2 Pedro 1:10 - La'aqtaqa Ñim Lo'onatac 'Enauacna 2013

¹⁰ Qami' ỹaqaỹa't, Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi. Qaq da qauauoitaique da nache 'eetai' da qaualliquiitaigui namayepi, nache qami' iuen da qanquigaxachiitec da qana'añaxataxaqui da qauo'oche 'enauac de'era. Qaq da nache qoñiitec de'era, nache saishet da huo'o ca nqanaxat da qanachaalataxaqui da qaua'amaqchiñiitac So Cristo.

Nuevo Testamento Toba Sur

¹⁰ Qaq ÿoqo'oyi qami' ÿaqaÿañicpi, cha'ayi mashi ime da qami' iÿaxanalo ñi Dios qataq qami' lca'agui'shi, qaq ÿataqta qanpogoxoiñiÿapegue' de'eda da ÿataqta qami' ñaxatoiguilo. Cha'ayi da nachi qoñiitec de'eda, nachi sa ishit qome da qoviÿañi.

Nuevo Testamento Toba Sombrero Negro

¹⁰ Chane'eja ami yaqaya'olqa, yajouaĝat da'me Dios ami yiyaĝanalo ca'li qama'le nayi male ami liquiyaqa, 'noota qom auepaquitapega da'me dojo' qaedi nach'e eta't nichiquetajeguem da'me adepi'i, qa'a qom naq'aeta da'me auauoyi qama'le ja yitaĝa ta'le auapolegaĝañi.

2 Pedro 1:10 Referans Kwoze

2 Pedro 3:17

Qami' ñauochaxau' ỹaqaỹa't, de'era ỹa'aqtaxanaxac ỹa'axat da mashe sogote da qami' sevitaqteetagalo 'enauac de'era. Qaq ỹoqo'oye ỹataqta qanchilỹañi qome, yaqto' saishet da qami' ỹatenache't na shiỹaxauapi maye qauemaicpi, ime nache qami' qaỹa'axañiiuec da qaua'amaqchiñiitac Ñim Lo'onatac 'Enauacna.

Hebreos 6:11

Ỹataqta huo'o da qaryaxa da qoquiito'ot de'era qarasapachaqai, choche ivitta'a ca loga't da qanachaalataxaqui, yaqto' qauacoñiiguet 'enauac nam no'on maye chegoqchigui da qarhualaxaviqui.

Salmos 121:3

Ñimaye saishet qome da 'am hua'aqta'a da qouañi, cha'aye saishet da do'oche Ñim 'am ilotague'.

Miqueas 7:8

Qaq 'am ñepa'aguenaxaua, saishet qome da aỹem 'antootalec, cha'aye na'aictaxa da souañe co'ollaxa qalaxaye qaltaq ñachaañi qome, qataq na'aictaxa da sootaigui ca napalaxa, qalaxaye Ñim Nataxala' nacheñi ñim aỹem icoỹattalec.

Salmos 112:6

Ỹoqo'oye camaye saishet da huañi, qataq nache 'eetai' da nhuennataxat cam no'on da lataxac.

2 Pedro 1:5

Qaq ỹoqo'oye, da iqataxac no'on da ỹataqta qanpogoxoiñiỹapegue' da: qaua'añaxachiichiguiñi da qarpi'iỹaxaqui Ñim Lo'onatac 'Enauacna qataq qana'añaxache da qauo'oche ca ỹaỹamaqchiguiñi, qataq qanpogoxoiñiỹapegue' da ỹataqta qauauattoñiita Ñim Lo'onatac 'Enauacna,

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Salmos 62:2

Nacheñita Ñimaye da aỹem mpaxattalec, qataq ica'alaxaqui, qataq ỹe'eguenaxala', nache saishet qome da souañi.

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Isaías 56:2

Qaq ỹataqta machiguiñi qome ca ỹale maye ỹo'ot ne'ena namaxasoxonaxacpi, qataq da ỹalaxalec da ipaqueelec, qataq huo'o naq 'enec naqa'en ye na'a'q mataxaqui, qataq ỹataqta ntelañi da ỹo'ot ca qauem.»

