2 Corintios 8:9 - La'aqtaqa Ñim Lo'onatac 'Enauacna 2013

⁹ Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Nuevo Testamento Toba Sur

⁹ Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

Nuevo Testamento Toba Sombrero Negro

⁹ Ami auayachiñe ñe'me Qadejaliaĝanec Jesucristo yataqachiñe neuoyaq ca'li, qalaĝaja queda'me ami noqopitalo qama'le nec'ata jena'me aleua, yaconeguet da'me lachoĝodec qaedi ami auovidiya'a da'me ami neuoyaĝadi.

2 Corintios 8:9 Referans Kwoze

Romanos 8:32

Cha'aye Ñimaye qomi' ỹanema so lalamaxat Llalec co'ollaxa. Qaq da qomi' ỹanema So Llalec, nache nataqa'en qomi' ỹanema 'enauacna.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Romanos 5:8

Qalaxaye na'aictaxa da qomi' ñaq souaqtaigui co'ollaxa da qaye'etaxaloxo, qalaxaye Ñim Lo'onatac 'Enauacna ỹachaxan da lta'araic lsoxoyec, nache qomi' namaxalo So Jesucristo da yaqto' qomi' ileualeguete.

2 Corintios 6:10

'Eeta'am da saquicoqtac, qamaq ỹoqta 'eesa da qomi' samaqtapiguiñi. 'Eeta'am da qomi' choxora'q, qalaxaye qalota na sesallaqchetaq. Na'aictaxa da qaica ca ye da shenaqta, qalaxaye qaica ca seuenaqtac.

Efesios 2:7

Qaq ỹo'ot de'era Ñimaye, cha'aye nshetaique da ỹachaxan da 'eetec cam ñaq natrauo na'axa'te da lta'araic lauotaxanaqtaic da shenaqta qataq dam lqouagaxanaqtaic maye ỹachegoxotchigui So Cristo Jesús.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

1 Timoteo 6:18

Qonapega nataqa'en da ỹo'ot ca ỹaỹamaqchiguiñi, yaqto' nachera da lsallaxa dam no'on lo'onataxanaxac. 'Auennataxanaxanec da qaica ca ỹectega da ỹan da detaunaxanot nam hueto'otpi.

Lucas 16:11

Qaq qami' da saishet da qauaỹachiñi da qauloỹeegue cam saq 'amaqtaq qataq qaica ca naigui, 'eeta'am aca anom maye qaỹachegoxotaigui da natenataxanaxac, qaq ¿negue'to' ca ishet da qami' pi'iỹa'alo da qami' ipataxaleguete cam ỹataqta huo'o ca naigui?

Hebreos 1:2

Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.

Lucas 9:58

Nache So Jesús 'enapeco': –Ana huaxaỹaxapi huo'o na lauac, qataq na qoỹopi 'enauac huo'o na lpata'c, qalaxaye Aỹem Shiỹaxaua Llalec, qaica ca ỹataqta ima' da so'oche.

Apocalipsis 3:18

Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

Efesios 3:19

Qataq seỹaxaatacot Ñim Lo'onatac 'Enauacna, da yaqto' qami' ỹataqta qauauattoñiita de'era nauotaxanaqtaic maye ỹataqta napacalec 'enauac na qarauattonaxanaxacpi, qataq yaqto' qami' qauacoñiiguet 'enauac nam huotaique da qami' ỹanema Ñimaye.

1 Corintios 1:4

Nache 'eetai' da saatacot da ña'achecỹaxac Ñim Lo'onatac 'Enauacna, souaxat da qoñiita, cha'aye chegoqchigui So Cristo Jesús da qami' icoreleguete da lqouagaxanaqtaic Ñimaye.

Lucas 2:7

ñiguiñi so la'auaxanec llalec. Qaq souaxat ye sa ỹanatra cam nỹec maye ishet da huera'a se'eso pe, nache soomaye huera'a so lma' na nlo shiguiỹacpi. Nache huaña yemaye co'ollaq ñiguiñi so llalec, nache aso María lpataxangui so lapo' hualoq laỹe. Ime, nache ỹachangui aso lquia'axaqui na shiguiỹacpi.

Isaías 53:2

Ñim Nataxala' maiche lhuennataxa co'ollaxa da ñim lamaxashec 'eeta'am da lañaxataxac aca nañiguishe da saxanaxa da da'añi maye naua lpa'aye taiguilo cam deqaqta 'alhua. Nache qaica ca lyac qataq ca llo'oxoyec, da lataxac qalaq saishet da qaiqopittaua'a,

Juan 16:15

Cha'aye 'enauac nam lalamaxatpi Ñim Ita'a, namayepi nataqa'en ỹalamaxatpi. Qaq ỹoqo'oye Aỹem shenapec da que'eca Saqcha'a Na'añaxac Camaye qami' ỹaỹaanaxanaxaneque 'enauac da sheeta.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Juan 1:10

Qaq se'eso Na'aqtac nale'ena da hueta'a ana 'alhua. Qaq na'aictaxa da Ñim Lo'onatac 'Enauacna ỹachegoxotchigui co'ollaq ỹo'ot ana 'alhua, qalaxaye nam huetalec ana 'alhua saishet da ỹaconeguet.

