2 Pedro 1:12 - La'aqtaqa Ñim Lo'onatac 'Enauacna 2013

¹² Qaq ỹoqo'oye aỹem shecto'ot da qami' seuennataxanaxaatapegueque de'era, na'aictaxa da qami' mashe qauaỹaañi damaye, qataq ỹataqta saishet da qoquiỹa'ai de'era 'eesa lataxac maye qami' qaỹapaxagueneque.

Nuevo Testamento Toba Sur

¹² Qaq ÿoqo'oyi aÿim shicto'ot da qami' seuennataxanaxaatapegueque de'eda, nai'ctaxa da qami' mashi qauaÿajñi damayi, qataq ÿataqta sa ishit da qoquiÿa'ai de'eda 'eesa lataxac mayi qami' hueto'oto nagui.

Nuevo Testamento Toba Sombrero Negro

¹² Chane'eja nach'e eta't da'me ja jaĝañi da'me ami ñetouenaĝanaĝaneque yema da'me dojo', queda'me joote yataqachiñe auayachiñe nataq'aen da'me nach'e eta't da'me oquitalegue da'me eja jo'ne joote ami qoyapaĝagueneque.

2 Pedro 1:12 Referans Kwoze

1 Juan 2:21

Qaq ỹoqo'oye qami' samaxalo ana ỹere, cha'aye saỹaten da qami' qauauattoñi da 'eesa lataxac, qataq qauaỹachiñi da ca ỹauatton damaye, nache camaye saishet da datenataxan.

Filipenses 3:1

Qaq nagui qami' ỹaqaỹarolqa, qantoñiitapeguec qome da qana'ayeetaua'a So Qarataxala'. Qaq aỹem saishet da huo'otaq ñasamtapiguiñi da she'eguelaxattalec de'era maye sogote da shiyiñi co'ollaxa, cha'aye damaye saỹateeta da ỹataqta qarviñiqui.

Colosenses 2:7

Cha'aye mashe qami' napaxaguenataqa, qaq ỹoqo'oye qanquigaxachiitasheguem da qarpi'iỹaxaqui Somaye, qataq qaualaqaigueta naua lapaxaguenataxanaxaco yaqto' qanquiquiita'aguet da no'on da qarataxaqui, qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna.

Judas 1:5

Qaq na'aictaxa da qami' mashe sogote da qauaỹaañi de'era, qalaxaye nache 'ena'am sauotaique da qami' seuennataxanaxaneque da 'eetec co'ollaxa Ñim Lo'onatac 'Enauacna da nqateeguesop ye 'alhua Egipto so Israel le'ecpi, ime, nache ileu naqa'en so shiỹaxauapi maye saishet da ỹa'amaqten Ñimaye.

2 Juan 1:2

dam qomi' ỹaueegueta da qarauotaxanaqtaic.

2 Pedro 1:13

Nagui da ñaq ñeca'altauec, nache aỹem sa'amaqten da maiche ỹo'onataxanaxac da qami' seuennataxanaxaategueque 'enauac de'era.

Judas 1:17

Qalaxaye qami' ñauochaxau' ỹaqaỹarolqa, qauennachiỹa'a dam mashe qami' da'aqtaxaateguema co'ollaxa soua lamaxa'she So Qarataxala' Jesucristo.

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

2 Pedro 3:17

Qami' ñauochaxau' ỹaqaỹa't, de'era ỹa'aqtaxanaxac ỹa'axat da mashe sogote da qami' sevitaqteetagalo 'enauac de'era. Qaq ỹoqo'oye ỹataqta qanchilỹañi qome, yaqto' saishet da qami' ỹatenache't na shiỹaxauapi maye qauemaicpi, ime nache qami' qaỹa'axañiiuec da qaua'amaqchiñiitac Ñim Lo'onatac 'Enauacna.

2 Pedro 3:1

Qami' ñauochaxau' ỹaqaỹa't, maye sa'amaqtenaqtac So Cristo, qami' samaxalo ana lỹa ỹere. Qaq ne'enaua dos ỹerel maye qami' samaxalo, sauotaique da qami' seqatalo da yaqto' ishet da ỹaỹamaqchiguiñi da qantoonaxaqui.

