2 Corintios 13:4 - La'aqtaqa Ñim Lo'onatac 'Enauacna 2013

⁴ Qaq 'eesa da 'eco' qaica ca la'añaxac Somaye co'ollaq qaiuaxaneuo, qalaxaye nagui Somaye nca'altauec chegoqchigui da la'añaxac Ñim Lo'onatac 'Enauacna. Qaq ỹoqo'oye qomi' ñeuanaqaua'a So Cristo da qaica ca qara'añaxac. Qalaxaye huo'o da qana'achec, cha'aye ñeuanaqaua'a da la'añaxac Somaye qataq da lca'alaxa maye chegoqo'ot Ñim Lo'onatac 'Enauacna. Qaq qom qami' sevitaxalo, nache ishet da ỹataqta qami' sachaxanaxalo de'era na'añaxac.

Nuevo Testamento Toba Sur

⁴ Qaq 'eesa da 'ico' qaica ca l'añaxac somayi co'ollaq qaiuaxaneuo, qalaxayi somayi nachattaigui da l'añaxac ñi Dios. Qaq ÿoqo'oyi nataq'en qomi' ñiuanaqau'a dam lchiguemaxa. Qalaxayi da ñi'adaqtau'a somayi, nachi qomi' nachattaiguilo da l'añaxac ñi Dios, yaqto' ishit da qami' souaqtapegueto.

Nuevo Testamento Toba Sombrero Negro

⁴ Joñe'me qaya'te 'lañaĝac ca'li qoyep'enajeguem, qalaĝaja nayi da'me lañoqotaĝanaĝac ñe'me Dios en nec'aletaye joñe'me. Qo'mi ñetauanaqa'uo da'me lachoĝolaĝac ñe'me Cristo, qalaĝaja nach'e ena'am ñetauanaqa'uo da'me 'loyaĝac ñe'me, yajouaĝat da'me lañoqotaĝanaĝac ñe'me Dios, qaedi male ami yecochaĝalo.

2 Corintios 13:4 Referans Kwoze

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

Romanos 6:4

Co'ollaq qomi' qanachelaxa'n, nache seleuaq qataq qarỹachiguiñi' Somaye da qomi' qailalyiñi. Qalaxaye seleuaq da yaqto' qomi' qanca'alaxatre'c. Qaq 'eeta'am co'ollaq Ñim Lo'onatac 'Enauacna maye Qarta'a da irolec da lta'araic la'añaxac da nca'alaxatec So Jesús, nache nataqa'en 'eetec de'era da qomi' ỹanema da achaalataxac maye dalaxaic maye ishet da qolaqto'ot.

Hebreos 5:7

So Cristo co'ollaq hueta'a ana 'alhua, qalaq Somaye ỹataqta ỹaguec da nqouagaxaunaxac da nqouagaxaueetacot Ñim Lo'onatac 'Enauacna, qataq ỹataqta nỹeeto'ot qataq nachoxoreetacot da sa ivireguet qanqa'en da l-leuaxa, cha'aye Ñim Lo'onatac 'Enauacna huo'o da la'añaxac da yaqto' ỹo'ot damaye. Qalaxaye So Cristo ye nache 'eetai' naxa da laxaraic, nache Ñim Lo'onatac 'Enauacna ỹasateguet da nqouagaxaunaxac.

1 Corintios 15:43

Da huo'o ñi ileu, nache qailareñi da lo'ocỹaxac, qaq de'era no'ocỹaxac ivira da qaica ca lyac qataq qaica ca la'añaxac. Qalaxaye que'eca shiỹaxaua da qaltaq nca'alec, nache da lo'ocỹaxac ỹataqta huo'o da lyac qataq huo'o da la'añaxac, nache saishet da qaltaq ileu.

1 Corintios 2:3

Co'ollaq qami' ñachattaiguilo da qami' sapaxagueeta'ape qataq qami' sa'aqtaxaateguema da na'aqtac, qalaq qaica ca ỹa'añaxac qataq seviloxoltai' da icolanaxa.

