2 Juan 1:6 - La'aqtaqa Ñim Lo'onatac 'Enauacna 2013

⁶ Ca ỹoqta 'eesa da lauotaxanaqtaic, nache nataqa'en ỹalaxaguet na lamaxasoxonaxacpi Ñim Lo'onatac 'Enauacna. Qaq qami' ye nache 'eetai' da qauaỹachiñi yem chegoqchiguiña de'era, da Ñim Lo'onatac 'Enauacna qomi' ỹamaxaleguete da nache 'eetai' da sauotaxac na qaraỹepi.

Nuevo Testamento Toba Sur

⁶ De'eda nauotaxanaqtaic naigui da qaÿalaxaguet na lamaxasoxonaxacpi ñi Dios. Qaq de'eda namaxasoxonaxac mayi qami' qau'aqaichigui co'olloxochiyi, damayi 'eetega da qoñiita'am ca shiÿaxaua dauotaxanaqta.

Nuevo Testamento Toba Sombrero Negro

⁶ Joda'me qadoqopich'i ladic yepacapegue da'me dojo': queda'me 'noota ta'le qolaqa'teguelo jodaa'me Dios lamaĝajoĝonaĝaco. Qama'le jenjo' Dios lamaĝajoĝonaĝac, da'me jo'ne joote auomachiya chiyoqo'teguet ca'li ga'me 'uaechiñe, nach'eda 'noota ta'le nach'e eta't da'me anoqopichiyapega't.

2 Juan 1:6 Referans Kwoze

1 Juan 5:3

Qomi' sachaxanaq da sauotaxac Ñim Lo'onatac 'Enauacna da salaxasoxoguet na lamaxasoxonaxacpi; qaq namayepi saishet da alaqaic da qaỹalaxaguet.

1 Juan 2:24

Qaq ỹoqo'oye saishet da qaỹa'axañiiñi da qauo'ocheetac nam qami' qaỹapaxagueneque co'ollaq cheta'ague da qaua'amaqchiñi So Cristo. Da qoquiito'ot da qauo'ocheetac damaye, nache qami' nache 'eetai' da qana'ayeetaua'a Som Ñalec qataq Ñim Nta'a,

1 Juan 2:5

Qalaxaye cam ỹo'ot ca damaxasoxoolec Ñim Lo'onatac 'Enauacna, qaq nacheca ca ỹaỹaten da lauotaxanaqtaic, 'eeta'am da lauotaxanaqtaic Ñim Lo'onatac 'Enauacna qataq ỹataqta ỹaỹateeta da nauochaxaua Ñimaye.

Juan 15:10

Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Juan 14:21

Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.

1 Juan 5:15

Qaq da qomi' saỹaanaq da Ñim Lo'onatac 'Enauacna hua'axaỹa da qanqouagaxaunaxac, nache nataqa'en saỹatenaq da qomi' ỹanema cam seỹaxanaqaique.

2 Juan 1:5

Qaq nagui qami' seỹaxanoto da ñi 'oonolec da shenaqta ỹataqta ỹauotec ca lỹa. Qaq de'era namaxasoxonaxac saishet da dalaxaic: cha'aye nacherata dam qomi' qoỹanema co'ollaq cheta'ague da sa'amaqtenaq So Cristo.

Deuteronómio 13:4

Qaq nacheñita Ñim Nataxala' maye Qanatamnaxala'ai da qoquiigue qome, qataq qavio'oxoyiñi qaupaquiichiguilo naua lamaxasoxonaxaco qataq qaualaqaigueta, ỹataqta qauo'oche' naua 'ena'ape, qataq saishet da qoquiỹa'ai Ñimaye.

Juan 14:23

Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

1 Juan 2:7

Qami' ỹaqaỹa't maye sa'amaqtenaqtac So Cristo, aỹem saishet da qami' saateguema ca dalaxaic namaxasoxonaxac. Nachaqrata dam namaxasoxonaxac maye qami' ỹanema Ñim Lo'onatac 'Enauacna co'ollaxa. Qaq de'era namaxasoxonaxac damaye ỹataqta nache 'eetai', Qaq damaye qami' mashe qauaỹachiñi.