2 Juan 1:10 - La'aqtaqa Ñim Lo'onatac 'Enauacna 2013

¹⁰ Qaq da huo'otaq huo'o ca qami' namaqtegalo da saishet da qami' ỹapaxagueneque de'era, nache camaye saishet da qauacoñiiguet da taua'a ca qarmaye, qataq saishet da qauquiñi.

Nuevo Testamento Toba Sur

¹⁰ Qaq da huo'otaq huo'o ca qami' nqo'onalo da sa ishit da ÿachitac de'eda napaxaguenataxanaxac, nachi camayi sa ishit da qanashiñiiguet ca qadmayi, qataq sa ishit da qanquiñi'.

Nuevo Testamento Toba Sombrero Negro

¹⁰ Qom 'uo gamachaqaega ami dejapichiyalo jo'ne ja dapaĝaguenataĝanec da'me dojo' Cristo lapaĝaguenataĝanaĝac, ena'te aueñi taue ga'me at'emequi uotaĝa ta'le auep'iyeñi;

2 Juan 1:10 Referans Kwoze

Tito 3:10

Da huo'o ca sa nhuoona't naqa'en na 'amqaanataxanaxaicpi, nache camaye ỹataqta 'autaxaỹot. Qaq da 'am sa ỹalaxaguet da mashe dos 'avi'eguelaxalec da qonapega, nache camaye 'anqateeguesop na 'amqaanataxanaxaicpi.

2 Ts 3:6

Qami' qarqaỹa't, qami' shenaqapegalo, cha'aye qomi' lamaxa'she So Qarataxala' Jesucristo, da saishet da qavi'enaxache da lataxac ca camachaqca qarqaỹa da saishet da do'onataxan, qataq lamaaxa da saishet da quetegue da qarapaxaguenataxanaxac maye qami' sanaxama.

2 Ts 3:14

Da huo'o ca 'oonolec da qoñiita da saishet da ỹalaxalec da qara'aqtac maye huetalec ana qorere, qaq camaye ỹataqta qauauattoñiita. Nache saishet da qavi'enaxache da lataxac, yaqto' camaye maiche na'aloxon.

1 Corintios 5:11

Da sheetega 'eeta': saishet da qauauo'oi qanauochaxauai ca 'eetega da qara'amqaanataxanaxauai qalaxaye ỹo'ottac de'era. Ca shiỹaxaua maye lataxac de'era, camaye saishet da qanso'oñiita'ai' da qarquia'axauai.

2 Juan 1:11

Cha'aye da qauquiñi camaye, nache 'eeta'am da qanhuañiỹaua'a cam qauem maye ỹo'ottac.

1 Corintios 16:22

Da huo'o ca saishet da ỹauotec So Qarataxala' Jesucristo, nache Ñim Lo'onatac 'Enauacna talec naqa'en ca qauem. ¡'Am Qarataxala', saqaỹaloq qome da 'añe'eguelaq!

Salmos 129:8

Da huo'o ca nlectot nache saishet da, 'eeta': «Da lchoxonnataxanaxa Ñim Nataxala' qami' taleguete qome, souaxalec da le'enaxat Ñim Nataxala' da qami' taleguete qome naqa'en da lchoxonnataxanaxa.»

Génesis 24:12

Qaq huaña yemaye, nache so namaxashec nqouagaxauen, 'eeta': «'Am Nataxala', maye 'Am Natamnaxala' ñi ña'aco' Abraham, aỹem 'aỹa'anem na na'a'q, da no'oitegue da ỹecỹaxac, qataq 'auachaxana da 'arauotaxanaqtaic ñi ña'aco'.

1 Reyes 13:16

Qalaxaye somaye 'enapeco': «Saishet da she'eguelaq, qataq saishet da ñeqo'ona ca 'arma', qataq saishet da sachec aca nauole huo'otaq da ñeỹomgui ca 'etaxat da huaña ne'ena.

Hechos 15:23

Nache soomaye ỹache' qanqa'e'n aso nere maye huetalec da na'aqtac, 'eeta': «Qomi' Jesús lamaxa'she qataq naua qarỹa't lataxala'ate na 'amqaanataxanaxaicpi maye hueta'a na nỹecpi na Jerusalén, qomi' samaxasaxa da qarquinaxanaxac na qarqaỹañicpi maye saishet da judiopi, maye netaña ye Antioquía qataq ye 'alhua Siria qataq ye Cilicia.

3 Juan 1:10

Qaq ỹoqo'oye qom qami' ñamaqtegalo, nache ỹataqta shenapega camaye, cha'aye qauema naua ltaxaỹaxaco da qomi' detaqtegalo. Qataq saishet da nachaqrata damaye nataqa'en saishet da ỹaconeguet na quetague' So Cristo maye ỹaqa'a ca chegaqa'ague. Qaq da huo'o ñim huotaique da ỹaconeguet namayepi ca lma' qalaq saishet da ỹashenem, qataq ỹamaqauec da ca'ai naqa'en na 'amqaanataxanaxaicpi.