhualaxaviqui, qataq da qoquiitegue ñi Dios,

Nuevo Testamento Toba Sombrero Negro

⁶ Nach'e ena'am anoqochichiñegue da'me auayachiñe da'me anomachi' gaa'me mach'e adamaicodi', choqoda'me yataqata anapogaĝadeñi nataq'aen da'me oqui'tegue ñe'me Dios.

2 Pedro 1:6 Referans Kwoze

2 Pedro 1:3

Ñim Lo'onatac 'Enauacna do'ogoxona da la'añaxac da yaqto' qomi' ỹanema 'enauac nam seuenaqtaique, qataq yaqto' ñachaataqtaigui dam ỹataqta 'eetapeguec. Nataqa'en Ñimaye qomi' ỹanema 'enauac de'era co'ollaq qomi' ỹauattonaxanaxaneque So Jesucristo. Qataq chegoqchigui Somaye da qomi' lca'agui'she da yaqto' ñeuanaqaua'a da llo'oxoyec da lo'onataxanaxac.

Hebreos 10:36

Ỹataqta qami' 'añaxaiqa qome saishet da huo'o ca chegoqchigui qanqa'eñi da qaỹa'axañiiuec da qarpi'iỹaxaqui da qoviitaigui da qanque'eenaxaqui, yaqto' qaupaquiitelec da qauo'oche dam 'eetapeguec Ñim Lo'onatac 'Enauacna qataq qauacoñiiguet dam qami' ỹachaxanapecoto Ñimaye.

Lucas 21:19

Qaq cam saishet da huo'o ca iqocha'a, qaq nacheca ca nauec cam nca'alaxa maye qaica ca loga't.

Hebreos 12:1

¡'Enauac se'eso shiỹaxauapi nagui qomi' datataua'alo da qomi' ỹachaxaategalo da lpi'iỹaxac! Qaq ỹoqo'oye naua vi'iye maye souaqtaiguilo iuen da saxanaxañi da so'otaqtac ca qarasouaxashet, nataqa'en ño'onaxataqchigui 'enauac nam saishet da qomi' ỹalemaxa't, nache semataqo'ot Ñim Lo'onatac 'Enauacna da qanaquitaxac. Cha'aye de'era achaalataxac 'eeta'am ca qomitaxac, qaq da ñe'etaxaloxo qalaq 'eeta'am da lpattapiguilo naua qarchel da saishet da qomi' ỹashenema da ñeqalgoxosoq.

1 Corintios 9:25

'Enauac na naỹamaxattac da taua'a ca qomitaxac, ỹataqta ndeneguet 'enauac nam ishet da na'aqchet. Qaq namayepi 'eetec de'era, cha'aye nshetaique da nauec cam qanallettapigui maye nataqa'en taỹa'a da imeuo. Qalaxaye qomi' sauoqtaique da ñauegaq cam qanallettapigui maye saishet da huo'o ca loga't.

Tito 2:2

Qonapega na ỹa'axaiquipi da ỹataqta ilotegue da llecỹaxac, qataq nllañi da lqopitaxanaqtaic qataq deuennataxaatelec da huo'o ca ỹo'ot. Qataq iuen da ỹauo'o da lpi'iỹaxac Ñim Lo'onatac 'Enauacna, qataq ỹauotec na laỹepi qataq huo'o da lhualaxavic.

Gálatas 5:23

qataq saishet da qomi' na'amqaanaxaiqa, qataq saỹatenaq da seloxogue da qarataxac. Qaica ca namaxasoxonaxac da ishet da dataỹa'aguet 'enauac de'era.

Apocalipsis 14:12

Qaq ỹoqo'oye na lalamaxatpi Ñim Lo'onatac 'Enauacna, iuen da ỹaỹaten da lhueneguet qataq na'añaxateguet na lqalaiguesat qataq na nque'eenaxacpi. Nataqa'en iuen da ỹalaxaguet nam lamaxasoxonaxacpi Ñim Lo'onatac 'Enauacna qataq queto'ot da ỹa'amaqteetac So Jesús.

Apocalipsis 2:2

Aỹem saỹaten 'enauac nam 'auo'ottacpi, qataq saỹaten da souaxat da Aỹem 'aualaxaguet, nache qalota na 'avireguet lqalaic. Nataqa'en saỹaten da ỹataqta 'anala'aguet damaye cha'aye huo'o da 'arhualaxavic qataq saishet da 'auaconeguet nam qauemaicpi. Qataq saỹaten da 'am 'avi'igue'n naua 'eetregalo da lamaxa'she So Jesús qalaxaye saq 'en. Qataq 'am 'auachaxa'n naamaye da choche tenataxanaxaiqa.

