2 Corintios 13:10 - La'aqtaqa Ñim Lo'onatac 'Enauacna 2013

¹⁰ Qaq qami' samaxalo ana ỹere nagui da saxanaxa da qami' ñeqo'onalo, yaqto' huo'o ca qardaqa'ai da qanaralaxache da qarataxaqui, yaqto' saishet da huo'otaq qami' sa sechera'ape qom qami' sevitalo. Cha'aye dam na'añaxac maye aỹem ỹami' Ñim Lo'onatac 'Enauacna, damaye setaunaxanot da yaqto' nquiguisheguem da qanaquitaxaqui Ñimaye, qaq saishet da yaqto' qami' selaxachiguilo.

Nuevo Testamento Toba Sur

¹⁰ Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

Nuevo Testamento Toba Sombrero Negro

¹⁰ Ja'uo janjo' yediije jo'ne ami jedenaqatenalo qa'a yauaqa'a da'me ami jec'atalo, qaedi qom ami jec'atalo ja ami 'te jauaĝalo'te ena'am da'me ami ñejaliaĝatelo'te. Ñe'me Jaliaĝanec jayem yanem da'me qaedi ami ñaqaloĝotetedajeguem, ja naqaeda ta'le jetaque ami ñejoyidiñe.

2 Corintios 13:10 Referans Kwoze

2 Corintios 10:8

Qaq na'aictaxa da huo'otaq aỹem qapio'olec da sagaqtenapeguec da shenec, qalaxaye saishet da ña'aloxootac. Cha'aye Som Qarataxala' aỹem ỹami' da ỹa'añaxac da qami' ñataỹañalo, da yaqto' qami' setaua'n da nquiguisheguem da qarpi'iỹaxaqui Somaye, qaq saishet da qami' ñelaxaayiñi.

2 Corintios 2:3

Qaq ỹoqo'oye qami' samaxalo co'ollaxa aso ỹere, cha'aye saishet da saỹamaxaren da qami' ñeqo'onalo da yaqto' aỹem qauaquicoqchichi, qamaq nachaqcatactaxa ca ỹamaicỹaxac da qauo'oche. Qaq ỹoqo'oye aỹem saỹateeta da huo'otaq aỹem samachiguiñi, qaq 'enauac da qoñiita qauamaichiguiñi.

Tito 1:13

¡Qaq 'eesa de'era la'aqtac! Ỹoqo'oye nagui ỹataqta 'ana'axannec da qonapega namayepi, yaqto' ishet da no'oita da lpi'iỹaxac,

2 Corintios 13:8

Nachaqrata da so'otaq cam itauan ca 'eesa lataxac, qataq saishet da so'otaq cam dataỹa'aguet damaye.

1 Corintios 4:21

¿Negue't ca ỹoqta qaupaquiitaique qom qami' ñeqo'onalo? ¿Peta'a qaravilliỹa da qami' seroleguete ca iuaxanaxanaxat, qalqo' da isoxoyec qataq da huesotta ỹataxac?

2 Corintios 13:2

Co'ollaq mashe dos da she'eguelaxalec da qami' ñamaqtegalo, nache qami' secoyegueete' da nam huo'o ca lasouaxashet aỹem ỹataqta ña'axannec da shenapega, semata'aguet nam taỹa'a nataqa'en da ỹo'ot de'era ñe'etaxaloxo. Qaq nagui da aỹem qaỹoqta, nache qaltaq she'eguelaxaalec de'era.

2 Corintios 6:6

Nataqa'en ichoxot da qomi' so'onataxanaqtacot Ñim Lo'onatac 'Enauacna souaxat da no'on qarataxac, qataq da qarauattonaxanaxac maye 'eesa qataq da qarhualaxavic, qataq da qarauotaxanaqtaic, qataq da nache 'eetai' da qomi' hueta'agueta So Saqcha'a Na'añaxac Qui'itta, qataq dam 'eesa qarsoxoyec,

2 Corintios 10:4

Cha'aye dam qaro'ogoxonaxat da huo'otaq seloquiaq, saishet da nachena na lo'ogoxonaxat nam shiỹaxauapi maye huetalec ana 'alhua. Cha'aye damaye nachera da la'añaxac Ñim Lo'onatac 'Enauacna, da yaqto' ishet da selaxataxagui nam ñe'eguenaxaquipi, nataqa'en nam mpa'aguenataxanaxacpi,