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Apocalipsis 21:7

Qaq cam saishet da iqallem na lqalaiguesat qataq nache queto'ot da lpi'iỹaxac Aỹem, nache sami' 'enauac ne'ena, nache camaye ỹataqta ỹalec qataq camaye ỹataqta Aỹem Lta'a.

1 Corintios 15:47

So hua'auchiguiñi shiỹaxaua, qaỹachegoxotaigui ana 'alhua. Qalaxaye so pa'atec shiỹaxaua, Somaye chegoqo'ot na piguem.

Romanos 11:12

Qaq nagui da souaxat da sa ỹalaq na judiopi, nache 'enauac na shiỹaxauapi maye huetalec ana 'alhua ỹaconeguet da ntaunaguec, ¡qaq ỹoqta 'eesa da ỹaconeguet namayepi da ntaunaguec qom 'enauac nam judiopi da ỹoltaq ỹaỹamaxareeta Ñim Lo'onatac 'Enauacna!

Juan 17:19

Qataq souaxat naamaye, nache Aỹem ỹataqta 'am ñañanot yaqto' naamaye nataqa'e'n ishet da 'am nañaarot, chegoqchigui dam 'eesa lataxac.

Juan 12:30

Nache So Jesús 'enapego' somayepi, 'eeta': –Da huo'omshe qaua'aqaỹa se'eso nvilỹaxac; huotaique da qami' itaua'n da yaqto' Aỹem qaua'amaqchiñi.

Marcos 6:3

¿Sa nachero' peta'a da qo'oipaq lo'o, maye llalec aso María qataq lqaỹa so Santiago, José, Judas qataq so Simón? Qataq ¿saq hueta'a peta'a nam souaqta'a soua lqaỹa't 'alol? Nache So Jesús sa ỹaỹaten naqa'en ca 'eetec somayepi.

Mateo 17:27

Qalaxaye da yaqto' saishet da dalemata nam lapootega't ana nsheetenaxanaqte, nache no'on da 'anqo'onaxaama qome aso auaxai, ime, nache 'auasaxañi aca 'arqoina. Qaq ca hua'auchiguiñi 'arqoishec nỹaq camaye 'auauachigui na alap qome, nache 'aulalec aca anom lcatole. Nache 'auacona acamaye, nache 'aỹa'aneuo aca isheetenaxanaqte qataq aca 'arsheetenaxanaqte.

Isaías 65:8

Ñim Nataxala', 'eeta': «Ana uva da ỹaguec na lli'i, nache na shiỹaxauapi saishet da ỹe'en, cha'aye ishet da ỹachegoxotaigui na qalota lataxa. Qaq 'era nataqa'en da sheetec qome souaxat da ỹauoche nam ỹamaxashecpi. Qaq saishet qome da ñelaxaañi 'enauac na ỹotta'a't shiỹaxauapi.

Isaías 62:1

Qaq souaxat da ỹauotaxanaqtaic 'am Sión, nache saishet qome da ñe'emaxat, qataq souaxat da ỹauotaxanaqtaic 'am Jerusalén, nache saishet qome da ñematec, choche ivitta'a da yo'oq na le'eraxa da 'arauegaxanaxac 'eeta'am da yaqta'a da yo'oxoñi, qataq da 'arca'alaxa 'eeta'am aca ncoỹaraxanaqte.

Colosenses 1:24

Qaq nagui aỹem ỹataqta samachiguiñi, cha'aye huo'o da ñeque'eenaxac souaxat da qoñiita. Cha'aye de'era nque'eenaxac da ỹalamaxat ỹo'ocỹaxac, damaye naigui da nalochiguiñi ñaqa'en na nque'eenaxacpi So Cristo souaxat 'enauac nam ỹa'amaqten Somaye.

Romanos 15:3

Cha'aye ivira'a So Cristo da saishet co'ollaxa da iuennatega da 'oonolec da nachaqsota da qaỹaỹamaxareeta. Cha'aye da la'aqtac Ñim Lo'onatac 'Enauacna maye nanettalec ana nere maye huetalec na la'aqtacpi Ñimaye, 'eeta': «Da lsheunaxanaxac nam 'am isheueetac 'enauac Aỹem talec.»

Apocalipsis 2:9

Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.