Tito 1:8

Nachaqrata da nlosheguem, saishet da sa ilo'oguet ca lỹa da namaxasoxoic, qataq nqopita da ỹo'ot ca ỹaỹamaqchiguiñi. Qataq iuen da hua'auñi da deuennataxaalec da huo'o ca ỹo'ot, qataq no'on da lataxac, qui'itta, qataq ilotegue da nachaalataxac.

Colosenses 1:11

Qataq ỹachegoxotchigui da lta'araic la'añaxac Ñimaye da qami' 'añaxaiqa naqa'en, da yaqto' huo'o da qanhualaxaunaxaqui qataq ishet da qanaloỹa'aguet 'enauac na lqalaiguesat. Huaña, nache ỹataqta lta'araic da qantonaxaqui,

2 Corintios 6:4

'Enauac nam so'otaqpi sauoqtaique da ichoxot da qomi' lo'onataxanaxanaqa Ñim Lo'onatac 'Enauacna, qataq souaxalec da qarhualaxavic. Huo'o da qanque'eenaxac, qataq qalota na seviraxaguet qarqalaic qataq na qarhuenaxanaxapi. Qataq nataqa'en qomi' qaỹalasheeta'ape.

Romanos 8:25

Qalaxaye da huo'o ca seuataqtaique da saxanaxa da selaqa'a, nache iuen da huo'o da qarhualaxavic da seuataqtaique.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Hechos 24:25

Qalaxaye co'ollaq so Pablo ỹa'axat da llec ca shiỹaxaua da no'on da lataxac, qataq da 'eetec da maiche ntel-la't, qataq cam pa'atec na'a'q qom qanmit 'enauacna, nache so Félix ỹataqta ñi'i. Nache 'enapeco': –'Asoma qojec, maicheyo' qom qaltaq huo'o ca iraqa', nache qaltaq 'am seỹaxaneuga.

Lucas 8:15

Qaq asom nañiguishe ala maye tatelec so 'onaxaic 'alhua, qalaq naigui nam na'axaỹaxaatega da la'aqtaxanaxac Ñim Lo'onatac 'Enauacna, qataq ỹaconeguet, qataq ỹalaxaguet, qataq huesota da lataxac. Qaq de'era pa'atec, ỹataqta qaica ca qochetega qataq 'enauac nam ỹo'otpi ỹataqta ỹaỹamaqchiguiñi.

Salmos 37:7

Ỹataqta 'añe'emaxat da qoueto'ot Ñim Nataxala', qataq 'auauo'o da 'arhualaxavic da 'auata'a da 'am itauan Ñimaye. Saishet da 'am inogoqchet ca huo'o da na'achecỹaxac, huo'otaq ca lapaqtapiguiñi na qauemsat.

Romanos 15:4

Cha'aye 'enauac nam nanettalec ana nere maye huetalec na la'aqtacpi Ñim Lo'onatac 'Enauacna qoỹiyiñi co'ollaxa da yaqto' qomi' ỹapaxague'n. Da la'aqtaxanaxac anamaye qomi' itaua'n da yaqto' huo'o da qara'añaxac qataq qanhualaxaunaxac, qataq ỹataqta 'itchiguiñi da 'eesa dam qara'amqaanataxanaxac.

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Apocalipsis 1:9

Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

2 Pedro 3:11

Qaq nagui da 'enauac ne'enapi, da 'eetec de'era da qailaxachigui qome, nache qami', iuen da qaualaqaiguet Ñim Lo'onatac 'Enauacna qataq qauo'oche ca ỹaỹamaqchiguiñi,

Hebreos 6:15

So Abraham huo'o da lhualaxavic co'ollaq iuattaique de'era, qaq Ñim Lo'onatac 'Enauacna ỹataqta ipaqueelec co'ollaxa de'era ỹachaxanapec.

Hebreos 6:12

Qataq sa saỹamaxarenaq da qavi'eguelaqaỹa da qami' hualaicpi. Nachaqrato' da saishet da huo'o ca huaña da qauqolectaxañi, qoquiitegue da lataxac som huo'o da lpi'iỹaxac Ñim Lo'onatac 'Enauacna, cha'aye da nache qoñiitec de'era, nache qauacoñiiguet dam qami' ỹachaxanapeguema Ñimaye.