Salmos 62:6

Nacheñita Ñimaye da aỹem mpaxattalec, qataq ica'alaxaqui, qataq ỹe'eguenaxala', nache saishet qome da souañi.

Salmos 37:24

nache na'aictaxa da quia'aqñi, qalaxaye saishet da huañi, cha'aye Ñim Nataxala' nasoqtañi camaye.

Hebreos 6:19

Qaq de'era qanaquitaxac, nachera dam qomi' ỹanema da ỹataqta 'eesa de'era. Damaye 'eeta'am acam lcat maye nllañi aso notaxaqui late'erai maye quiguingui na 'etaxat, da yaqto' qaica ca ldaxac ca hueta'a. Qaq de'era qanaquitaxac, damaye qomi' ỹanema So Jesucristo, Som pa'aueegue da laỹe so napoxonaxat maye pa'auo añi lo'onaxanaxaqui late'erai Ñim Lo'onatac 'Enauacna na pa'asheguem, qataq huenoxoneua'a yem ndaqa' maye ỹataqta sa qaishetapec.

Salmos 15:5

qataq ca ishet da ỹa'aalaxanaxanec ca lỹa aca alom, qalaxaye saishet da naquitta'a da qanquigaxatsheguem aca'aca alom, qataq ca saishet da ỹaconeguet aca nsheetenaqte da qanshetaique huo'o ca qaỹo'otec ca qaica ca lasouaxashet. Qaq ca nache 'eetec de'era, camaye saishet da huañi.

Mateo 22:14

Qaq nache 'eetec de'era cha'aye qalota na qaicoyeguenpi da ỹalegueua'a da lo'onataxanaxac Ñim Lo'onatac 'Enauacna, qalaxaye saq 'amaqtaq nam ỹaỹamaxareeta Ñimaye.»

Romanos 11:29

Ñim Lo'onatac 'Enauacna saishet da ñe'eguelaxaala't cam mashe ime da ỹan, qataq saishet da icoua'ai cam shiỹaxauapi maye lca'aguishecpi.

Santiago 2:10

Qami' da qaualaqaiguet 'enauac na namaxasoxonaxacpi, qalaxaye da huo'otaq 'oonolec ca saishet da qaupaquiilec namayepi, nache 'eeta'am da 'enauac na laỹepi namaxasoxonaxacpi da saishet da qaualaqaiguet.

2 Pedro 1:3

Ñim Lo'onatac 'Enauacna do'ogoxona da la'añaxac da yaqto' qomi' ỹanema 'enauac nam seuenaqtaique, qataq yaqto' ñachaataqtaigui dam ỹataqta 'eetapeguec. Nataqa'en Ñimaye qomi' ỹanema 'enauac de'era co'ollaq qomi' ỹauattonaxanaxaneque So Jesucristo. Qataq chegoqchigui Somaye da qomi' lca'agui'she da yaqto' ñeuanaqaua'a da llo'oxoyec da lo'onataxanaxac.

2 Pedro 3:14

Qaq ỹoqo'oye qami' ñauochaxau' ỹaqaỹa't, nagui da ña qauacheeta'aguet da yo'oq 'enauac de'era, qaq no'on da ỹataqta qanpogoxoiñiỹapegue' da qaulaquiichiguiñi da qoviito'ot Ñim Lo'onatac 'Enauacna, yaqto' Ñimaye saishet da qami' natenaleguete da huo'o ca qarasouaxashechi.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Josué 7:3

Qaq co'ollaq ñe'eguela'q soomaye nache 'enapegalo so Josué, 'eeta': «Sa iuen da 'auamaq 'enauac ne'ena nhuo' le'ecpi da jec da iloquiaxan ye Ai, cha'aye da 'auamaq ca dos huo'otaq tres mil alleppi nache nalota'ai' da iloquiaxan yi'iye huaqta'a't nỹecpi. Qaq nache saishet qome da imeta 'anqa'en da jec ne'ena nhuo' le'ecpi, cha'aye nam nauaatalec yi'iye huaqta'a't nỹecpi ỹataqta salamai'.»