2 Corintios 7:7 - La'aqtaqa Ñim Lo'onatac 'Enauacna 2013

⁷ Qaq saishet da nachaqrata da lviraxac somaye da qomi' ỹa'añaqche't, cha'aye nataqa'en saỹaanaq da somaye ỹataqta lta'araic da ntonaxac souaxat da qoñiita. So Tito qomi' da'aqtaxaatapeguema da qami' ỹataqta huo'o da qaryaqai da qomi' qanauañito, qataq qomi' da'aqtaxaatapeguema dam qaraquicoqoi souaxat dam souaqaigui qataq da qaica ca qaramaxayiqui souaxat aỹem. Qaq can sa'axaỹa de'era, nache ỹataqta nquictec da ñetonaxac.

Nuevo Testamento Toba Sur

⁷ Qaq sa ishit da chaqdata da lvidaxac somayi, cha'ayi somayi ÿataqta huo'o da l'añaxac souaxat da qoñiita. Cha'ayi somayi qomi' da'aqtaxaatapeguema da ÿataqta huo'o da qadyaqai da aÿim qanauañi', qataq qomi' da'aqtaxaatapeguema dam qadaquicoqoi qataq da qaica ca qadamaxayiqui souaxat aÿim. Qaq nachida da ÿoqta nquigaxatteec da ñitonaxac.

Nuevo Testamento Toba Sombrero Negro

⁷ Nataq'aen ja jaldata qo'mi made'tape da'me jauanaĝa, dite da'me nach'e ena'am jayatenaq queda'me ami chiyaqayilo matac joñe'me. Tito qo'mi 'yaĝatema queda'me jetaque qo'mi auañiyalo, jo'ne ami totelo'te q'ae'n ga'me jo'ne 'uo ca'li, nataq'aen queda'me jayem auenachetapega. Mane'e ca'li jomachiya da'me lep'iquenataĝanaĝac qama'le yataqata nichiyaĝategue da'me yamaic.

2 Corintios 7:7 Referans Kwoze

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

2 Corintios 5:2

Qaq 'eesa da huo'otaq ña ñeca'alaqtauec nagui da ña ñachaataqtaigui de'era qaro'ocỹaxac, qalaq ỹataqta huo'o da qarachetataic, qataq huo'o da qaryaxa da ñeqochenaxa ca qarma' maye qaica ca loga't.

2 Juan 1:4

Ỹataqta huo'o da lta'araic ñetonaxac, cha'aye aỹem huo'o na selalec da qoñiita da nateeteguet da 'eesa lataxac maye qomi' ỹamaxaleguete Ñim Lo'onatac 'Enauacna maye Nta'a.

Santiago 5:17

Saloqnaxana so la'aqtaxanaxanec Ñim Lo'onatac 'Enauacna le'enaxat Elías. Somaye da lataxac ỹataqta 'eeta'ama qomi'; qalaxaye huo'o da lpi'iỹaxac co'ollaq nqouagaxaunot Ñim Lo'onatac 'Enauacna da yaqto' saishet da huo'o ca auot, nache ipacchigui da saishet da huo'o ca auot ana 'alhua, iviraxattre'c soua tres vi'iye, qataq so laiñi so lỹa vi'i.

Hebreos 2:1

Qaq ỹoqo'oye qomi' iuen da ỹataqta sauoqo'o da qarqochoxo da na'aqtaxanaxac maye chegaqaigui da nca'alaxa maye sa'axasoqchigui, yaqto' saishet da qolaqa'ai so nqa'aic maye qomi' ỹachaxanalo Ñim Lo'onatac 'Enauacna.

1 Ts 3:8

Nagui da saỹatenaq de'era, nache ñanomaqteguet da dalaxaic da qara'añaxac.

1 Ts 3:6

Qaq can nvi' ñi Timoteo da chegaqa'a na Tesalónica, nache qomi' da'aqtaxaateguema da qami' ỹataqta qanauochiỹa't qataq saq qaỹa'axañiiuec da qarpi'iỹaxaqui Ñim Lo'onatac 'Enauacna. Nataqa'en qomi' da'aqtaxaateguema da qomi' qauennachetrapigui souaxat da qarauotaxanaqtaiqui da shenaqta, qataq huo'o da qaryaqai da qomi' qanauañito, 'ena'ama qomi' da huo'o da qaryaxa da qami' ñauanaxato.

Colosenses 2:5

Cha'aye aỹem, na'aictaxa da saishet da yo'oqchigui da qami' salectaiguilo, qalaxaye, nache 'eetai' da qami' seuennategalo qataq ỹo'ot da ñetonaxac da qami' saỹate'n da ỹaỹamaqchiguiñi da qarataxaqui, qataq qoquiito'ot da qarpi'iỹaxaqui So Cristo.

Filipenses 1:20

Aỹem huo'o da ñaquitaxac qataq ỹataqta lta'araic da iyaxa, da yaqto' saishet da sevireguet ca ỹa'aloxo, nacherata da ỹachegoxotchigui aỹem da ỹachaxan da la'amaqchec So Cristo, nagui da ñaq ñeca'altauec huo'otaq qom mashe seleu.