Filipenses 3:10

Qaq ỹoqo'oye dam 'oonolec maye ỹataqta seyaqa'a, damaye sauotaique da ỹataqta sauattoota So Cristo, qataq da ñauane' da la'añaxac co'ollaq nca'aleeguesop da nleuaxa, yaqto' ñeuanaua'a da nque'eenaxac, qataq sevira'a da shena'am Somaye da l-leuaxa.

Romanos 14:9

Qaq ỹoqta 'eesa da So Jesucristo ileu co'ollaxa, qalaxaye qaltaq nca'alec, da yaqto' Somaye huo'o da la'añaxac da ilo'ogue nam ñaq nca'altauec qataq na mashe ileu.

Juan 10:18

Qaica ca ishet da deuotaxanec de'era ñachaalataxac, qalaxaye maiche Aỹem chegoqchigui da san damaye. Qaq Aỹem huo'o da shenec da san damaye, qataq da ñe'eguelaxaala't. Qaq 'era dam Aỹem ỹamaxalec Ñim Ita'a.

Hechos 2:36

Ỹoqo'oye qami', Israel le'ecpi, iuen da ỹataqta qauaỹaañita de'era, da So Jesús maye qami' qauaxañiiuo co'ollaxa, nacheso so ỹanagui Ñim Lo'onatac 'Enauacna da Qarataxala' qataq Lca'aguishec Ñimaye.

2 Corintios 10:10

Cha'aye huo'o na 'eetega da naua ỹa'aqtaqa maye huetaleguete ana ỹere ỹataqta sa nsattegueta, qataq huo'o da la'añaxa'c, qaq dam ỹataxac da setaqtac, qalaq qaica ca ỹa'añaxac, qataq sa saỹaten da ỹaỹamaqchiyiñi naua ỹa'aqtaqa qataq ỹataqta qaica ca ỹayego't naua ỹa'aqtaqa, nachaqrata da qaỹo'ota'n.

Hechos 3:16

Qomi' sepi'iỹaqa'a da la'añaxac So Jesús, qaq qami' mashe qauauañiichigui. Qaq chegoqchigui da qarpi'iỹaxac da huo'omshe imauec da no'oita de'era ỹale.

1 Corintios 1:25

Cha'aye na shiỹaxauapi dam 'eetega, choche 'oopashec naỹaanec maye chegoqo'ot Ñim Lo'onatac 'Enauacna, damaye napacalec da laỹaanaxanaxa nam huetalecna. Qataq dam qaipettega da 'eco' qaica ca la'añaxac maye chegoqo'ot Ñim Lo'onatac 'Enauacna, damaye napacalec da la'añaxac na huetalecna.

1 Corintios 6:14

Qaq Ñim Lo'onatac 'Enauacna maye nca'alec naqa'en So Jesucristo co'ollaq qaỹalauat, Ñimaye nataqa'en taỹa'a da qomi' nca'alaxatre'c, do'onataxana da maiche la'añaxac.

2 Corintios 12:10

Qaq ỹoqo'oye samachiguiñi da huo'otaq qaica ca ỹa'añaxac, huo'otaq da aỹem qaisheueetac, huo'otaq da huo'o da iuenaxanaxa, huo'otaq da aỹem qaicaatac, huo'otaq da souaigui ca lqalaic sasoilec So Cristo. Cha'aye dam ỹo'ot da ỹa'añaxac, nachera naxa da ivita da ñauattoola't da qaica ca ỹa'añaxac.

2 Corintios 13:9

Qaq ỹoqo'oye da qami' 'añaxaiqa, nache qomi' ỹataqta samaqchiguiñi da qaica ca qara'añaxac. Qaq qolaqtot da ñeqouagaxaunaqtaleguete qami', yaqto' qanquiquiita'aguet da nalochiguiñi da qarpi'iỹaxaqui So Cristo.