Tito 1:1

Aỹem Pablo, aỹem l-latac Ñim Lo'onatac 'Enauacna qataq aỹem lamaxashec So Jesucristo, da setauan da lpi'iỹaxac na lca'aguishecpi Ñim Lo'onatac 'Enauacna, yaqto' namayepi ỹauattoota da 'eesa lataxac dam qara'amqaanataxanaxac,

2 Timoteo 3:5

Namayepi 'eetega ỹauotec qataq huo'o naq 'enec naqa'en Ñim Lo'onatac 'Enauacna, qalaxaye da lataxac npe'eneguet da ỹoqta lataxac da na'amqaanataxanaxac. Qaq 'ena qome na 'antela'aguet.

1 Timoteo 6:11

Qalaxaye 'am Timoteo, 'am lamaxashec Ñim Lo'onatac 'Enauacna, 'auataueeguesop 'enauac ne'ena sa ỹaỹamaxañi. Ime, nache 'ampogoxoinapegue' da 'aualaxaguet Ñimaye qataq da 'am no'on lapaxaguenatac So Jesucristo. Saishet da 'axanec da 'arpi'iỹaxac Ñimaye qataq 'auauotec 'enauac na qarqaỹañicpi maye qara'amqaanataxanaxauapi. Qataq da ivita da 'auataỹa'aguet na lqalaiguesat qalaq 'auauo'o qome da 'arhualaxavic, qataq 'auauotec na laỹepi shiỹaxauapi.

1 Timoteo 6:6

'Eesa mque' da qara'amqaanataxanaxac So Qarataxala', damaye iviraxatta'a da ỹataqta qaica ca seuenaqtac, qalaxaye ca 'oonolec iuen da ntootapeguec cam hueto'ot.

1 Timoteo 6:3

Da huo'o ca dapaxaguenataxaatapeguec cam dataỹa'aguet dam no'oita napaxaguenataxanaxac maye chegoqo'ot So Qarataxala' Jesucristo qataq da 'eesa lataxac da qara'amqaanataxanaxac,

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

1 Timoteo 2:10

Nachaqrata da na shiỹaxauapi ỹa'aalac souaxat nam no'on maye ỹo'ottac acamaye, dam lataxac aca 'alo maye ỹauotec qataq huo'o naq 'enec naqa'en Ñim Lo'onatac 'Enauacna.

1 Timoteo 2:2

Nataqa'en 'am seqata da 'anqouagaxaueetalec na nta'alpi maye 'amaqtaqaicpi qataq 'enauac na ltauapi, yaqto' selagaqtapiguiñi qataq qaica ca da. Nachaqrata da ỹataqta salaxasoxoguet Ñim Lo'onatac 'Enauacna, qataq ỹataqta no'on da qarataxac da salegaqtaigui na laỹepi shiỹaxauapi.

2 Ts 3:5

Huo'o da qaryaxa da So Qarataxala' qami' itauneque da ỹataqta qauauochec na laỹepi shiỹaxauapi, 'eeta'am Ñim Lo'onatac 'Enauacna da ỹauotec 'enauac namayepi, qataq da qami' ỹanema da qara'añaxaqui da yaqto' ishet da qauataiỹa'aguet 'enauac da qanque'eenaxaqui, qoñiita'am So Cristo da nala'aguet co'ollaxa na nque'eenaxacpi.

2 Ts 1:4

Qaq ỹoqo'oye qomi' ỹataqta huo'o da qana'amqaanaxac da qami' sa'axataqta'ape da sa'aqtaxanaqteguem na laỹepi shiỹaxauapi maye nataqa'en ỹa'amaqteetac Ñim Lo'onatac 'Enauacna. Cha'aye souaxat da na'aictaxa da qoviitaigui da lqalaic, qalaxaye ñaqaiyeta saishet da qaỹa'axañiiuec da qarpi'iỹaxaqui Ñimaye.

Isaías 57:1

Nam shiỹaxauapi maye no'on da lataxac da ileu qalaq qaica ca qochetegue', qataq na shiỹaxauapi soxoraicpi imeuo, qalaq qaica ca ỹaỹateeta da namayepi ileu souaxat na qauemsat ana 'alhua,

Génesis 5:24

Qaq cha'aye so Enoc, ỹataqta queteleguete naua 'eetapegueeque Ñim Lo'onatac 'Enauacna, nache huo'o so na'a'q da choche qaiqattac, cha'aye Ñim Lo'onatac 'Enauacna, ỹauec somaye.