2 Corintios 8:16

Qaq sanot da ña'achecỹaxac Ñim Lo'onatac 'Enauacna, cha'aye Ñimaye ỹachanguit añi lquiyaqte so Tito da 'eeta'am naqa'en aỹem da huo'o da lyaxa da qami' itaua'n.

2 Corintios 2:9

Co'ollaq qami' samaxalo aso ỹere, qaq nache huetalec 'enauac de'era. Qaq qami' samaxalo asomaye, cha'aye ñeshetaique da qami' she'egue'n, da qami' lhuotte' da qoquiigue nam ỹapaxaguenataxanaxacpi.

2 Corintios 1:14

nam saxanaxa da ỹoqta qauaỹaañita. Huaña, nache qom ñe'eguelaq So Qarataxala' Jesucristo, nache qomi' qantoñiitapegueque, qaq nache 'ena'ama qomi' da qami' ñetonaqtapegueque.

Romanos 1:12

Qaq yaqto' ñi 'oonolec da shenaqta ishet da itauan ca lỹa chegoqchigui da la'añaxac da lpi'iỹaxac Ñim Lo'onatac 'Enauacna.

Hechos 11:23

Qaq so Bernabé maye no'on da lataxac qataq nlaqchigui da la'añaxac So Saqcha'a Na'añaxac Qui'itta, qataq nda'a't So Qarataxala' da lpi'iỹaxac. Somaye co'ollaq ivi', nache ila'a da lqouagaxanaqtaic Ñim Lo'onatac 'Enauacna da huetalec 'enauac so shiỹaxauapi. Nache somaye ỹataqta machiguiñi. Huaña, nache ỹataqta huaqattega 'enauac somayepi da yaqto' da lquiyaqteỹaxac sa dasheuec, chaqrata da ỹataqta quetegue So Qarataxala'.

Lucas 22:44

Qaq co'ollaq mashe ỹaguec da nque'eenaxac, nache qaltaq nquigaxattec da na'añaxataxac da nqouagaxaunaxac, nache na nchelchaxa maye anactac, 'eeta'ama naua ntago'q da ñeeleguete na 'alhua.]

Mateo 26:75

nache so Pedro tachigui lauel da la'aqtac So Jesús co'ollaq, 'eeta': «Qom yaqta'a da nỹen ca 'olgaxa, qaq 'am mashe sogote qome da tres 'avi'eguelaxalec da qonetega da Aỹem sa 'auauatton.» Nache so Pedro pa'auec, nache ỹataqta nỹeetac, qataq ỹataqta lta'araic da laquicoxo.

Mateo 5:4

Ñim Lo'onatac 'Enauacna ỹaalec da nqouagaxa nam huo'o da nque'eenaxac nagui, cha'aye Ñimaye ỹami' da lamaicỹaxac namayepi.

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Salmos 51:1

'Am Ñatamnaxala', ñaq aỹem 'auchoxoren souaxat da lta'araic 'arsoxoyec, qataq 'auapalaxat na ỹasouaxashetpi cha'aye huo'o da 'arauotaxanaqtaic.

Salmos 38:18

Ỹoqo'oye aỹem sa'axat qome na ỹasouaxashetpi, cha'aye ỹataqta ỹo'ot da ỹaquicoxo.

Salmos 30:5

Cha'aye da layeloxo Ñimaye sa qaỹauec, qalaxaye da no'on ltaunaxanaxac ivittec naqa'en da achaalataxac. Cha'aye da huo'o da noinaxac ye pe, qalaxaye ye lỹa na'a'q qaltaq huo'o da namaicỹaxac.

1 Corintios 5:2

¡Qalaq qami' ñaq 'eetalec da qaño'oxoreñiitai'! ¡Qamaq ishettaxa da ỹataqta qauaquicoita! Qataq qanqacheeguesoptaxa na 'amqaanataxanaxaicpi ñi'iñi ỹale.

2 Corintios 1:4

Da ivita da seviraxaguet da qarqalaic huo'otaq da qanque'eenaxac, nache Ñim Lo'onatac 'Enauacna qomi' itaua'n, da yaqto' ishet da nataqa'en setauanaq ca huetapoigui da nque'eenaxac huo'otaq ca ivireguet ca lqalaic.

2 Corintios 7:6

Qalaxaye Ñim Lo'onatac 'Enauacna maye ishet da ỹa'añaqchet cam huo'o da nque'eenaxac, Ñimaye qomi' ỹa'añaqche't ỹachegoxotchigui da lviraxac so Tito.

2 Corintios 7:8

Aso ỹere maye qami' samaxalo co'ollaxa asomaye ỹataqta qami' ỹaquicoqche't, qalaxaye saishet da huo'o ca ñetogotaxac souaxat da qami' samaxalo asomaye. Qaq na'aictaxa da saỹaten da asomaye qami' ỹaquicoqche't, qalaxaye nataqa'en saỹaten da sa qaỹauec da qaraquicoqoi.