2 Pedro 1:15

qalaxaye aỹem ỹataqta ñepogoxoueetapegue' da yaqto' qami' qantooñita'ac de'era iqataxac, na'aictaxa qom mashe ime da seleu.

1 Pedro 5:12

Ñi Silvano maye aỹem itauaatac da ỹiyiñi ana'ana saq aloc ỹere. Ñimaye samata'ac da ỹataqta sa naralaxat da lataxac da quetague' So Cristo, qataq taiguet da qaipi'iỹa'a. Qami' samaxalo ana ỹere da qami' seqatalo qataq ỹataqta 'eesa da 'enauac nam 'onaxaic maye qami' ỹanema Ñim Lo'onatac 'Enauacna ỹachaxan Ñimaye da ỹataqta lta'araic da lauoche da qoñiita. ¡Qaq ỹoqo'oye saishet qome da qauqolliguichi da lsoxoyec Ñim Lo'onatac 'Enauacna!

1 Pedro 5:10

Qalaxaye qom ime da qami' cara'ac da huo'o da qanque'eenaxaqui, nache Ñim Lo'onatac 'Enauacna qami' ỹe'eguelaxatalo da qaica camachaqca da qoñiita. Qaq ỹoqo'oye qami' saishet da qaỹa'axañiiuec da qarpi'iỹaxaqui Ñimaye; qaq Ñimaye qami' ỹanema da qara'añaxaqui da yaqto' saishet da qauqalvi qataq qami' ỹo'oteque da nache 'eetai' da huo'o da qarpi'iỹaxaqui. Qataq qantooñita'ac da Ñim Lo'onatac 'Enauacna maiche qomi' lca'agui'she, chegoqchigui naqa'en So Jesucristo da yaqto' ña'araxaua'a da qaica ca 'ena'am llo'oxoyec lo'onataxanaxac.

Hebreos 13:9

Qaq ỹoqo'oye saishet da qauqocheetega na napaxaguenataxanaxacpi maye sa qaỹauanapega, maye ỹataqta sa nateneguet dam qomi' ỹapaxagueneque So Jesucristo. Ỹactec da 'onaxaic da saconaxaguet da qara'añaxac maye nachera da lsoxoyec Ñim Lo'onatac 'Enauacna, qaq saishet da nachena na qalapaqtañipi maye ỹa'axat cam qanallec qataq cam saishet da qanallec, cha'aye damaye qaica ca ltaunaxanaxac.

Hebreos 10:32

Qauennachiỹa'a 'enauac na lqalaicpi qataq na qanque'eenaxaqui maye qami' taleguete co'ollaq cheta'ague da qauacoñiiguet da no'on na'axaỹaxac. Qaq na'aictoxo' co'ollaxa de'era, qalaq saishet da qaỹa'axañiiuec da qarpi'iỹaxaqui.

2 Timoteo 1:6

Ỹoqo'oye nagui 'am seqata da 'aue'eraxatoigui ñi 'anachetaxat maye 'am ỹami' co'ollaxa Ñim Lo'onatac 'Enauacna se'eso na'a'q co'ollaq 'am sasheltalec da 'am ñeqouagaxaueeteguelec.

1 Timoteo 4:6

Da 'auapaxaguenec de'era 'eesa nam 'amqaanataxanaxaicpi, nache ỹataqta 'am no'on lo'onataxanaxanec So Jesucristo. Cha'aye da qanapaxaguena qataq qaỹalaxaguet dam napaxaguenataguec na quetague' So Cristo 'eeta'am dam 'auo'ottac, nache damaye 'eeta'am da no'on nquia'axac.

Hechos 16:5

Huaña, nache na 'amqaanataxanaxaicpi ỹataqta huo'o da la'añaxac da lpi'iỹaxac, nache naua na'axa'tesa'ache da ỹataqta nquictauec ye lcata na da'amqaanataxan.

Colosenses 1:5

Qami' nache qoñiitec da qarataxaqui cha'aye, chegoqchiguiña co'ollaq qaua'aqaichigui da 'eesa na'aqtaxanaxac maye chegaqaigui dam no'on na'axaỹaxac, qataq ỹataqta qauaỹaañita da Ñim Lo'onatac 'Enauacna huo'o ca iqataxaatapigui' maye hueta'ague da piguem.